وقۋ – اعارتۋ مينيسترلىگى عىلىم – تەحنيكا جانە اسەمونەر ساباقتارى ورتا مەكتەپ جانە جوعارى مەكتەپ ەمتيحانىنا ەنگىزىلدى دەگەن قاۋەسەتكە تويتارىس بەردى

    جۋىردا عالامتوردا تاراعان «عىلىم تەحنيكا جانە اسەمونەر ساباقتارى ورتا مەكتەپ جانە جوعارى مەكتەپ ەمتيحانىنا ەنگىزىلدى» دەگەن قاۋەسەت جونىندە وقۋ – اعارتۋ مينيسترلىگىنىڭ اقپارات كەڭسەسى 13 – ماۋسىمدا جاۋاپ قايتارىپ، مۇنداي حابار تاراتپاعانىن ايتتى.

    توراپتا بۇل كەسكىن «وقۋ – اعارتۋ مينيسترلىگى: اسەمونەر ساباعى ورتا مەكتەپ جانە جوعارى مەكتەپ ەمتيحانىنا ەنگىزىلدى، 2017 – جىلى كۇزدەن باستاپ رەسمي اتقارىلادى» دەگەن تاقىرىپپەن تارالعان. كەسكىندە «كەيىن بالالار باقشاسىنان باستاۋىشقا، باستاۋىشتان ورتالاۋعا، ورتالاۋدان ورتا مەكتەپكە، ودان جوعارى مەكتەپكە وتكەنگە دەيىن، بارلىعىندا دا اسەمونەردەن ەمتيحان الىنادى» دەلىنگەن.

    مەملەكەتتىك كەڭەستىڭ ەمتيحان ارقىلى وقۋشى قابىلداۋ تۇزىمىنە ىشكەرىلەي رەفورما جۇرگىزۋ جونىندەگى اتقاراتىن پىكىرىنە ساي، 2014 – جىلى ەمتيحان ارقىلى وقۋشى قابىلداۋ تۇزىمىنە رەفورما جۇرگىزۋدى تۇيىندە سىناق ەتۋ باستالعان، 2017 – جىلى بۇكىلدەي جالپىلاستىرىلادى، 2020 – جىلعا بارعاندا جۇڭگوشا وسىزاماندانعى وقۋ – اعارتۋدىڭ ەمتيحان ارقىلى وقۋشى قابىلداۋ ءتۇزىمى نەگىزىنەن جاسالىپ بولىپ، تۇرگە ءبولىپ ەمتيحان الۋ، جان – جاقتىلى باعالاۋ، ءتۇرلى جولمەن قابىلداۋ سىندى ەمتيحان ارقىلى وقۋشى قابىلداۋ فورماسى قالىپتاستىرىلادى.

    2015 – جىلدان باستاپ دەنە تاربيە، كوركەمونەر جاعىندا ارتىقشىلىقتارى بار وقۋشىلارعا ءنومىر قوسۋ كۇشىنەن قالدىرىلادى. ەمتيحان بەرگەن وقۋشىلاردىڭ جالپى ناتيجەسى ءبىرتۇتاس ەمتيحانداعى ادەبيەت، ماتەماتيكا، شەتەل ءتىلى قاتارلى 3 پاننەن العان ناتيجەسى مەن ورتا مەكتەپتەگى وقۋ ورەسى ەمتيحانىنداعى 3 پاننەن العان ناتيجەسىنەن قۇرام تابادى. جالپى ناتيجەسىنە ەنگىزىلەتىن ورتا مەكتەپتەگى وقۋ ورەسى ەمتيحانى الىنعان ساباقتاردى وقۋشى ءوزىنىڭ تاڭداعان جوعارى مەكتەبى مەن ءوز ارتىقشىلىعىنا نەگىزدەلە وتىرىپ، يدەيالىق – ساياسي، تاريح، جاعراپيا، فيزيكا، حيميا، بيولوگيا قاتارلى ساباقتاردىڭ ىشىنەن تاڭدايدى.

جاۋاپتى رەداكتور:سايراش تۇرارجان قىزى