مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى بەيجيڭدە جابىلدى

    شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋليءتوراعالار مىنبەسىنەن ورىن الدى، جابىلۋ جيىنىن جاڭ دىجياڭ باسقاردى ۇكىمەت قىزمەتىنەن باياندامانى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى ازاماتتىق ىستەر زاڭىنىڭ باس ەرەجەسىن ماقۇلدادى، شي جينپيڭ ءتوراعا بۇيرىعىنا قول قويىپ جاريالادى

    مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قارار سياقتى زاڭدىق حۇجاتتاردى داۋىسقا سالىپ ماقۇلدادى

    مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 15 - ناۋرىزدا بەيجيڭدەگى حالىق سارايىندا جابىلدى. شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلى پارتيا مەن مەملەكەت باسشىلارى ءتوراعالار مىنبەسىنەن ورىن الدى

    مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 15 - ناۋرىزدا بەيجيڭدەگى حالىق سارايىندا جابىلدى. جابىلۋ جيىنىن جاڭ دىجياڭ باسقاردى ءارى ءسوز سويلەدى

    شينحۋا اگەنتتىگىنىڭ 15 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى ءتۇرلى كەڭەستىك تارتىپتەردى تولىق ورىنداپ، 15 - ناۋرىز كۇنى تۇستەن بۇرىن حالىق سارايىندا جابىلدى. جيىن ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى؛ ازاماتتىق ىستەر زاڭىنىڭ باس ەرەجەسىن ماقۇلدادى، مەملەكەت ءتوراعاسى شي جينپيڭ 66 - ءنومىرلى ءتوراعا بۇيرىعىنا قول قويىپ جاريالادى؛ مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قارار سياقتى زاڭدىق حۇجاتتاردى داۋىسقا سالىپ ماقۇلدادى.

    جيىنعا قاتىناسۋعا ءتيىستى 2924 ۋاكىلدىڭ 2838ى قاتىناستى، 86 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

    جابىلۋ جيىنىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ باسقاردى.

    شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.

    ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي جيانگو، ۋاڭ شىڭجۇن، چىن چاڭجى، يان جۇنچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭبا پيڭسو، ەركىن يمىرباقى، ۋان ى - شياڭ، جاڭ باۋۋىن، چىن جۋ ءتوراعالار مىنبەسىندەگى اتقارۋشى ءتوراعالار ورنىنا وتىردى.

    ساعات 9دا جاڭ دىجياڭ جابىلۋ جيىنىنىڭ اشىلعاندىعىن جاريالادى.

    جيىن داۋىسقا سالۋ ارقىلى ۇكىمەت قىزمەتىنەن بايانداما جونىندەگى قاۋلىنى ماقۇلدادى. قاۋلىدا بىلاي دەپ اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2017 - جىلعى قىزمەت جالپى ورنالاستىرۋلارىنا، نىسانالار مەن مىندەتتەرگە، ءتۇيىندى قىزمەتتەرگە جانە ساياساتتار مەن شارالارعا قوسىلىپ، بۇل باياندامانى بەكىتۋدى ۇيعاردى.

    جيىن 2016 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2017 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، 2016 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2017 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2017 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 2016 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2017 - جىلعى ورتالىق پەن جەرگىلىكتى ورىننىڭ مەجە ەسەبى جونىندەگى قاۋلىنى داۋىسقا سالىپ ماقۇلداپ، 2016 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2017 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى بەكىتۋدى ۇيعاردى، 2017 - جىلعى ورتالىقتىڭ مەجە ەسەبىن بەكىتتى.

    جيىن داۋىسقا سالۋ ارقىلى ازاماتتىق ىستەر زاڭىنىڭ باس ەرەجەسىن ماقۇلدادى. ازاماتتىق ىستەر زاڭىنىڭ باس ەرەجەسى 2017 - جىلى 1 - قازاننان باستاپ اتقارىلادى.

    ءماجىلىس مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قاراردى داۋىسقا سالىپ ماقۇلدادى، شياڭگاڭ ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ ءادىسىن جانە اۋمىن ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ ءادىسىن ماقۇلدادى. مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قارارعا سايكەس، مەملەكەتتىك 13 - كەزەكتى حالىق قۇرىلتايىنىڭ ۋاكىلدەرى 2018 - جىلى قاڭتاردا سايلانادى.

