اۆتونوميالى رايون اۋىل - قىستاق «قوس ءتىلدى» بالا باقشا قۇرىلىسىن ىلگەرىلەتۋ ءماجىلىسىن اشتى

    اۋىل - قىستاقتا مەكتەپكە دەيىنگى تاربيەنى جاپپاي جالپىلاستىرۋ تاريحي نىساناسى مەن مىندەتتەرىن ءساتتى ورىنداۋعا كەپىلدىك ەتەيىك

    اۆتونوميالى رايوندىق پارتكومنىڭ اۋىل - قىستاق «قوس ءتىلدى» بالا باقشا قۇرىلىسىن ىلگەرىلەتۋ ءماجىلىسى 2 - ناۋرىزدا اشىلدى، ءماجىلىس باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، ج ك پ اۆتونوميالى رايوندىق 9 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، رايونىمىزدىڭ اۋىل - قىستاقتارىنداعى مەكتەپكە دەيىنگى 3 جىلدىق تەگىن «قوس ءتىلدى» ءتالىم - تاربيە قىزمەتىن ارقاۋ، اۋىل - قىستاق بالا باقشا قۇرىلىسى ينجەنەرياسىن ءتۇيىن ەتىپ، تاجىريبە اۋىسىپ، قورىتىندىلاپ، نىسانا مەن مىندەتتەردى ايقىنداپ، ىلگەرىلەتۋ شاراسىن اقىلداسىپ، اۋىل - قىستاقتاردىڭ مەكتەپكە دەيىنگى 3 جىلدىق تاربيەنى جاپپاي جالپىلاستىرۋ تاريحي نىساناسى مەن مىندەتتەرىن ءساتتى ورىنداۋعا كەپىلدىك ەتۋدى باسا دارىپتەدى.

    اۆتونوميالى رايوندىق پارتكومنىڭ ورىنباسار شۋجيى، باس حاتشىسى، اۆتونوميالى رايوندىق پارتكومنىڭ وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكومنىڭ وقۋ - اعارتۋ قىزمەت كوميتەتىنىڭ ورىنباسار شۋجيى ەركىن تۇنياز ءماجىلىستى باسقاردى.

    لي پىڭشين مىنانى اتاپ كورسەتتى: اۋىل - قىستاقتاردا مەكتەپكە دەيىنگى 3 جىلدىق «قوس ءتىلدى» تەگىن ءتالىم - تاربيە قىزمەتىن ورىستەتۋ − اۆتونوميالى رايوندىق پارتكومنىڭ جالپى جاعداي مەن ستراتەگيالىق تۇرعىدان شىعارعان كەلەلى شەشىمى جانە ورنالاستىرۋى. 2 ايدان استام ۋاقىت ىشىندە تۇتاس رايونىمىزدا 5453 بالا باقشا (ءتۇيىن) جاڭادان سالىندى، بالا باقشاعا كىرۋگە ءتيىستى 434 مىڭ 600 بالا بالا باقشاعا كىردى، تۇتاس رايونىمىزدا بالا باقشاعا كىرۋگە ءتيىستى بالالاردىڭ جالپى سانى ءبىر ميلليوننان اسىپ، بالا باقشاعا كىرۋگە ءتيىستى بالالاردىڭ ءبارى مۇمكىندىكتىڭ بارىنشا بالا باقشاعا كىرگىزۋ نىساناسى مەن مىندەتى تولىق ورىندالدى. اماليات: اۆتونوميالى رايوندىق پارتكومنىڭ بۇل شەشىمىنىڭ ءار ۇلت بۇقاراسىنا ىستەلگەن شىن مانىندەگى ءىرى ءىس، يگى ءىس بولعاندىعىن، بۇل قىزمەتكە، ءسوزسىز، بۇلجىماي تاباندى بولىپ، ونى مۇمكىندىكتىڭ بارىنشا ويداعىداي يگەرۋ كەرەكتىگىن دالەلدەدى.

