مىندەتتى اعارتۋ ساتىسىنداعى وقۋشىلاردىڭ وقۋدان قول ءۇزۋىن تەجەۋ تالاپ ەتىلدى

    مەملەكەتتىك كەڭەس كەڭسەسى بىرنەشە كۇننىڭ الدىندا «وقۋدان قول ءۇزۋدى تەجەپ، مىندەتتى اعارتۋدى بەكەمدەۋ دەڭگەيىن اناعۇرلىم جوعارىلاتۋ جونىندەگى ۇقتىرۋدى» باسىپ تاراتىپ، مىندەتتى اعارتۋ ساتىسىنداعى وقۋشىلاردىڭ وقۋدان قول ءۇزۋىن اناعۇرلىم تەجەپ، 2020 – جىلعا بارعاندا بۇكىل ەلدەگى مىندەتتى اعارتۋدىڭ بەكەمدەلۋ شاماسىن %95 كە جەتكىزۋ نىساناسىن ورىنداۋعا كەپىلدىك ەتىپ، وقۋ جاسىنداعى بالالار مەن ورەندەردىڭ مىندەتتى اعارتۋدى زاڭ بويىنشا قابىلداۋىن شىنايى قامتاماسىزداندىرۋدى تالاپ ەتتى.

    «ۇقتىرۋدا» بىلاي دەلىندى: وقۋدان قول ءۇزۋدى زاڭمەن تەجەۋدەن جازباي، وقۋدان قول ءۇزۋدى تەجەۋ قىزمەت مەحانيزمىن ورناتۋ، كەمەلدەندىرۋ كەرەك. ۇكىمەت مىندەتتى اعارتۋ ساتىسىندا وقۋدان قول ءۇزۋدى تەجەۋدەگى زاڭدا بەلگىلەنگەن بورىشىن اتقارىپ، ولقىلىقتى تولىقتاپ، تومەنگى شەكتى مەڭگەرىپ، قايتالاپ وقۋدى اكىمشىلىك جاقتان قۋزاۋ مەحانيزمىن كەمەلدەندىرىپ، مىندەتتى اعارتۋ ساتىسىنداعى وقۋعا ءتۇسۋ كورسەتكىشىن وقۋدان قول ءۇزۋدى تەجەۋمەن ۇشتاستىرۋ قىزمەت مەحانيزمىن ورناتۋى كەرەك. ادام ىستەتۋشى ورىنداردىڭ زاڭعا قايشى كەلىپ 16 جاسقا تولماعانداردى جۇمىسقا قابىلداۋىنا بولمايدى؛ اتا – انالار نەمەسە باسقا دا زاڭدىق قامقورشىلار وقۋ جاسىنداعى بالالار مەن ورەندەردى زاڭ بويىنشا ۋاعىندا وقۋعا ءتۇسىرىپ، ولاردىڭ مىندەتتى اعارتۋدى تامامداۋىنا مۇمكىندىك جاراتۋى كەرەك؛ مەكتەپتەر قاتىستى ءتۇزىمدى ورناتىپ جانە كەمەلدەندىرىپ، وقۋدان قول ۇزگەن وقۋشىلاردى قايتا وقۋعا ءناسيحاتتاۋ قىزمەتىنە سەلبەسۋى كەرەك.

