وقۋ – اعارتۋ مينيسترلىگى: ءارقانداي توراپتا قارىز اقشا بەرۋ قۇرىلىمىنىڭ جوعارى مەكتەپتەردەگى ستۋدەنتتەرگە قارىز اقشا تاراتۋىنا رۇقسات ەتىلمەيدى

    وقۋ – اعارتۋ مينيسترلىگى قازىنا مەڭگەرمەسىنىڭ باستىعى جاۋ جيانجۇن وقۋ – اعارتۋ مينيسترلىگىندە بۇگىن اشىلعان اقپار جاريالاۋ ماجىلىسىندە بىلاي دەدى: ءارقانداي توراپ قارىز اقشا بەرۋ قۇرىلىمىنىڭ جوعارى مەكتەپ قابىرعاسىنداعى ستۋدەنتتەرگە قارىز اقشا تاراتۋىنا بولمايدى. وقۋشىلاردىڭ اقشا ىستەتۋ سۇرانىسىن قاعاناتتاندىرۋ ءۇشىن، جۇيەلى ساۋدا بانكەلەرىن ستۋدەنتتەرگە باعىتتاپ شاعىن سوماداعى قارىز اقشا تاراتۋعا شابىتتاندىرادى.

    وقۋ – اعارتۋ مينيسترلىگى قازىنا مەڭگەرمەسىنىڭ باستىعى جاۋ جيانجۇن مەكتەپ قابىرعاسىنداعى وقۋشىلاردىڭ نە ءۇشىن العان قارىز اقشاسىنىڭ قۇيىنا باتاتىنىنا تۇسىنىك جاسادى. ويتكەنى الداعى كۇندەردە قايتاراتىن ءوسىمى وتە جوعارى، ءوسىمى سونشالىقتى جوعارى بولا تۇرا، وقۋشىلار نە ءۇشىن قارىز اقشا الادى؟ ويتكەنى ايتىلمىش توراپ تەكشە قۇرىلىمدارى ۇگىت - ءناسيحاتتا شىندىقتى بۇركەمەلەپ، «اقساقتى تىڭداي، جالعاندى شىنداي» ەتىپ كورسەتەدى دە، وقۋشىلارعا بۇل تۇردەگى قارىز اقشانى الۋدىڭ وتە ەبدەيلى ەكەنىن، ءوسىمى از ەكەنىن تۇسىندىرەدى. فينانس ساۋاتى تومەن وقۋشى بۇنداي جاعدايدا ەكى ويلى بولماي – اق ءوسىمى ەرەكشە جوعارى قارىز اقشانى الىپ، قارىزدىڭ قۇيىنا بىرتىندەپ باتىپ، اۋەلى، ءوسىمىن دە قايتارا المايتىن دارەجەگە دەيىن بارادى. قوعامدا وسىنداي كەسىرلى توراپ قارىز اقشا قۇرىلىمدارى جالعان ۇگىتىمەن وقۋشىلاردى شىرعالاپ، ناشار ىقپال تۋدىرۋدا.

    جاۋ جيانجۇن مىنالاردى اشىق ايتتى: وتكەن جىلدان بەرى وقۋ – اعارتۋ مينيسترلىگى مەن مەملەكەتتىك كەڭەستىڭ قاتىستى تاراۋلارى، نەگىزىنەن، بانكە باقىلاۋ كوميتەتى، قوعام حاۋىپسىزدىگى مينيسترلىگى، عالامتور ينفورماتسيا كەڭسەسى، ونەركاسىپ – ساۋدا باس مەكەمەسى سىندى بىرنەشە تاراۋ كوپتەگەن شارا، قۇجاتتاردى بىرگە شىعارىپ، مەكتەپتەردەگى قارىز اقشا ماسەلەسىن شوعىرلى جونگە سالدى. اسىرەسە، ۇستەگى جىلدىڭ باسىندا، العاشقى جارتى جىلدا وقۋ – اعارتۋ مينيسترلىگى مەن بانكە باقىلاۋ كوميتەتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەكتەپتەردەگى قارىز اقشا باسقارۋدى ارناعا ءتۇسىرۋ قۇجاتىن بىرلەسىپ باسىپ تاراتتى، بۇل قۇجاتتا مەكتەپتەردىڭ قارىز اقشا تاراتۋ سىندى كاسىبىن كۇشىنەن قالدىرىپ، ءارقانداي توراپ قارىز اقشا قۇرىلىمىنىڭ جوعارى مەكتەپتەردەگى ستۋدەنتتەرگە قارىز اقشا تاراتۋىنا رۇقسات ەتىلمەيتىنى ايقىن كورسەتىلدى.

جاۋاپتى رەداكتور:نۇرجان مينۋار قىزى