    لي پىڭشين مىنالاردى باسا دارىپتەدى: اۋىل - قىستاقتاردا مەكتەپكە دەيىنگى تاربيەنى جاپپاي جالپىلاستىرۋعا مىزعىماي تاباندى بولىپ، 7102 - جىلدىق قىزمەت مىندەتىن مەرزىمىندە ورىنداۋعا كەپىلدىك ەتۋ؛ سالىنۋعا ءتيىستى بالا باقشا قۇرىلىسىن مۇمكىندىكتىڭ بارىنشا جەدەل سالىپ، بارلىق نىسانداردىڭ تامىز ايىنىڭ سوڭىنا دەيىن سالىنىپ بولۋىنا، قىركۇيەك ايىنداعى جاڭا وقۋ ماۋسىمىندا جاپپاي پايدالانۋعا بەرۋگە كەپىلدىك ەتۋ؛ «بالا باقشاعا كىرۋگە تيىستىلەردى مۇمكىندىكتىڭ بارىنشا بالا باقشاعا كىرگىزۋدە» ساپاعا، سانعا كەپىلدىك ەتىپ، سانىن ىشكەرىلەي انىقتاۋ نەگىزىندە، مەملەكەت ءتىلى وقىتۋىن اۋىل - قىستاقتاردىڭ مەكتەپكە دەيىنگى تاربيەسىنىڭ جالپى بارىسىنا جانە بارلىق جاعىنا ءسىڭىرىپ، اۋىل - قىستاقتاردىڭ مەكتەپكە دەيىنگى تاربيەسىنە قاتىستى وقۋلىقتاردى بىرلىككە كەلتىرىپ، اۋىل - قىستاق بالا باقشاسىن عىلمي باسقارۋدى، ولشەمدى اينالىمعا سالۋدى تىڭعىلىقتى ىلگەرىلەتۋ؛ وقىتۋشىلاردى دايىنداۋدا ءبىر تۇتاس جوسپار جاساپ، قوسىن قۇرىلىمىن شىنايى ساپالىلاندىرىپ، كوپ ءتۇرلى شارانى قاتار اتقارۋ ارقىلى وقىتۋشىلار سانىن قامتاماسىزداندىرىپ، وقىتۋشىلار مامىلەسىن جاقسارتۋعا دەن قويىپ، اۋىل - قىستاقتاردىڭ بالا باقشا وقىتۋشىلار قوسىنىنىڭ مەملەكەت تىلىندە وقىتۋ مىندەتىن اتقارۋعا سايكەسۋىن جەدەلدەتۋ؛ ۇيىمدىق باسشىلىقتى پارمەندى قامتاماسىز ەتىپ، پارتيانىڭ وقۋ - اعارتۋ جاعىندا حالىققا تيىمدىلىك جاساۋ ساياساتىن شىن مانىندە ناقتاپ تياناقتاندىرۋ كەرەك.

    ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق وقۋ - اعارتۋ مەڭگەرمەسى رايونىمىزدىڭ اۋىل - قىستاقتارىنداعى مەكتەپكە دەيىنگى 3 جىلدىق «قوس ءتىلدى» تەگىن ءتالىم - تاربيە قىزمەتىنىڭ 2016 - جىلعى ىلگەرىلەتىلۋ جاعدايىن حابارلاندىردى، اۆتونوميالى رايوندىق دامۋ - رەفورما كوميتەتىنىڭ، قازىنا مەڭگەرمەسىنىڭ، تۇرعىن ءۇي جانە قالا - اۋىل قۇرىلىسى مەڭگەرمەسىنىڭ قاتىستى جاۋاپتىلارى پوزيتسيا ءبىلدىرىپ، قاشقار، اقسۋ، تارباعاتاي ايماقتارىنىڭ اكىمشىلىك مەكەمەلەرىنىڭ قاتىستى ادامدارى ءارقايسى بولىمشە ماجىلىستەردە پىكىر اۋىستىرىپ، ءسوز سويلەدى. اۆتونوميالى رايوندىق حالىق ۇكىمەتى رايونىمىزداعى 14 ايماق (وبلىس، قالا) ۇكىمەتتەرىمەن نىسانالى باسقارۋ جاۋاپكەرشىلىك حاتىنا قول قويدى

جاۋاپتى رەداكتور:سايراش تۇرارجان قىزى