شينجياڭ نەگىزگى ساتى ساياسي – زاڭ ورگاندارى589 قىزمەتكەر تولىقتاپ قابىلدايدى

    2017 – جىلعى اۆتونوميالى رايوننىڭ ۇكىمەت قىزمەتكەرىن قابىلداۋ جازباشا ەمتيحانىنا قاتىناسىپ، ءنومىر شەگى ەڭ تومەنگى شەككە تولعان، بەتپە– بەت ەمتيحانىنا كىرمەگەن ەمتيحان بەرۋشىلەردىڭ قىزمەتكە قابىلدانۋ ورايى كەلدى، جوعارىداعى ايتىلعان شارتقا ۇيلەسەتىندەر 15 – قىركۇيەك ساعات 10نان 17 – قىركۇيەك ساعات 18گە دەيىن شينجياڭ كادرلەر ەمتيحان ورتالىعى تورابىنا(http://www.xjrsks.com.cn/)كىرىپ تىزىمدەلۋىنە بولادى.بۇل رەتكى تولىقتايتىن قىزمەتكەر سانى 589 بولىپ، قىزمەتكەر قابىلدايتىن نەگىزگى ورىندار اۆتونوميالى رايوننىڭ نەگىزگى ساتىداعى ساياسي – زاڭ ورگاندارى، مۇنىڭ ىشىنە 1 - تۇرمە، ايەلدەر تۇرمەسى، ءۇرىمجى ازامات جاسىنا تولماعان قىلمىسكەرلەردى تاربيەلەۋ ورنى قاتارلىلاردى قامتيدى.

    تولىقتاپ قىزمەتكە قابىلداۋ ۇقتىرۋى، قىزمەت ورنى كەستەسى اۆتونوميالى رايوندىق ادام كۇش بايلىعى جانە قوعامدىق قامتاماسىزداندىرۋ مەڭگەرمەسى تورابىندا(http://www.xjrs.gov.cn/)جاريالانادى.

    2017 – جىلعى اۆتونوميالى رايوننىڭ ۇكىمەت قىزمەتكەرىن قابىلداۋ ەمتيحانىندا قىزمەتكە قابىلدانعاندار، تەكسەرۋدەن وتپەگەندەر، قىزمەتكە قابىلدانۋ تولىمدىلىعىنان وزدىگىنەن كەشكەندەر بۇل رەتكى قىزمەتكەر قابىلداۋعا قاتىناسۋىنا بولمايدى. 19 – قىركۇيەكتەن 20 – قىركۇيەككە دەيىن شينجياڭ ءادىليا ساقشى وفيتسەرلەر مەكتەبىندە (ءۇرىمجى قالاسى ءتاڭىرتاۋ رايونى جيانچۋان كوشەسى 29 – ءنومىرلى اۋلا) ەمتيحانعا قاتىناسۋ تولىمدىلىعى تەكسەرىلەدى.

جاۋاپتى رەداكتور:سايراش تۇرارجان قىزى