2017 - جىلى ىشكى ولكەدەگى تولىق ورتا مەكتەپتەر 9880 وقۋشى قابىلدايدى

    2 -تامىز، اۆتونوميالى رايوندىق ىشكى ولكەلەردەگى شينجياڭدىق وقۋشىلار قىزمەت كەڭسەسىندە ءۇرىمجى اۋداندىق مورگۋ ورتا مەكتەبىنىڭ وقۋشىسى رايلا شىعىسىبەك قىزى تەبىرەنىستى كوڭىل كۇيمەن: «مەكتەپكە قابىلدانعانىمدى كورىپ قاتتى قۋاندىم»،-دەدى.

    سول كۇنى، اۆتونوميالى رايوندىق وقۋ - اعارتۋ مەڭگەرمەسى 2017-جىلعى ىشكى ولكەلەردەگى تولىق ورتا كلاستارىنا وقۋشى قابىلداۋ قىزمەتىن اشىق ۇستاۋ كۇنى قيمىلىن ورىستەتتى.

    ءٴۇرىمجى، سانجى توڭىرەگىندەگى وقۋشىلار مەن ولاردىڭ اتا - انالارى وسى رەتكى قيمىلعا ۋاكىل بولىپ قاتىناستى.

    وقۋشى قابىلداۋ قىزمەتىن قاداعالايتىن ناق مايدان قيمىلى بارىسىندا، 20 دان استام وقۋشى قابىلداۋ قىزمەتكەرى 10 نەشە كومپيۋتەردىڭ الدىندا وقۋشىلاردىڭ قابىلدانۋ جاعدايىن تەكسەرۋ قىزمەتىنە كىرىستى. جان - جاقتان قاۋمالاپ تۇرعان وقۋشىلار مەن ولاردىڭ اتا - انالارىنىڭ جۇزدەرىنەن تاعاتسىزدىق مەنمۇندالايدى.

    ىشكى ولكەدەگى تولىق ورتا مەكتەبىنە وقۋعا ءتۇسۋ رايلانىڭ كوپتەن بەرگى ارمانى ەدى. ول: «مۇعالىمنىڭ ايتۋىنشا، ىشكى ولكەدە وقىپ جاتقان وقۋشىلاردىڭ وقۋ شارت - جاعدايى توتەنشە جاقسى ەكەن مەنىڭ كوپتەگەن ساباقتاستارىم دا ەمتيقان تاپسىردى. ولارمەن بىرلىكتە ۇلكەن قالاعا بارىپ وقۋدى ارماندايمىن»،-دەدى.

    ول وقۋ – اعارتۋ مەڭگەرمەسىنىڭ بۇل رەتكى قيمىلدى ۇيىمداستىرعانىن ەستي سالا دەرەۋ تىزىمدەلىپ قاتىناسۋعا كەلگەن ەكەن. ناق مايداندا، اتا - انا ۋاكىلى ۋاڭ شياۋيان باس بارماعىن شىعارىپ ريزاشىلىقپەن: «بۇرىن وقۋشى قابىلداۋ قىزمەتىنىڭ مۇنداي عىلمي، قاتاڭ، ءادىل جۇرىلەتىنىن بىلمەيدى ەكەنمىن. كوزىممەن كورگەننەن سوڭ، كوڭىلىم ورنىنا ءتۇستى»،-دەدى.

    ۇعىسۋعا قاراعاندا، بيىل ىشكى ولكەلەردەگى تولىق ورتا مەكتەكتەپكە ەمتيقان تاپسىرعان وقۋشىلاردىڭ سانى 50 مىڭعا جەتكەن، سونىڭ ىشىندە 9880 وقۋشى قابىلدانادى. قابىلداۋ قىزمەتى 6 - تامىز اياقتالادى. 7- تامىز كۇنى، ناتيجە الەۋمەتكە اشىق جاريالانادى. ىشكى ولكەلەردەگى تولىق ورتا مەكتەپتەر 2000 - جىلدان باستاپ وقۋشى قابىلداعان. 17 جىلدان بەرى 90 مىڭنان استام وقۋشى قابىلداندى. قازىر مەكتەپتەردە وقىپ جاتقان وقۋشىلاردىڭ سانى 34 مىڭ ادامعا جەتتى. ەلىمىزدەگى 14 ولكە، 45 قالادا، 93 مەكتەپ شينجياڭنان وقۋشى قابىلداپ وتىر. قازىرگە دەيىن، 46 مىڭ وقۋشى ىشكى ولكەدەگى تولىق ورتا مەكتەپتەن وقۋ تاۋىسىپ ۇلگىردى ءارى % 95 وقۋشى جاقسى ناتيجەمەن جوعارى مەكتەپكە اتتاندى.

 

جاۋاپتى رەداكتور:سايراش تۇرارجان قىزى