    «ۇقتىرۋدا» وقۋشىلاردىڭ وقۋدان قول ءۇزۋ سەبەپتەرىنە قاراتا قىزمەت شارالارى ايقىندالىپ، تۇرگە ءبولىپ جەتەكشىلىك ەتۋدى كۇشەيتۋ، جەر جاعدايىنا قاراي شارا قولدانۋ، «ۇشتەن ساقتانۋدى» ورىنداۋ تالاپ ەتىلەدى: ءبىرىنشى، ساپانى جوعارىلاتۋ نەگىزىندە وقۋدان قول ءۇزۋدى تەجەۋ، ۇيرەنۋ قيىن بولۋ نەمەسە ۇيرەنۋدەن جالىعۋ سەبەبىنەن وقۋدان قول ۇزۋدەن ساقتانۋ كەرەك. اۋىل – قىستاقتىڭ وقىتۋ شارت – جاعدايىن جاقسارتىپ، وقىتۋ ساپاسىن جوعارىلاتىپ، وقۋدا قينالعان وقۋشىلارعا كومەكتەسۋ تەبىنىن نىعايتىپ، جەر جاعدايىنا قاراي اۋىل – قىستاقتا ورتالاۋ مەكتەپ پەن كاسىپتىك اعارتۋدى توعىستىرۋ ءىسىن جەبەپ، وقۋشىلاردى بارىنشا باۋراۋ كەرەك؛ ەكىنشى، كەدەيلەردى سۇيەمەلدەۋ نەگىزىندە وقۋدان قول ءۇزۋدى تەجەۋ، كەدەيلىك سەبەبىنەن وقۋدان قول ۇزۋدەن ساقتانۋ كەرەك. وقۋ – اعارتۋ جاعىندا كەدەيلەردى سۇيەمەلدەۋ وبيەكتىلەرىن ءدال تۇراقتاندىرىپ، وقۋ – اعارتۋ جاعىندا كەدەيلەردى سۇيەمەلدەۋ جانە قارجىلاي كومەكتەسۋ ساياساتىن جاپپاي تياناقتاندىرىپ، ارحيۆ تۇرعىزىلىپ، كارتوچكا بەرىلگەن كەدەي وتباسىلاردىڭ وقۋشى بالالارىن الدىمەن سۇيەمەلدەپ، مۇگەدەك وقۋشىلار مەن مۇگەدەكتەر پەرزەنتتەرىنە الدىمەن كومەك بەرىپ، ورلەپ وقۋعا جول اشىپ، كەدەي رايوندارداعى مىندەتتى اعارتۋ ساتىسىنداعى وقۋشىلاردىڭ ورلەپ وقۋ سەنىمىن بەكەمدەۋ كەرەك. ءۇشىنشى، قامتاماسىزداندىرۋدى نىعايتۋ نەگىزىندە وقۋدان قول ءۇزۋدى تەجەۋ، مەكتەپ الىس بولۋ، وقۋ قيىن بولۋ سەبەبىنەن وقۋدان قول ۇزۋدەن ساقتانۋ كەرەك. اعارتۋ شىعىس قۇرىلىمىن رەتتەپ، جاقسارتىپ، مىندەتتى اعارتۋدى تۇيىندەپ قامتاماسىزداندىرۋ كەرەك. مەكتەپتەردى ورنالاستىرۋ جوسپارىن جاقسارتىپ، مەكتەپتەردى تاراتۋ، بىرىكتىرۋ ءتارتىبىن ارناعا ءتۇسىرىپ، جاتاقتى مەكتەپ قۇرىلىسىن كۇشەيتىپ، ادامى از، جولى ۇزاق، قاتىناسى قولايسىز جەرلەردە لايىقتى شاماداعى وقىتۋ ءتۇيىنىن قالدىرىپ نەمەسە ورنالاستىرىپ، اۋىل – قىستاق وقۋشىلارىنىڭ وقۋ جولى ۇزاق بولۋ جانە جاتاقتا جاتقاندا ۇيگە بارىپ – كەلۋى قيىن بولۋ ماسەلەسىن لايىقتى شەشۋ كەرەك. كوشپەندىلەردىڭ پەرزەنتتەرىن وقىتۋ قىزمەتىن جاقسى ىستەۋ كەرەك. ينفورماتسيالاندىرۋ تاسىلىنەن پايدالانىپ اۋىل – قىستاق مەكتەپتەرىن اناعۇرلىم مول ساپالى وقىتۋ بايلىعىنان يگىلىكتەندىرۋ كەرەك.

جاۋاپتى رەداكتور:سايراش تۇرارجان قىزى