    جيىن مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلدادى. قاۋلىدا بىلاي دەپ اتاپ كورسەتىلدى: ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتتەرىن جانە شىعارعان قاۋلى، قارارلارىن تولىق تۇراقتاندىرىپ، باياندامادا العا قويىلعان الداعى ءبىر جىلداعى باستى مىندەتتەر مەن قىزمەت ورنالاستىرۋلارىنا قوسىلىپ، وسى باياندامانى بەكىتۋدى ۇيعاردى.

    جيىن داۋىسقا سالۋ ارقىلى ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قاۋلىنى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاۋلىنى ماقۇلداپ، وسى ەكى باياندامانى بەكىتۋدى ۇيعاردى.

    جيىن تاعى مەملەكەتتىك حالىق قۇرىلتايى تۇراقتى كوميتەتىنىڭ شۇي شيانميڭنىڭ مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەلىك مىندەتىنەن بوساۋ تۋرالى ءوتىنىشىن قابىلداعانىن تۇراقتاندىرۋ جونىندەگى قاراردى داۋىسقا سالىپ ماقۇلدادى. جيىن ءتۇرلى كەڭەستىك تارتىپتەرىن ورىنداعان سوڭ، جاڭ دىجياڭ ءسوز سويلەدى. ول بىلاي دەدى: مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى «دەموكراتيالى، بەرەكەلى، شىنايىلىق، العا ۇمتىلۋ» رۋحىن ساۋلەلەندىرىپ، بارلىق ۋاكىلدەردىڭ بىرگە قۇلشىنۋىندا بەلگىلەنگەن ءتۇرلى مىندەتتەردى تولىق ورىندادى. ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەتتىڭ ءتۇرلى ىستەرىندە قول جەتكەن تىڭ ىلگەرىلەۋشىلىكتەر مەن تىڭ جەتىستىكتەردى جوعارى باعالادى. ءماجىلىس ۇكىمەت، حالىق قۇرىلتايى سياقتىلاردىڭ قىزمەت باياندامالارىن قاراپ بەكىتتى، ازاماتتىق ىستەر زاڭىنىڭ باس ەرەجەسى، ۋاكىلدەردى سايلاۋ سياقتى زاڭدىق حۇجاتتاردى قاراپ بەكىتتى، 2017 - جىلعى قىزمەت نىسانالارى مەن مىندەتتەرىن، ورنالاستىرۋلارىن ايقىندادى. ءماجىلىس كەزىندە ۋاكىلدەر حالىقتىڭ ماڭىزدى تاپسىرماسىن ارقالاپ، حالىقتىڭ ەركىنە ۋاكىلدىك ەتىپ، نەگىزگى زاڭ مەن زاڭداردا بەرىلگەن بورىشتارىن مۇقيات وتەپ، ءبىر نيەتپەن سەلبەسىپ، مۇقيات تالقى جۇرگىزدى. ءماجىلىس يدەيانى بىرلىككە كەلتىرۋ، سەنىمدى بەكەمدەۋ، كۇش - قۋاتتى ۇيىستىرۋ، العا ىلگەرىلەۋگە جىگەرلەندىرۋ ماقساتىنا جەتتى، ءماجىلىستىڭ جەتىستىكتەرى پارتيانىڭ دارىپتەمەسى مەن حالىق ەركىنىڭ بىرلىگىن تولىق ايگىلەدى، بۇكىل ەلدەگى ءار ۇلت حالقىنىڭ ورتاق ارمان - تىلەگىن تولىق بەينەلەدى.

    جاڭ دىجياڭ بىلاي دەپ باسا دارىپتەدى: 2017 - جىلى جۇڭگو كوممۋنيستىك پارتياسى مەملەكەتتىك 19 - قۇرىلتايىن اشادى، بۇل پارتيا مەن مەملەكەتتىڭ ساياسي ومىرىندەگى ماڭداي الدى ءىرى ءىس. ءبىز قىزمەتتىڭ ورنىقتىلىق بارىسىندا ىلگەرىلەۋ سىندى باس نەگىزگى اۋەنىنەن جازباي، جاڭا دامۋ ۇستانىمىن امالياتتا ايگىلەپ، حالىقتى وزەك ەتكەن دامۋ يدەياسىنا تاباندى بولىپ، ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن جاپپاي جاقسى ىستەپ، بيىلعى ەكونوميكالىق، قوعامدىق دامۋ مىندەتتەرىن تابىسپەن ورىنداپ، ەكونوميكانىڭ ورنىقتى، اقاۋسىز دامۋىن جانە قوعامنىڭ جاراسىمدىلىعى مەن ورنىقتىلىعىن جەبەپ، پارتيا 19 - قۇرىلتايىنىڭ اشىلۋىن ۇزدىك ناتيجەلەرمەن قارسى الۋىمىز كەرەك.

