ءۇرىمجى قالاسى بيىل كۇزدەن باستاپ 15 جىلدىق اقىسىز وقۋ-اعارتۋدى جولعا قويادى

    3-تامىز كۇنى، ءۇرىمجى قالاسى 15 جىلدىق اقىسىز وقۋ-اعارتۋدى جولعا قويۋ قىزمەت ءماجىلىسىن اشتى. قالالىق پارتكومنىڭ ورىنباسار شۋجيى، قالا باستىعى يىلھام سابىر ماجىلىسكە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: جاڭالىق اشىپ، قيىنشىلىقتى جەڭىپ، ناقتى جۇمىستار اتقارىپ، جاۋاپكەرشىلىكتە مۇقيات بولىپ، 15 جىلدىق اقىسز وقۋ-اعارتۋ قىزمەتىن باستى نىسانانىڭ ماڭىزدى ءىس-ارەكەتىمىزگە اينالدىرىپ، ءۇرىمجى قالاسىنىڭ 15جىلدىق اقسىز وقۋ-اعارتۋ قىزمەتىن جولعا قويۋدا ناقتى ونىمگە يە بولۋىمىز كەرەك.

    يىلھام سابىر تاعى مىنالاردى باسا دارىپتەدى: اۆتونوميالى رايوندىق پارتكومنىڭ «ورتالىق قالا ءۇرىمجىنىڭ جاعىراپيالىق ورنى ماڭىزدى بولعاندىعى سەبەپتى، ماڭداي الدى ورىندا تۇرۋ رولىن، شينجياڭدى زاڭمەن باسقارۋ، شينجياڭنىڭ ورنىقتىلىعىن قورعاۋ، شينجياڭدى قۇرۋدا ۇلگىلىك، جەتەكشىلىك رولىن ساۋلەلەندىرۋ» تالابىنا ساي، ءارقايسى ايماق، اۋدان، تاراۋ، مەكەمە ورىندار جاعدايدى جىعا تانىپ، يدەيانى بىرلىككە كەلتىرىپ، جاۋاپكەرشىلىك سەزىم مەن جەدەعابىلدىقتى كۇشەيتىپ، ءۇرىمجى قالاسىندا 15 جىلدىق اقىسز وقۋ-اعارتۋدى جولعا قويۋ قىزمەتىنىڭ ناتيجەلى بولۋىنا كەپىلدىك ەتۋ كەرەك.

    ءماجىلىستى قالالىق پارتكومنىڭ ورىنباسار شۋجيى، ساياسي-زاڭ كوميتەتىنىڭ شۋجيى ءان جىڭيۇي باسقاردى. ورىنباسار قالا باستىعى جاۋ لي «ءۇرىمجى قالاسىندا 15 جىلدىق اقىسىز وقۋ-اعارتۋدى جولعا قويۋ جونىندەگى پىكىر»دى وقۋدى جانە قاتىستى قىزمەت ورنالاستىردى.

    قالا باسشىلارىنان ءانۋار مامەت، مياۋ چىڭدى ماجىلىسكە قاتىناستى.

جاۋاپتى رەداكتور:سايراش تۇرارجان قىزى