شينجياڭ 5000 ۇكىمەت قىزمەتكەرى مەن وقىتۋشىنى وقۋ -اعارتۋ سالاسىنا قولداۋ كورسەتۋگە تاڭداپ جىبەردى

    وقۋعا تۇسۋدەن بۇرىنعى قوس ءتىل وقۋ – اعارتۋىنىڭ «ولقىلىعىن» تولىقتاۋ ءۇشىن، شينجياڭ بيىل كۇزگى جاڭا وقۋ ماۋسىمىنان باستاپ، ءار جىلى 5000 ۇكىمەت قىزمەتكەرى مەن وقىتۋشىنى تاڭداپ، وڭتۇستىك شينجياڭنىڭ 4 وبلىسىنداعى اۋىل - قىستاق بالالار باقشاسىنا ءبىر جىل كومەككە جىبەرەتىن بولدى.

    ءتىلشىنىڭ 9 – قىركۇيەكتە شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسىنەن ۇعىسۋىنشا، بيىل كۇزگى جاڭا وقۋ ماۋسىمىنان باستاپ، شينجياڭ جاڭا قابىلداعان 3000 ۇكىمەت قىزمەتكەرى، 2000 وقىتۋشىنى وڭتۇستىك شينجياڭنىڭ 4 وبلىسىنداعى اۋىل - قىستاق رايونىنداعى وقۋعا تۇسۋدەن بۇرىنعى قوس ءتىل وقۋ – اعارتۋىنا ءبىر جىل كومەككە جىبەرگەن. جىبەرگەن 5000 ادامنىڭ ىشىنە، اكىمشىلىك زاڭ ارناۋلى شتاتى بويىنشا قابىلدانعان حالىق ساقشىسى، وڭتۇستىك شينجياڭنىڭ 4 وبلىسىنداعى اۋىل - قالاشىق ۇكىمەت قىزمەتكەرلەرى، تاڭداپ وسىرىلەتىن دارىندىلار، جاڭا قابىلدانعان وقىتۋشىلاردىڭ ىشىندەگى وڭتۇستىك شينجياڭنىڭ 4 وبلىسىنا قابىلدانعان وقىتۋشىلار قامتىلماعان.

    بەلگىلەمە بويىنشا، تاڭداپ جىبەرىلگەن 5000 جاڭا قابىلدانعان ۇكىمەت قىزمەتكەرى مەن وقىتۋشىلار جازعى – قىسقى دەمالىسقا دەمالۋىنا بولادى، كومەك كەزىندە وڭتۇستىك شينجياڭ قىزمەت قوسىمشا قاراجاتىنان يگىلىكتەنۋ نەگىزىندە، ءار ايىنا 2600 يۋاندىق تۇرمىس جاردەم قاراجاتىن الادى، سونىمەن قاتار، كومەك كەزىندەگى قىزمەتكەرلەردىڭ قىزمەتتىك قاتىناسى بۇرىنعى مەكەمەسىندە ساقتالادى، ءار ٴتۇرلى يگىلىكتەنۋ سومالارىندا وزگەرىس بولمايدى، كومەك ۋاقىتى تولعاننان كەيىن، بۇرىنعى مەكەمە ورنىنا قايتادى.

    وڭتۇستىك شينجياڭنىڭ 4 وبلىسى قاشقار، حوتان، قىزىلسۋ قىرعىز اۆتونوميالى وبلىسى، اقسۋ قاتارلىلاردى قامتىپ، بۇل رايونداردا قوس ءتىل وقىتۋشىلارى اسا كەمشىل، ساپاسى «قۇرىلىمدىق سيپاتتى كەمشىل» بولۋداي ماسەلەلەرى كورنەكتى. سول سەبەپتى، شينجياڭ بيىل وڭتۇستىك شينجياڭنىڭ 4 وبلىسىنداعى اۋىل - قىستاق رايوندارىن نەگىز ەتىپ، بۇكىل شينجياڭدا جاڭادان نەمەسە وزگەرتىپ كەڭەيتىپ قۇرۋ نەگىزىندە، 4387 اۋىل - قىستاق قوس ءتىل بالالا باقشاسىن سالىپ، اۋىل - قىستاقتاعى بالا باقشاعا كىرگەن بالالار سانىن ءبىر ميلليون 128 مىڭ 900 ادامعا جەتكىزىپ، اۋىل - قىستاقتاعى وقۋعا تۇسۋدەن بۇرىنعى 3 جىلدىق اقىسىز قوس ءتىل وقۋ – اعارتۋىن نەگىزىنەن جالپىلاستىرادى.

جاۋاپتى رەداكتور:سايراش تۇرارجان قىزى