    جاڭ دىجياڭ مىنالاردى اتاپ كورسەتتى: ازاماتتىق ىستەر زاڭىنىڭ جيناعىن قۇراستىرۋ -- پارتيا ورتالىق كوميتەتى بەلگىلەگەن ماڭىزدى زاڭ شىعارۋ مىندەتى، قالىڭ حالىق بۇقاراسىنىڭ ىقىلاستى تىلەگى. ازاماتتىق ىستەر زاڭىنىڭ باس ەرەجەسى -- ازاماتتىق ىستەر زاڭى جيناعىن قۇراستىرۋدىڭ بەتاشارى، ول ازاماتتىق ىستەر زاڭى جيناعىندا باعدارلامالىق رول اتقارادى. ازاماتتىق ىستەر زاڭىنىڭ باس ەرەجەسى مەملەكەتتى زاڭمەن جونگە سالۋ تالابىن جاپپاي دايەكتىلەندىرىپ، حالىقتىڭ نەگىزگى تۇلعالىق ورنىنا، ەلىمىزدىڭ مەملەكەت جاعدايى مەن ءىس جۇزىندىك جاعدايىن ارقاۋ ەتۋگە، سوتسياليستىك وزەكتى قۇن كوزقاراسىنا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرىپ، ەلىمىزدىڭ ازاماتتىق ىستەر زاڭى ارقىلى جونگە سالۋ تاجىريبەلەرىن قورىتىندىلاپ جانە جالعاستىرىپ، جاڭا جاعداي، جاڭا تالاپقا ۇيلەسىپ، ەلىمىزدىڭ ازاماتتىق ىستەر قيمىلدارىنىڭ نەگىزگى بەلگىلەمەلەرى مەن جاي قاعيدالارىن جان - جاقتى جۇيەلى بەلگىلەپ، ازاماتتىق ىستەر زاڭى جيناعىن قۇراستىرۋعا مىعىم نەگىز قالادى. ءبىز بورىشتى ادا ەتىپ، تاعى دا قايراتتانىپ، ازاماتتىق ىستەر زاڭى جيناعىنىڭ ءاربىر ءبولىمىن قۇراستىرۋ قىزمەتىن جەدەل ىلگەرىلەتىپ، جۇڭگولىق ەرەكشەلىككە يە، ءداۋىر رۋحىن ايگىلەيتىن، حالىقتىڭ تىلەگىن بەينەلەيتىن ازاماتتىق ىستەر زاڭى جيناعىنىڭ 2020 - جىلعا دەيىن قۇراستىرىلۋىنا شىنايى كەپىلدىك ەتۋىمىز كەرەك.

    جاڭ دىجياڭ بىلاي دەپ اتاپ كورسەتتى: حالىق قۇرىلتايى ۋاكىلىن سايلاۋ حالىق قۇرىلتايى ءتۇزىمىنىڭ ماڭىزدى نەگىزى، پارتيانىڭ بيلىك جۇرگىزۋ بەدەلىن بەكەمدەۋدە، حالىقتىڭ قوجايىندىق ورنىن قامتاماسىزداندىرۋدا، مەملەكەت بيلىگىن كۇشەيتۋدە ماڭىزدى مانگە يە. ءبىز پارتيانىڭ باسشىلىعىنا تاباندى بولۋىمىز، دەموكراتيانى تولىق ساۋلەلەندىرۋىمىز، زاڭ بويىنشا قاتاڭ ءىس ءبىتىرۋىمىز، نەگىزگى زاڭنىڭ، زاڭداردىڭ بەدەلى مەن مارتەبەسىن باتىل قورعاۋىمىز، كەزەك اۋىستىرۋ ءتارتىبىن قاتايتۋىمىز، باقىلاۋدى، جاۋاپقا تارتۋدى قاتايتۋىمىز، سايلاۋ قىزمەتىنىڭ سالتى دۇرىس بولۋىنا، قارالىق جاسالماۋىنا، سايلاۋ ناتيجەسىنىڭ حالىقتى ءدان ريزا ەتۋىنە شىنايى كەپىلدىك ەتۋىمىز كەرەك.

