وقۋ – اعارتۋ مينيسترلىگى: ەڭ قاتاڭ تاسىلمەن ەمتيحان الاڭىندا قارالىق ىستەۋگە باتىل سوققى بەرۋ كەرەك

    وقۋ – اعارتۋ مينيسترلىگى توراپ بەكەتىنىڭ حابارىنا قاراعاندا، 2017 – جىلعى مەملەكەتتىك ءبىر تۇتاس جوعارى مەكتەپكە ورلەپ وقۋ ەمتيحانىنىڭ ءبىرىنشى كۇنى، ياعني 7 – ماۋسىمدا ەمتيحان رەسمي باستالۋدىڭ الدىندا وقۋ – اعارتۋ مينيسترلىگى پارتگرۋپپاسىنىڭ شۋجيى، مينيستر چىن باۋشىڭ وقۋ – اعارتۋ مينيسترلىگى مەملەكەتتىك وقۋ – اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىنا بارىپ ەمتيحانعا دايىندىق قىزمەتىن تەكسەرگەن. ول مىنانى دارىپتەگەن: پارتيا ورتالىق كوميتەتى، مەملەكەتتىك كەڭەس جوعارى مەكتەپكە ورلەپ وقۋ ەمتيحانىنا ايرىقشا ءمان بەرىپ وتىر، باس شۋجي شي جينپيڭ، لي كىچياڭ زۇڭلي تالاي رەت ماڭىزدى نۇسقاۋ بەرىپ، بەكىتۋ سالدى، ورىنباسار زۇڭلي ليۋ ياندۇڭ بيىلعى ەمتيحان قىزمەتىن جاقسى ىستەۋ جونىنەن ايقىن تالاپ قويدى. جەر – جەر، تاراۋلار وسكەلەڭ رۋح پەن كۇرەسشەڭدىك جىگەردى بوساڭسىتپاي، كۇش ۇستىنە كۇش قوسىپ، ەمتيحاندى تىنىش الۋ شايقاسىنىڭ جەڭىسىنە قول جەتكىزۋى كەرەك.

    چىن باۋشىڭ تىنىش ەمتيحانعا كەپىلدىك ەتۋ جونىنەن 4 ءتۇرلى تالاپتى ورتاعا قويدى. ءبىرىنشى، ەڭ قاتاڭ شارامەن ەمتيحان حاۋىپسىزدىگىن كۇش سالا قامتاماسىزداندىرۋ كەرەك. حاۋىپسىزدىك ــ ءبىرىنشى تالاپ، جاۋاپكەرلىكتى تياناقتاندىرىپ، جان – جاقتى باقىلاپ – باسقارۋدى كۇشەيتىپ، ەمتيحان سۇراۋلارى، ەمتيحان قاعازى حاۋىپسىزدىگى مەن ەمتيحان بارىسىنىڭ حاۋىپسىزدىگىنە كەپىلدىك ەتۋ كەرەك. ەكىنشى، ەڭ قاتاڭ تاسىلمەن ەمتيحان الاڭىندا قارالىق ىستەۋگە باتىل سوققى بەرۋ كەرەك. ءۇشىنشى، ەڭ قاتاڭ ستيلمەن ەمتيحان تاپسىراتىن وقۋشىلارعا قىزمەت وتەۋدى شىنايى جاقسارتۋ كەرەك. ەمتيحان تاپسىراتىن وقۋشىلاردى ارنايىلانعان قىزمەت وتەۋمەن قامداۋ، مۇگەدەك وقۋشىلارعا قارايلاسۋدى كۇشەيتۋ كەرەك. قاتىستى جەرلەر تاعى پارمەندى شارا قولدانىپ، ناشار اۋا رايىنىڭ ەمتيحانعا ىقپال جاساۋىنان ساقتانۋى كەرەك. ءتورتىنشى، ەڭ قاتاڭ تارتىپپەن ەمتيحان تەكسەرۋ، وقۋشى قابىلداۋ ىستەرىن مۇقيات ىستەۋ كەرەك. جەر – جەردەگى وقۋ – اعارتۋ تاراۋلارى، ەمتيحان قۇرىلىمدارى ەرتە ورنالاستىرۋ جاساپ، ەمتيحان تەكسەرۋ، وقۋشى قابىلداۋ ىستەرىنىڭ ءادىل، حاۋىپسىز، عىلمي، ارنالى، دۇرىس بولۋىنە كەپىلدىك ەتىپ، ەمتيحان تاپسىراتىن وقۋشىلاردى، اتا – انالاردى جانە قوعامدى الاڭسىز ەتۋلەرى كەرەك.

جاۋاپتى رەداكتور:سايراش تۇرارجان قىزى