شاڭحايدىڭ ماتەماتيكا وقۋلىعى انگلياعا پايدالانۋعا بەرىلدى

    شاڭحايدىڭ ماتەماتيكا وقۋلىعى تۇڭعىش رەت انگليادا اۋدارىلىپ باسپادان شىقتى ءارى ءىشىنارا باستاۋىش مەكتەپتەردە پايدالانۋعا بەرىلدى

    2017 – جىلعى لوندون كىتاپ كورمەسى 14 – ناۋرىزدان 16 – ناۋرىزعا دەيىن وتكىزىلدى. كورمەنىڭ العاشقى كۇنى تۇستەن بۇرىن شاڭحاي «عاسىر» باسپاسى توپ سەرىكتەستىگى مەن «حارپەر – كوللينس» باسپا توپ سەرىكتەستىگى كەلىسىمشارتقا قول قويدى، كەلىسىمشارت بويىنشا، ەكى جاق شاڭحايدىڭ نەگىزگى وقۋ – اعارتۋ كەزەڭىندەگى ماتەماتيكا وقۋلىعىن اۋدارىپ باسپادان شىعارادى. شاڭحايدا قازىر پايدالانۋ ۇستىندەگى بۇل ماتەماتيكا وقۋلىعى جيىنى 36 ءتۇرلى، جوسپار بويىنشا بۇل وقۋلىق اعىلشىن تىلىنە اۋدارىلىپ، بيىل قىركۇيەكتە باسپادان شىعارىلادى. انگليانىڭ ءىشىنارا باستاۋىش مەكتەپتەرىندە بيىل كۇزدەن باستاپ بۇل وقۋلىق قولدانىلادى.

    بۇل جۇڭگو وقۋلىعىنىڭ تۇڭعىش رەت بۇكىل جۇيە بويىنشا انگليانىڭ نەگىزدىك وقۋ – اعارتۋ جۇيەسىنە ەنگىزىلۋى.

جاۋاپتى رەداكتور:سايراش تۇرارجان قىزى