وقۋ – اعارتۋ مينيسترلىگى: جازعى دەمالىس كەزىندە وقۋشىلاردىڭ اۋىرتپالىعىن جەڭىلدەتۋ كەرەك

    وقۋشىلاردى توپتىق ساباق پىسىقتاۋعا ۇيىمداستىرۋعا تيىم سالىنادى

    وقۋ – اعارتۋ مينيسترلىگىنىڭ تورابىندا جاريالانعان حابارعا قاراعاندا، تاياۋدا وقۋ – اعارتۋ مينيسترلىگى « باستاۋىش، ورتا مەكتەپ وقۋشىلارىنىڭ 2017 – جىلدىق جازدىق دەمالىسىنا قاتىستى قىزمەتتى جاقسى ىستەۋ جونىندەگى ۇقتىرۋىن» باسىپ تاراتىپ، جازعى دەمالىس كەزىندە وقۋشىلاردىڭ اۋىرتپالىعىن جەڭىلدەتىپ، وقۋشىلاردى توپتىق ساباق پىسىقتاۋعا، اقىلى ساباق پىسىقتاۋعا ۇيىمداستىرۋعا تيىم سالۋدى، ءارقايسى جەرلەردەگى وقۋ – اعارتۋ اكىمشىلىك تاراۋلارى مەكتەپتەردىڭ ەرەجەگە قايشى ساباق پىسىقتاۋ جايتتەرىن قاتاڭ ءبىر جاقتى ەتۋدى ورتاعا قويدى؛ سونىمەن بىرگە، حاۋىپسىزدىك تاربيەسىن شىنايى جاقسى ىستەپ، جەر - جەردەگى باستاۋىش، ورتا مەكتەپتەردىڭ ءىس جۇزىندىككە ۇشتاستىرىپ، جازدىق دەمالىس كەزىندە حاۋىپسىزدىك تاربيەسىن ورىستەتۋدى تالاپ ەتىپ، جازعى دەمالىس كەزىندە اتا – انالاردى بالالارىنىڭ حاۋىپسىزدىگىنە باس – كوز بولۋىن ەسكەرتتى، جەر – جەردەگى وقۋ – اعارتۋ اكىمشىلىك تاراۋلارى مەن باستاۋىش، ورتا مەكتەپتەردىڭ قوعام، اتا – انالارمەن تىعىز بايلانىس ورناتىپ، قىزمەت قۋاتىن قالىپتاستىرىپ، باستاۋىش، ورتا مەكتەپ وقۋشىلارىنىڭ جازعى دەمالىسىن كوڭىلدى، ماعىنالى وتكىزۋىنە كەپىلدىك ەتۋدى تالاپ ەتتى.

    ۇقتىرۋدا مىنالار اتاپ كورسەتىلدى: وقۋشىلاردىڭ دەمالىس كەزىندەگى تۇرمىسىن بايىتۋ كەرەك. پارتيانىڭ 19 – قۇرىلتايىن قارسى الۋ، ارميا قۇرىلعانىنىڭ 90 جىلدىعىن اتاپ ءوتۋ سياقتى نەگىزگى تاقىرىپتىق قيمىلدارمەن ۇشتاستىرىپ، باستاۋىش، ورتا مەكتەپ وقۋشىلارىنىڭ دەمالىس كەزىندە جاقىن ماڭدا قوعامدىق اماليات قيمىلىن وتكىزۋلەرىنە شابىت بەرىپ، جەتەكشىلىك ەتۋ كەرەك. وقۋشىلاردى ەگىنشىلىك ءوندىرىسى، ونەركاسىپ پراكتيكاسى، الەۋمەتتىك ەڭبەك، ەرىكتى قىزمەت وتەۋ، وتباسى جۇمىسىن ىستەۋ سياقتى قيمىلدارعا قاتىناسۋعا جەبەپ، الەۋمەتتىك اۋماققا، اۋىل – قىستاققا، ءوندىرىستىڭ ءبىرىنشى شەبىنە ارالاستىرۋ كەرەك. وقۋشىلارعا تاربيەلىك ءمانى زور، جاس شاماسىنا ۇيلەسەتىن كىتاپتاردى تانىستىرىپ، كىتاپحانا، وقۋ بولمەسى، اۋىل – قىستاق كىتاپ ءۇيى سياقتىلاردى مەرزىم بويىنشا اشىق ۇستاۋ كەرەك. وقۋشىلاردى دەمالىس كەزىندە ءار تۇردەگى عىلىم جالپىلاستىرۋ قيمىلدارى مەن مادەنيەت، دەنەتاربيە قيمىلدارىنا بەلسەندىلىكپەن قاتىناسۋعا شابىتتاندىرۋ كەرەك.

جاۋاپتى رەداكتور:سايراش تۇرارجان قىزى