وقۋ – اعارتۋ مينيسترلىگى: 2017 – جىلعى جوعارى مەكتەپكە ورلەپ وقۋ ەمتيحانىنا بايلانىستى توراپتا كەڭەس سۇراۋ كەلەر اپتادا باستالادى

    وقۋ – اعارتۋ مينيسترلىگى 13 – ماۋسىمدا بىلاي دەپ جاريالادى: «2017 – جىلعى جوعارى مەكتەپكە ورلەپ وقۋ ەمتيحانىنا بايلانىستى توراپتا كەڭەس سۇراۋ اپتالىعى» قيمىلى 22 – ماۋسىمدا «شۇعىلا جوعارى مەكتەپكە ورلەپ وقۋ ەمتيحانى» ينفورماتسيا تەكشەسىندە باستالادى.

    بۇكىل ەلدەگى ولكە، قالالاردىڭ ەمتيحان بەرگەن وقۋشىلاردىڭ تىلەك كەستەسىن تولتىرۋ ۋاقىت ورنالاستىرۋى بويىنشا، بيىلعى توراپتا كەڭەس سۇراۋ قيمىلىنىڭ ۋاقىتى 22 – ماۋسىمنان 28 – ماۋسىمعا دەيىن بولادى؛ ءار كۇنگى كەڭەس سۇراۋ ۋاقىتى 9 دان 17 گە دەيىن بولادى. كەڭەس سۇراۋ اپتالىعى كەزىندە وقۋ – اعارتۋ مينيسترلىگىنە توتە قاراستى جوعارى مەكتەپتەر، ولكە اتتاپ وقۋشى قابىلدايتىن تولىق كۋرس مەكتەپتەرىنىڭ كوبى توراپتا سۇراۋلارعا جاۋاپ قايتارادى، بۇدان تىس گۇيجوۋ، فۋجيان، حىنان، جياڭسۋ سياقتى ءىشىنارا ولكە، قالالار «شۇعىلا جوعارى مەكتەپكە ورلەپ وقۋ ەمتيحانى» ينفورماتسيا تەكشەسىندە وزدەرىنىڭ ارناۋلى كەڭەس ورنىن اشادى، ناقتى ورنالاستىرۋ سول كەزدە تەكشەدە جاريالانادى.

    وقۋ – اعارتۋ مينيسترلىگى مىنانى تالاپ ەتتى: جوعارى مەكتەپتەر جوعارى مەكتەپتەردىڭ وقۋشى قابىلداۋىنداعى «شۇعىلا ينجەنەرياسىن» ىشكەرىلەي اتقارىپ، 2017 – جىلعى ادەتتەگى جوعارى مەكتەپتەرگە وقۋشى قابىلداۋ جانە ۇگىت جۇرگىزۋ قىزمەتىن كۇشەيتىپ، ينفورماتسيانىڭ دالدىگى مەن ونىمدىلىگىنە كەپىلدىك ەتىپ، توراپتا كەڭەس بەرۋ ءىسىن بەلسەندىلىكپەن، ىرىقتىلىقپەن ويداعىداي ىستەۋلەرى كەرەك.

جاۋاپتى رەداكتور:سايراش تۇرارجان قىزى