2017-جىلعى ىشكى ولكەدەگى شينجياڭ تولىق ورتا كلاسىنا وقۋشى قابىلداۋ قىزمەتى اقىرلاستى

    7-تامىز، ءتىلشىنىڭ اۆتونوميالى رايوندىق وقۋ-اعارتۋ مەڭگەرمەسىنەن ۇعىسۋىنشا، بيىل، ىشكى ولكەدەگى تولىق ورتا كلاسىنىڭ (قىسقارتىپ ىشكى ولكەدەگى تولىق ورتا كلاسى دەپ اتايمىز) وقۋشى قابىلداۋى جالعاستى وڭتۇستىك شينجياڭداعى ءتورت وبلىس پەن ەگىنشى-مالشىلاردىڭ پەرەزەنتتەرىنە باعىتتالادى، وڭتۇستىك شينجياڭنىڭ ءتورت وبلىسىنان 5935 ادام قابىلدانىپ، قابىلدانعان جالپى ادام سانىنىڭ 60 پايزىن يەلەيدى، ەگىنشى-مالشى پەرەزەنتتەرىنىڭ قابىلدانۋ سالىستىرماسى 78 پايىزدان جوعارى بولدى.

    بيىل، ىشكى ولكە كلاسىنا تىزىمدەلگەن ادام سانى 43060 ادام بولىپ، 2016-جىلداعىمەن سالىستىرعاندا 3602 ادام ارتتى. ىشكى ولكە كلاسى 9880 ادام قابىلداۋ اۋماعىن ساقتاپ، جالپى از ۇلت جاسوسپىرىمدەرىنىڭ بەلسەنە ىشكى ولكە كلاسىنا تىزىمدەلۋ كۇيىن ساقتادى. قاينار ساپاسىنا كەپىلدىك ەتۋ العى شارتى استىندا، جالعاستى حانزۋ تىلىندە وقىعان ۇلتتىق وقۋشىلار، قوس ءتىل كلاسىنان ايىرىم وقۋشى قابىلدايدى؛ اۆتونوميالى رايوندىق قوس ءتىل جارىسىندا سيلىق العان وقۋشىلارعا وقۋشى قابىلداۋدا ءنومىر قوسۋ ساياساتىن اتقارادى.

    8-تامىز بەيجيڭ ۋاقىتى ساعات 16 دا، اۆتونوميالى رايون وقۋشى قابىلداۋ ناتيجەسىن جاريالادى، ءار ۇلت وقۋشىلاردى مەن اتا-انالار شينجياڭ وقۋ-اعارتۋ مەڭگەرمەسى پورتالى نەمەسە شينجياڭ كلاسى تور بەكەتىنەن، جەرگىلىكتى وقۋ-اعارتۋ تاراۋلارىنان ۇعىسىپ، تەكسەرۋىنە بولادى.

    بيىلعا دەيىن، ىشكى ولكە كلاسى جالپى 18 كەزەك 100 مىڭ تولىقسىز ورتا مەكتەپ بىتىرگەنءار ۇلت وقۋشىلارىن قابىلداپ، مەكتەپتەگى وقۋشى سانى 36 مىڭ 400 ادامعا جەتكەن.

جاۋاپتى رەداكتور:سايراش تۇرارجان قىزى