بۇكىل مەملەكەتتىك وقۋ – اعارتۋ جۇيەسى مەكتەپتەردىڭ حاۋىپسىزدىگىنە تەكسەرۋ جۇرگىزەدى

    ءتىلشىنىڭ 27 – شىلدە كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى ۇقتىرۋ شىعارىپ، بۇكىل ەلىمىز بويىنشا وقۋ – اعارتۋ جۇيەسىندە مەكتەپتەردىڭ حاۋىپسىزدىگىنە جاپپاي تەكسەرۋ جۇرگىزىپ، مەكتەپتەردىڭ حاۋىپسىزدىك جاقتاعى ورنىقتىلىعىن شىنايى قورعاۋدى تالاپ ەتكەن.

    ۇقتىرۋدا مىنالار تالاپ ەتىلگەن: جەر – جەردەگى وقۋ – اعارتۋ تاراۋلارى مەن ءار دارەجەلى، ءار تيپتەگى مەكتەپتەر بۇل رەتكى ءوندىرىس حاۋىپسىزدىگىنە جاپپاي تەكسەرۋ جۇرگىزۋ قىزمەتىنە بارىنشا ءمان بەرىپ، «پارتيا مەن ۇكىمەت بىردەي جاۋاپتى بولۋ، ءبىر ورىنعا ەكى جاقتان جاۋاپتى بولۋ، قىزمەت مىندەتىن اتقارماعانداردىڭ جاۋاپكەرشىلىگىن قۋزاستىرۋ» تالابى بويىنشا، سول ورىننىڭ ءوندىرىس حاۋىپسىزدىگىنە جاپپاي تەكسەرۋ جۇرگىزۋگە باسشىلىق ەتۋ گرۋپپاسىن دەرەۋ قۇرىپ، مەكتەپ اۋلاسىندا ەرەكشە ءىرى شىرعالاڭ تۋىلۋدان ءونىمدى تۇردە ساقتانۋ مەن باتىل تەجەۋدى ءتۇيىن ەتىپ، جۋىردا وقۋ – اعارتۋ جۇيەسىندە تۋىلعان حاۋىپسىزدىك شىرعالاڭىنان ساباق الا وتىرىپ، مەكتەپ اۋلاسىنىڭ تىنىش، حاۋىپسىز بولۋىن مىقتى يگەرىپ، مەكتەپتەردەگى ءوندىرىس حاۋىپسىزدىگىنە جاپپاي تەكسەرۋ جۇرگىزۋدىڭ قامال الۋ شايقاسىن بۇلجىتپاي اتقارۋى كەرەك.

    ۇقتىرۋدا مىنالار باسا دارىپتەلگەن: جەر – جەردەگى وقۋ – اعارتۋ تاراۋلارى مەن ءار دارەجەلى، ءتۇرلى تيپتەگى مەكتەپتەر كومەسكى حاۋىپ ــ شىرعالاڭنىڭ باستاۋى دەگەن تانىمدى شىنايى ورناتىپ، «بۇكىلدەي قامتۋ، كومەسكى حاۋىپ قاينارىن ۇزىلدى - كەسىلدى جويۋ» باستى تالابى بويىنشا، ەلەكتر، مەكتەپ اۆتوكولىگى، مەكتەپ جاتاعى، عالامتور، ازىق – تۇلىك جانە اۋىز سۋ، جۇقپالى اۋرۋلاردىڭ الدىن الۋ – تەجەۋ، حاۋىپتى حيميالىق زاتتار، ەرەكشە قۇرال – جابدىقتار حاۋىپسىزدىگى جانە مەكتەپ ماڭايىن تارتىپكە ءتۇسىرۋ سىندى جاقتاردا ساقتالىپ وتىرعان كومەسكى حاۋىپتەردى جاپپاي تەكسەرۋى كەرەك.

جاۋاپتى رەداكتور:اقىن ادەنوۆ