جوعارى مەكتەپكە ورلەپ وقۋ ەمتيحانىنىڭ ناتيجەسىن رەسمي ارنامەن تەكسەرۋ كەرەك، APP بولشەگىن الباتى تۇسىرۋگە بولمايدى

    قوعام حاۋىپسىزدىگى مينيسترلىگى قىلمىستىق ىستەردى بارلاۋ مەكەمەسىنىڭ رەسمي ميكرو بلوگىنداعى حابارعا قاراعاندا، بۇگىن گانسۋ، سىچۋان قاتارلى جەرلەر جوعارى مەكتەپكە ورلەپ وقۋ ەمتيحانىنىڭ ءنومىرىن تەكسەرۋ جۇمىسىن الدىمەن ىسكە قوسىپ، 2017 – جىلعى جوعارى مەكتەپكە ورلەپ وقۋ ەمتيحانىنىڭ ناتيجەسىن جاريالاۋدىڭ بەتاشارىن اشقان. بۇگىننەن وسى ايدىڭ سوڭىنا دەيىن، بۇكىل ەلدەگى ءارقايسى ولكە جوعارى مەكتەپكە ورلەپ وقۋ ەمتيحانىنىڭ ناتيجەسىن ارت – ارتىنان جاريالايدى. ەمتيحان تاپسىرعان وقۋشىلارعا قولايلىلىق جاراتۋ ءۇشىن، بيىل كوپتەگەن جەر جاڭا مەديا جۇيەسىنەن پايدالانعان، ەمتيحان تاپسىرعان وقۋشىلار نومىرگە بوگدە پىكىردە بولسا، قايتالاي تەكسەرىپ بەرۋدى تالاپ ەتسە بولادى. قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ مەكەمەسى مىنانى ەسكەرتەدى: كەيبىر اتالمىش «ءنومىر تەكسەرۋ توراپ ادرەسىندە» اعاش ات ۆيرۋسى جاسىرىلعان بولۋى مۇمكىن. قولدانىلمالى دۇكەندە وسى تۇردەگى APP بولشەگىن تۇسىرگەن كەزدە جارناما قىستىرمالارى كورىنىپ السا، ەڭ جاقسىسى ونى تۇسىرمەگەن ءجون؛ بوتەن نومىرمەن جولدانعان جوعارى مەكتەپكە ورلەپ وقۋ ەمتيحانىنا قاتىستى توراپ جالعانىمىن استە اشپاۋ كەرەك، ەمتيحان ناتيجەسىن تەكسەرۋدە، تىلەك تولتىرۋدا، قابىلداۋ ينفورماتسياسىن ۇعىسۋدا رەسمي ارنالاردان ۇعىسقان ءجون.

جاۋاپتى رەداكتور:اقىن ادەنوۆ