شينجياڭ: بەس جىل ىشىندە اۋىل – قىستاقتارداعى قوس ءتىلدى مەكتەپتەرگە 60 مىڭنان استام وقىتۋشى قابىلدادى

    قالا مەن اۋىل وقۋ – اعارتۋىنىڭ تەڭ دامۋىنا كەپىلدىك ەتۋ، اۋىل – قىستاق نەگىزدىك وقۋ – اعارتۋىنىڭ «ساپاسىن جوعارىلاتۋ» ءۇشىن، وتكەن بەس جىل ىشىندە شينجياڭ الۋان ءتۇرلى ەرەكشە امالدار قولدانىپ، ءتاڭىرتاۋىنىڭ تەرىسكەيى مەن تۇستىگىندەگى اۋىل – قىستاقتارداعى بالالار باقشاسىنا جانە ورتالاۋ – باستاۋىش مەكتەپتەرگە 60 مىڭنان استام قوس ءتىل وقىتۋشىن قابىلدادى.

    ءتىلشىنىڭ 27 – ماۋسىم شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسىنەن ۇعىسۋىنشا، اۋىل – قىستاقتاعى وقىتۋشىلاردىڭ كەمشىلدىگى سىندى جاعدايدى شەشۋ ءۇشىن، وتكەن بەس جىلدا شينجياڭ ورتالاۋ – باستاۋىش مەكتەپتەر مەن بالالار باقشاسىنا ءبىر تۇتاس وقىتۋشى قابىلداۋ مەحانيزمىن ورناتتى؛ مەملەكەتتىڭ ەرەكشە قىزمەت ورنى جوسپارى مەن شينجياڭ ۇيعۇر اتونوميالى رايونىنىڭ «5 پايىز دارىندىلاردى دايىنداۋ جوسپارىن»، جاي وقىتۋشىلاردى قابىلداۋ جوسپارىن بىرلىكتە اتقارىپ، اۋىل – قىستاق وقىتۋشىسىن شتات ءتۇزىمىنىڭ شەكتەمەسىنەن اسىرىپ قابىلدادى؛ مەملەكەتتىڭ پەداگوگيكالىق مەكتەپتەردە وقۋشىلاردى تەگىن وقىتۋ ۇلگىسىنە نەگىزدەلىپ، پەداگوگيكالىق مەكتەپتەردە وقۋشىلاردى تەگىن وقىتۋدىڭ ولكەلىك جوسپارىن اتقاردى، وقۋشىلار وقۋ بىتىرگەن سوڭ باعىتتامالى تۇردە اۋىل – قىستاققا قايتىپ وقىتۋشى بولۋ قاتارلى «قالىپتى بەلگىلەمەدەن اسقان» امالدار قولداندى، مۇندا نەگىزىنەن وڭتۇستىك شينجياڭداعى ءتورت ايماق - وبلىستىڭ اۋىل – قىستاقتاعى بالالار باقشاسى، ورتالاۋ – باستاۋىش مەكتەپتەرى نەگىز ەتىلدى، 61 مىڭ 400 وقىتۋشى قابىلدادى.

    وقىتۋشىلاردىڭ بارعان جەرىندە ىرگە تەۋىپ قالۋى ءۇشىن، شينجياڭ اۋىل – قستاق وقىتۋشىلار قوسىنىن «ورنىقتىرۋ» جولىندا كوپتەگەن شارالاردى قولداندى. 2010 – جىلدان بەرى، شينجياڭ جۇمىس ونىمدىلىگى ەڭبەك اقىسىن ءۇش رەت جوعارىلاتتى، شەكارا، شالعاي رايوندارداعىلارعا بەرەتىن قوسىمشا قاراجاتتى 4 رەت ءوسىردى، تۇرعىن ءۇي الەۋمەتتىك قورىنىڭ ولشەمىن دە بارىنشا جوعارىلاتتى، سونىمەن بىرگە، اۋىل – قىستاق وقىتۋشىلارىنىڭ تۇرمىستىق قوسىمشا قاراجاتى ساياساتىن اتقارىپ، 160 مىڭنان استام اۋىل – قىستاق وقىتۋشىلارىنا اي سايىن كىسى باسىنا 200 يۋاننان قوسىمش قاراجات تاراتىپ، اۋىل – قىستاق وقىتۋشىلارىنىڭ كىرىسىن جالپى بەتتىك جوعارىلاتتى.

جاۋاپتى رەداكتور:نۇرجان مينۋار قىزى