بەيجيڭ ۋنيۆەرسيتەتى، چيڭحۋا ۋنيۆەرسيتەتى قاتارلى جوعارى مەكتەپتەردىڭ دەربەس وقۋشى قابىلداۋى باستالدى، كوپتەگەن جوعارى مەكتەپتىڭ باعالاۋ، بايقاۋ ۋاقىتى قاتار كەلدى

    جوعارى مەكتەپتەرگە ورلەپ وقۋ ەمتيحانى جاڭا عانا اياقتالدى، ءىرى جوعارى مەكتەپتەردىڭ دەربەس وقۋشى قابىلداۋ بايقاۋى شوعىرلى ورىستەتىلە باستادى. 10 – ماۋسىمنان 22 – ماۋسىمعا دەيىن بەيجيڭ ۋنيۆەرسيتەتى، چيڭحۋا ۋنيۆەرسيتەتى، حالىق ۋنيۆەرسيتەتى قاتارلى مەملەكەت بويىنشا سىناق ءتۇيىنى ەتىلگەن 90 جوعارى مەكتەپ دەربەس وقۋشى قابىلداۋ بايقاۋىن وتكىزەدى ءارى تاڭدالعان تولىمدى وقۋشىلاردىڭ ەسىمدىگىن تۇراقتاندىرادى. بۇل جولى كوپتەگەن جوعارى مەكتەپتىڭ باعالاۋ، بايقاۋ ۋاقىتى قاتار كەلىپ، وقۋشىلاردىڭ تالعام جاساۋىنا تۋرا كەلدى.

    بيىلعى دەربەس وقۋشى قابىلداۋ باعالاۋى دا ورلەپ وقۋ ەمتيحانى اياقتالعان سوڭ، ناتيجە جاريالانۋدىڭ الدىندا جۇرگىزىلەدى. مەكتەپتەر جاريالاعان دەربەس وقۋشى قابىلداۋ ەرەجەسىنە نەگىزدەلگەندە، كوپتەگەن ءتۇيىندى جوعارى مەكتەپتىڭ بايقاۋ ۋاقىتى قاتار كەلگەن. مىسالى، بەيجيڭ پەداگوگيكا ۋنيۆەرسيتەتى، بەيجيڭ جاراتىلىستىق عىلىمدار ۋنيۆەرسيتەتى، جۇڭگو ساياسي – زاڭ ۋنيۆەرسيتەتى، بەيجيڭ قاتىناس ۋنيۆەرسيتەتى، بەيجيڭ حيميا ونەركاسىبى ۋنيۆەرسيتەتى سياقتى بەيجيڭدەگى كوپتەگەن جوعارى مەكتەپتىڭ بايقاۋ ۋاقىتى تۇگەلدەي 10 – ماۋسىمنان 11 – ماۋسىمعا دەيىن دەپ بەلگىلەنگەن.

    بەيجيڭ ۋنيۆەرسيتەتىنىڭ ءۇش ۇلكەن دەربەس تاڭداۋ ءتۇرى جانە «ءۇش ءبىر تۇلعالاندىرىلعان» بايقاۋى 11 – ماۋسىمنان 13 – ماۋسىمعا دەيىن شوعىرلى جۇرگىزىلمەك. چيڭحۋا ۋنيۆەرسيتەتىنىڭ بايقاۋ ءتۇرى دە 10 – ماۋسىمدا باستالماق، مۇندا الدىمەن مۇندا الدىمەن باستاپقى بايقاۋ وتكىزىلەدى، وعان 6 مىڭنان استام وقۋشى ءبىر ۋاقىتتا قاتىناسادى، باعالاۋمەن قاتار كەلىپ قالماۋ ءۇشىن، قايتالاي بايقاۋ 16 – ماۋسىمنان 18 – ماۋسىمعا دەيىن جۇرگىزىلەدى. حالىق ۋنيۆەرسيتەتىنىڭ العاشقى بايقاۋى دا 10 – ماۋسىمدا جۇرگىزىلەدى، قايتا بايقاۋى 17 – ماۋسىمعا ورنالاستىرىلعان.

    كوپتەگەن مەكتەپتىڭ باعالاۋ، بايقاۋ ۋاقىتىنىڭ قاتار كەلۋى كوپتەگەن مەكتەپكە تىزىمدەلگەن وقۋشىلاردىڭ ءبىر مەكتەپتى عانا تاڭداۋىنا سەبەپشى بولادى. سىرتتاعى جوعارى مەكتەپتەرگە تىزىمدەلگەن وقۋشىلار جونىنەن بايقاۋ سارپالداڭى داعدىلى تۇرمىس كۇيىنە اينالادى.

    ۇعىسۋعا قاراعاندا، سىناق ءتۇيىنى ەتىلگەن جوعارى مەكتەپتەر 22 – ماۋسىمنان بۇرىن باعالاۋدى ءبىتىرىپ، قابىلداناتىن وقۋشىلاردىڭ ەسىمدىگىن، كاسىبىن جانە تيىمدىلىك جاساۋ ءنومىرىن تۇراقتاندىرىپ، وسىدان سوڭ وقۋ – اعارتۋ مينيسترلىگىنىڭ شۇعىلا جوعارى مەكتەپكە ورلەپ وقۋ ەمتيحانى تەكشەسىنە جولدايدى ەكەن. ولكە دارەجەلى وقۋشى قابىلداۋ، ەمتيحان قۇرىلىمدارى جوعارى مەكتەپكە ورلەپ وقۋ ەمتيحانى ناتيجەسىن جاريالاعان سوڭ، ءوز ولكەسىندەگى (اۆتونوميالى رايون، توتە قاراستى قالا) ەمتيحان بەرگەن وقۋشىلاردى تىلەك كەستەسىن دەربەس تولتىرۋعا ۇيىمداستىرادى، پرينسيپ بويىنشا تولىق كۋرستىڭ ءبىرىنشى توبىنا قابىلداۋدىڭ الدىندا دەربەس قابىلداۋ جانە جاريالاۋ جۇمىستارىن ءبىتىرىپ بولۋ كەرەك.

جاۋاپتى رەداكتور:سايراش تۇرارجان قىزى