وقۋ - اعارتۋ مينيسترلىگى جاڭا بەلگىلەمە شىعاردى: باستاۋىش مەكتەپكە وقۋعا ءتۇسۋ جاس شەكتەمەسىندەگى اي، كۇن مەزەتىن ولكەلەر وزدەرى بەلگىلەيدى

    جۇڭگو ءۇنى باعدارلاماسى «كەشكى حابارلار ورلەۋى» ايدارشاسىنىڭ حابارىنا قاراعاندا، 22 - اقپاندا وقۋ - اعارتۋ مينيسترلىگى «2017 - جىلعى مىندەتتى وقۋ - اعارتۋ بويىنشا وقۋشى قابىلداۋ، وقۋشىلاردىڭ وقۋعا ءتۇسۋ قىزمەتىن جاقسى ىستەۋ جونىندەگى ۇقتىرۋدى» باسىپ تاراتقان. «ۇقتىرۋدا» مىناۋ ايقىن ورتاعا قويىلعان: باستاۋىش مەكتەپتىڭ 1 - جىلدىعىنا وقۋعا تۇسەتىن بالالاردىڭ وقۋعا ءتۇسۋ جاس شەكتەمەسىندەگى اي، كۇن مەزەتىن ولكە دارەجەلى وقۋ - اعارتۋدى اكىمشىلىك باسقارۋ تاراۋى زاڭ - بەلگىلەمەلەرگە جانە ناقتى جاعدايعا قاراي ءبىر تۇتاس بەلگىلەيدى. بىلايشا ايتقاندا 31 - تامىز ەندىگارى وقۋعا ءتۇسۋ جاس شەكتەمەسىندەگى اي، كۇن مەزەت شەگى بولماۋى مۇمكىن.

    بۇل وزگەرىسكە اتا - انالاردىڭ اڭىسى بىردەي بولمادى. ماماندار بىلاي دەدى: ۇزاق بولاشاقتان قاراعاندا، باستاۋىشقا تۇسۋدەگى جاستىڭ يكەمدىلىگى بولاشاق دامۋدىڭ باعىتىنا اينالادى.

    «جۇڭحۋا حالىق رەسپۋبليكاسىنىڭ مىندەتتى وقۋ - اعارتۋ زاڭىندا» بىلاي دەپ بەلگىلەنگەن: 6 جاسقا تولعان بالالار وقۋعا ءتۇسىپ بەلگىلەنگەن جىل شەگىندەگى مىندەتتى وقۋ - اعارتۋدى قابىلداۋى كەرەك. جاڭا وقۋ ماۋسىمى ادەتتە تۇگەلدەي 1 - قىركۇيەكتە باستالادى، 1 - قىركۇيەكتە وقۋ باستالۋدىڭ الدىندا 6 جاسقا تولاتىن بالالاردىڭ اي - كۇن مەزەتى 31 - تامىزعا دەيىن، مىنە، بۇل باستاۋىش مەكتەپكە وقۋعا تۇسۋدەگى جاس شەكتەمەسى اي - كۇن مەزەتىنىڭ تۇگەلدەي 31 - تامىز بولۋىنىڭ سەبەبى.

    وسى رەتكى «ۇقتىرۋدا» وقۋعا تۇسۋدەگى جاس شەكتەمەسى اي - كۇن مەزەتىن ءبىر تۇتاس بەلگىلەۋ ۇقىعى جەر - جەرگە بەرىلدى، كوپتەگەن ادام وقۋعا تۇسۋدەگى جاس شەكتەمەسى اي - كۇن مەزەتى 31 - تامىزبەن شەكتەلمەيتىن بولدى دەپ قاراۋدا. مۇنى قولداعان اتا - انالار بىلاي دەسۋدە: «قازىر بالا بارعان سايىن كوبەيۋدە، اتا - انالاردىڭ قىسىمى دا وتە زور، تۇزىمدەگى وزگەرىس ارقىلى بالاعا دا، اتا - اناعا دا وراي جاراتىلىپ وتىر».

جاۋاپتى رەداكتور:سايراش تۇرارجان قىزى