قوس ءتىل بالا باقشاسى ۇلى ينجەنەريانى بەينەلەدى

اۆتونوميالى رايوننىڭ «ۇكىمەت قىزمەتىنەن بايانداماسىنىڭ» ورىندالۋ احۋالىن باقىلاۋ-تەكسەرۋ جەلىلەس حابارلارى

    9-قىركۇيەك كۇنى، تاشقورعان تاجىك اۆتونوميالى اۋدانى تاشقورعان اۋىلى بالالار باقشاسىنداعى قيمىل ۇيىندە بالالار اسىر سالا وينادى. بيىل تاشقورعان تاجىك اۆتونوميالى اۋدانىنداعى ءارقايسى قوس ءتىل بالالار باقشاسىنىڭ وقۋشى سانى كورنەكتى ارتتى 

    2017-جىلعى «ۇكىمەت قىزمەتىنەن بايانداماسىندا» اۆتونوميالى رايونىمىز اۋىل-قىستاقتاعى قوس ءتىل بالالار باقشاسى قۇرىلىسىن جەدەلدەتىپ، بالالار باقشاسىن قۇرۋعا ءتيىستىسىن قۇرىپ، ۇستەگى جىلى قىركۇيەك ايىندا بۇكىل رايونىمىز بويىنشا 3 جاستان 6 جاس ارالىعىنداعى بالالاردىڭ مەكتەپكە كىرۋىنە كەپىلدىك ەتۋدى ورتاعا قويدى. بيىلدان بەرى، ءارقايسى ايماق، وبلىس، قالا قوس ءتىل بالالار باقشاسى قۇرىلىسىن ماڭىزدى ساياسي مىندەت رەتىندە ىلگەرىلەتتى، ءارقايسى جەر مىندەتتى مەرزىمىندە ورىندادى.

    ەڭ سوڭعى قامال الۋ ساتىسىندا، حوتان قالاسىنداعى ءارقايسى جاڭادان سالىنعان بالالار باقشاسىنداعى وقىتۋشى-قىزمەتكەرلەر ۇستەمە جۇمىس ىستەپ، بالا باقشانىڭ ۋاعىندا وقۋ باستاۋىنا كەپىلدىك ەتتى. حوتان قالالىق روزا بالالار باقشاسىنىڭ وقىتۋشىسى ۋاڭ ۋي تامىز ايىندا قىزمەتتەستەرىمەن بىرگە ۇستەمە جۇمىس ىستەپ، بالالار باقشاسىن بەزەندىرۋ جۇمىستارىمەن اينالىسقان ەدى.

    «بيىل حوتان ايماعىندا جاڭادان سالىنعان بالا باقشا سانى 877 بولدى، مەكتەپتەگى وقۋشىلار سانى 242 مىڭعا جەتىپ، 2014-جىلداعىدان  3 ەسە ارتتى»،-دەدى حوتان ايماقتىق وقۋ-اعارتۋ مەكەمەسى پارتگرۋپپاسىنىڭ شۋجيى ياۋ چاۋپيڭ.

    شينجياڭ بالا باقشا وقۋ-اعارتۋىن ىلگەرىلەتۋ جونىندە وقۋ-اعارتۋ مينيسترلىگىنىڭ شينجياڭعا كومەككە كەلگەن كادرى، اۆتونوميالى رايوندىق وقۋ-اعارتۋ مەڭگەرمەسىنىڭ ورىنباسار مەڭگەرمە باستىعى ليۋ يۇيگۋاڭ جيناقتاي كەلە بىلاي دەدى: «مەملەكەت جولعا قويعان ماقسات 2020-جىلعا بارعاندا، بۇكىل مەملەكەت بويىنشا وقۋدان بۇرىنعى 3 جىلدىق بالا باقشاعا كىرۋ سالىستىرماسىن 85 پايىزعا جەتكىزۋ. شينجياڭ ءبىر جولاتا مەرزىمنەن 3 جىل بۇرىن بالا باقشاعا كىرۋ سالىستىرماسىن 100 پايىزعا ورىندادى.

    8-قىركۇيەكتە، باقىلاۋ-تەكسەرۋ گرۋپپاسى ءۇرىمجى قالاسى جوعارى جاڭا تەحنيكالى ءوندىرىس اشۋ رايونىنداعى (جاڭا قالا رايونى) اننيڭچۇي قالاشىعى گىبي قىستاعى قوس ءتىل بالالار باقشاسىنا كەلدى. وقۋ-اعارتۋدا حالىققا تيىمدىلىك جاساۋ تۋرالى ايتقاندا، بالا باقشا وقۋشىسى ما يۇيچىننىڭ اكەسى ما شىڭگۇي بىلاي دەدى: «مەن وسى ارادا تۇرعىلىقتى جەرگىلىكتى ديقانمىن، ءۇيىمنىڭ الدىندا وسىنداي كەرەمەت شارت-جاعدايى بار بالا باقشا بولادى دەگەن تۇسىمەدە كىرمەگەن، پارتيانىڭ جاقسى ساياساتىنا، ۇكىمەتتىڭ ءبىز ديقاندار ءۇشىن ۇرپاعىمىزدىڭ قامىن ويلاعانىنا شىن جۇرەكتەن العىس ايتامىن. قازىرگى تۇرمىسىمىز كوڭىلدى، قوس قولىمىزبەن دوڭگەلەك داۋلەتتى تۇرمىسقا جەتكىزۋگە سەنىمىمىز ونان ارى بەكەمدەلدى».

جاۋاپتى رەداكتور:سايراش تۇرارجان قىزى