ءبىر ميلليون 290 مىڭ اۋىل – قىستاق وقىتۋشىسى تۇرمىستىق قوسىمشا قاراجات الدى

    ءتىلشىنىڭ 2 – ناۋرىزدا وقۋ – اعارتۋ مينيسترلىگىنەن ۇعىسۋىنشا، 2016 – جىلى جۇڭگو اۋىل – قىستاق وقىتۋشىلارىنا تۇرمىستىق قوسىمشا قاراجات بەرىلەتىن وڭىرلەردى اناعۇرلىم كەڭەيتىپ، شوعىرلى تۇتاسقان كەدەي اۋدانداردى تولىق شارپۋدى نەگىزىنەن ىسكە اسىرعان، جالپى 81 مىڭ مەكتەپ، ءبىر ميلليون 295 مىڭ اۋىل – قىستاق وقىتۋشىسى يگىلىككە كەنەلگەن.

    وقۋ – اعارتۋ مينيسترلىگىنىڭ ساناعىنا نەگىزدەلگەندە، 2016 – جىلى شوعىرلى تۇتاسقان كەدەي اۋدانداردا اۋىل – قىستاق وقىتۋشىلارىنا تۇرمىستىق قوسىمشا قاراجات بەرۋدىڭ شارپۋ اۋماعى %96.6 كە جەتىپ، الدىنداعى جىلداعىدان 14.6 پايىز جوعارىلاعان. يگىلىككە كەنەلۋ جاعىندا مەكتەپتەر سانى مەن اۋىل – قىستاق وقىتۋشىلارى سانىنىڭ الدىنداعى جىلداعان ارتۋى 14 مىڭ جانە 346 مىڭ بولعان.

    ساناقتا كورسەتىلۋىنشە، 2016 – جىلى جەر – جەردىڭ قوسىمشا قاراجات ۇسىنىلىمى 4 ميلليارد 430 ميلليون يۋان بولىپ، الدىنداعى جىلداعىدان 990 ميللين يۋان، ياعني %28.8 ارتقان. ورتالىق بولگەن سيلىق ورنىنا بەرىلەتىن قوسىمشا قاراجات 2 ميلليارد 980 ميلليون يۋان بولىپ، الدىنداعى جىلداعىدان 700 ميلليون يۋان ارتقان. كىسى باسىنا تۋرا كەلەتىن كومەك قاراجات ولشەمى 284 يۋان بولىپ، 2015 – جىلداعىدان 22 يۋان ارتقان. قوسىمشا قاراجات ولشەمى ارتۋمەن بىرگە، اۋىل – قىستاق وقىتۋشىلارىنا قوسىمشا قاراجات بەرۋ كولەمى بىرتىندەپ كەڭەيگەن، شوعىرلى تۇتاسقان كەدەي اۋداندارعا جاتپايتىن كوپتەگەن اۋدان دا كومەك بەرۋ كولەمىنە ەنگىزىلگەن.

جاۋاپتى رەداكتور:سايراش تۇرارجان قىزى