    جاڭ دىجياڭ بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرا باستاپ، جۇڭگوشا سوتسياليزمگە تاباندى بولىپ جانە دامىتىپ، مەملەكەتتى كوركەيتۋ جولىندا قۇلشىنىپ، قۇلشىنا العا ۇمتىلىپ، باتىلدىقپەن امالياتتا ايگىلەپ، ءورىس اشا جاڭالىق جاراتىپ، «بەستى ءبىر تۇلعالاندىرۋ» تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن ءبىر تۇتاس جوسپارلاي وتىرىپ العا ىلگەرىلەتىپ، پارتيا مەن مەملەكەت ىستەرى دامۋىنىڭ تىڭ جاعدايىن اشتىق. ءبىز كوپتەگەن تىڭ تاريحي ەرەكشەلىككە يە بولعان ۇلى كۇرەس امالياتىن العا ىلگەرىلەتۋ بارىسىندا باس شۋجي شي جينپيڭنىڭ بۇكىل پارتيادا، بۇكىل ارميادا، بۇكىل ەلدەگى ءار ۇلت حالقىنىڭ اراسىندا وسكەلەڭ بەدەلىن ورناتىپ، پارتيا ورتالىق كوميتەتىنىڭ ۇيتقىسىنا، بۇكىل پارتيانىڭ ۇيتقىسىنا اينالعانىن ەرەكشە ماقتانىش سەزىنەمىز. باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارى، جاڭا يدەيالارى، جاڭا ستراتەگيالارى كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ىشكەرىلەتىپ، جاڭا تاريحي شارت - جاعدايدا جاپپاي دوڭگەلەك داۋلەتتى قوعام قۇرۋدى، سوتسياليستىك وسىزامانداندىرۋدى جەدەل العا ىلگەرىلەتۋدى اناعۇرلىم پارمەندى عىلمي نازاريالىق جەتەكشىلىكپەن قامدادى. ءبىز ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلى مەن شوعىرلى، ءبىر تۇتاس باسشىلىعىن باتىل قورعاپ، پارتيانىڭ لۋشيانىن، باعىتىن − ساياساتىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك قىزمەتتە شىن مانىندە دايەكتى تياناقتاندىرىپ، ۇلى ءىستى، ۇلى ينجەنەريانى، ۇلى كۇرەستى تىنباي العا ىلگەرىلەتۋدە تىڭ دا ۇلى جەڭىستەرگە قول جەتكىزۋىمىز ءتيىس.

    جاڭ دىجياڭ بىلاي دەدى: 4 جىلدان بەرى، مەملەكەتتىك 12 - كەزەكتى حالىق قۇرىلتايى جانە ونىڭ تۇراقتى كوميتەتى پارتيانىڭ باسشىلىعىنىڭ، حالىقتىڭ ءوز - وزىنە قوجا بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالىق بىرلىگىنە باستان − اياق تاباندى بولىپ، جۇڭگوشا سوتسياليزمنىڭ جولىنا دەگەن سەنىمدى، نازارياسىنا دەگەن سەنىمدى، تۇزىمىنە دەگەن سەنىمدى، مادەنيەتكە دەگەن سەنىمدى بەكەمدەپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتە وتىرىپ زاڭ بويىنشا ۇقىق جۇرگىزدى؛ مەملەكەتتىك 12 - كەزەكتى حالىق قۇرىلتايى مەملەكەت پەن حالىققا وسكەلەڭ جاۋاپتى بولۋ رۋحىمەن، مەملەكەت ۇقىعىن جۇرگىزۋگە زاڭ بويىنشا ات سالىسىپ، ءوز قىزمەتىنە ادال بولىپ، قۇلشىنا ىستەپ، جاۋاپكەرشىلىگىن ادا ەتتى، جاۋاپكەرشىلىكتى ارقالاپ، ءىس تىندىردى، سوتسياليستىك دەموكراتيالى زاڭمەن جونگە سالۋ قۇرىلىسى امالياتىندا تىڭ داستان جازىپ، تىڭ كەرەمەتىن ايگىلەپ، تىڭ ۇلەستەر قوستى. وسى كەزەكتى حالىق قۇرىلتايىنىڭ مىندەت وتەۋ مەرزىمىنىڭ تولۋىنا ءالى ءبىر جىل بار. ءبىز حالىقتىڭ ىقىلاستى ءۇمىتىن قاي − قاشان دا ەسىمىزدە بەرىك ساقتاپ، حالىق اتىنان مەملەكەت ۇقىعىن جۇرگىزۋ جاۋاپكەرشىلىگىمىزدى، بورىشىمىزدى شىن مانىندە ارقالاپ، ايقىن تۋ ۇستاي وتىرىپ ساياسيدى دارىپتەپ، تىڭعىلىقتى، ناقتى ىستەپ، بۇكىل ىنتا − پەيىلىمىزبەن حالىق ءۇشىن قىزمەت كورسەتىپ، حالىق قۇرىلتايى قىزمەتىنىڭ ورەسىن تىنباي جوعارىلاتىپ، ەڭ جوعارى مەملەكەت بيلىك ورگانىندىق رولدى اناعۇرلىم جاقسى ساۋلەلەندىرىپ، حالىق قۇرىلتايى تۇزىمىنە ۇزاق ۋاقىت تاباندى بولۋعا، جاپپاي تياناقتاندىرۋعا، تىنباي دامىتۋعا تىڭ ۇلەستەر قوسۋىمىز كەرەك.

    جاڭ دىجياڭ ەڭ سوڭىندا بىلاي دەدى: ۇلى ىستەر ادامدى قۇلشىنا العا ۇمتىلۋعا جەبەيدى، ۇلى نىسانا شەكسىز شۇلەن شۇعىلاسىن شاشۋدا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى ماقساتتى ۇمىتپاي، ۇزدىكسىز العا ىلگەرىلەپ، ءبىر نيەت، ءبىر تىلەكتە بولىپ، قىزمەتتى تىڭعىلىقتى ىستەپ، جاپپاي دوڭگەلەك داۋلەتتى قوعام قۇرۋدىڭ تىڭ جەڭىستەرىنە قول جەتكىزۋ ءۇشىن، «قوس 100 جىلدىق» كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەسەيىك!

    ساعات 9دان 51 مينۋت وتكەندە، جاڭ دىجياڭ جۇڭحۋا حالىق رەسپۋبليكاسىنىڭ مەملەكەتتىك 12 - كەزەكتى حالىق قۇرىلتايى 5 - ءماجىلىسىنىڭ جابىلعاندىعىن جاريالادى. جيىن ايبىندى مەملەكەت گيمىنىمەن اياقتالدى.

    ما كاي، ۋاڭ حۋنيڭ، ليۋ ياندۇڭ، ليۋ چيباۋ، شۇي چيلياڭ، سۇن چۇنلان، سۇن جىڭساي، لي يۋانچاۋ، ۋاڭ ياڭ، جاڭ چۇنشيان، فان چاڭلۇڭ، مىڭ جيانجۋ، جاۋ لىجي، حۋ چۇنحۋا، لي جانشۋ، گو جينلۇڭ، حان جىڭ، دۋ چيڭلين، جاۋ حۇڭجۋ، ياڭ جيڭ، چاڭ ۋانچۋان، ياڭ جيەچى، گو شىڭكۇن، ۋاڭ يۇڭ، جوۋ چياڭ، ساۋ جيانميڭ، حان چيدى، ۋان گاڭ، لين ۋىن - ي، لو فۋحى، جاڭ چيڭلي، لي حايفىڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمين، لياڭ جىنيڭ، سونداي - اق ورتالىق اسكەري ىستەر كوميتەتىنىڭ مۇشەلەرى فاڭ فىڭحۇي، جاڭ ياڭ، جاۋ كىشى، جاڭ يۋشيا، ۋ شىڭلي، ما شياۋتيان، ۋي فىڭحى قاتارلىلار دا ءتوراعالار مىنبەسىنەن ورىن الدى.

    ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ ورگاندارىنىڭ جاۋاپتىلارى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرى بۇگىنگى جيىنعا سىرتتاي قاتىناستى نەمەسە بۇگىنگى جيىندى سىرتتاي تىڭدادى.

    ءار ەلدىڭ جۇڭگوداعى ەلشىلەرى جيىندى سىرتتاي تىڭدادى.

جاۋاپتى رەداكتور:سايراش تۇرارجان قىزى