قۇلشىنا بورىشتى وتەپ، ناقتى ىستەۋ ارقىلى ارمانعا قانات بىتىرەيىك

    − مەملەكەتتىك 12 - كەزەكتى حالىق قۇرىلتايى 5 - ءماجىلىسىنىڭ جەڭىسپەن جابىلعانىن قىزۋ قۇتتىقتايمىز

    دەموكراتيانى ساۋلەلەندىرىپ، مەملەكەت ساياساتىن بىرگە اقىلداسىپ، ءبىر نيەتپەن كۇش ۇيىستىرىپ، بولاشاق جونىندە جوبا - جوسپار جاسادى، مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى ءتۇرلى كەڭەستىك تارتىپتەرىن تولىق ورىنداپ، بەيجيڭدە جەڭىسپەن جابىلدى. بۇل ءبىر رەتكى كوپتىڭ اقىل - پاراساتىن شوعىرلاندىرعان، جۇرت تىلەگىن ۇيىستىرعان ءماجىلىس بولدى، بۇل ءبىر رەتكى ستيلى پاك، سالتى دۇرىس، ناقتى ىستەر جايلى كەڭەسكەن، جوعارى ءونىمدى ءماجىلىس بولدى. ماجىلىسكە قاتىناسقان ۋاكىلدەر وسكەلەڭ جاۋاپكەرشىلىك سەزىممەن جانە بورىشتىلىق سەزىممەن حالىقتىڭ جارشىسى بولىپ، ءوز قىزمەت بورىشىن تولىق ادا ەتىپ، دەموكراتيانىڭ، ىنتىماقتىڭ، شىندىققا جۇگىنۋدىڭ، اتويلاي العا ۇمتىلۋدىڭ تىڭ تاراۋىن جازدى. ءبىز ءماجىلىستىڭ ءساتتى اشىلعانىن قىزۋ قۇتتىقتايمىز!

    «13 - بەسجىلدىق» جوبانىڭ العاشقى جىلىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ، مەملەكەتتىڭ ءتۇرلى ىستەرىندە قۋانارلىق ناتيجەلەرگە قول جەتكىزدىك. ءماجىلىس ءارقايسى مەملەكەت ورگاندارىنىڭ وتكەن ءبىر جىلدان بەرگى قىزمەتتەرىن تولىق تۇراقتاندىردى. ۋاكىلدەر ءبىر اۋىزدان ۇكىمەت قىزمەتىنەن باياندامانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تالابىن تولىق ايگىلەگەن، بيلىك باسىنداعى جۇڭگو كوممۋنيستىك پارتياسىنىڭ ەل باسقارۋداعى جالپى جوباسىن، حالىقتى ارقاۋ ەتكەن دامۋ يدەياسىن جەتە بەينەلەگەن، قىزمەتتى شىندىقتى ءىس جۇزىنەن ىزدەي وتىرىپ قورىتىندىلاپ، جاعدايعا وبيەكتيۆ، دۇرىس تالداۋ جاساپ، ايقىن، ناقتى مىندەتتەردى العا قويعان، شىندىققا جۇگىنىپ، ناقتى ىستەر ىستەگەن، ءورىس اشا جاڭالىق جاراتقان، ادامدى قۇلشىنا العا ۇمتىلۋعا جەبەگەن تارتىمدى بايانداما دەپ قارادى. ۋاكىلدەر مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى مەن ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات تىڭداپ، تالقىلاپ، قاتىستى كەڭەس جوبالارىن قاراپ ماقۇلداپ، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەپ، پارتيا مەن مەملەكەت ىستەرىنىڭ دامۋىن العا ىلگەرىلەتەتىن قۇدىرەتتى وڭ ەنەرگيانى كەڭ كولەمدە توپتادى.

    ەلىمىزدىڭ ءىس جۇزىندىگى مەن قاجەتىنە ۇيلەسەتىن ازاماتتىق ىستەر زاڭىنىڭ جيناعىن قۇراستىرۋ جاڭا جۇڭگوداعى نەشە ۇرپاق ادامداردىڭ ارمان - تىلەگى بولىپ كەلگەن ەدى. بۇل جولعى ءماجىلىستىڭ ءبىر ماڭىزدى تابىسى − ازاماتتىق ىستەر زاڭىنىڭ باس ەرەجەسىن قاراپ ماقۇلدادى. ۋاكىلدەر ءبىر اۋىزدان بىلاي دەپ قارادى: ازاماتتىق ىستەر زاڭىنىڭ باس ەرەجەسى ماسەلەنى نىشان ەتۋگە تاباندى بولۋمەن بىرگە، زاڭ شىعارۋ زاڭدىلىعىنا قۇرمەت ەتىپتى؛ ازاماتتىق ىستەر زاڭىن شىعارۋ تاريحىنىڭ ۇلاسپالىلىعىنا قۇرمەت ەتۋمەن بىرگە، قازىرگى ەكونوميكالىق، قوعامدىق دامۋدىڭ وبيەكتيۆ تالابىنا ۇيلەسىپتى؛ ەلىمىزدىڭ تاڭداۋلى زاڭ مادەنيەت ءداستۇرىن جالعاستىرۋمەن بىرگە، شەتەلدىڭ زاڭ شىعارۋ جاعىنداعى پايدالى تاجىريبەلەرىنەن ۇلگى الىپتى، بۇل جۇڭگوشا سوتسياليستىك زاڭ جۇيەسىن كەمەلدەندىرۋدە كەلەلى ءارى ماڭىزدى ءمان الادى. ءبىز ازاماتتىق ىستەر زاڭى باس ەرەجەسىنىڭ العا قويىلۋىنىڭ جۇڭگونىڭ ءىس جۇزىندىگىن تياناق ەتكەن، جۇڭگو ماسەلەسىنە تىكە بەت كەلگەن، جۇڭگو ەرەكشەلىگىن ايگىلەگەن، جۇڭگوشا تەبىنگە يە ازاماتتىق ىستەر زاڭى جيناعىن ويداعىداي قۇراستىرۋعا بەرىك نەگىز قالايتىنىنا سەنەمىز.

    بولاشاقتاعى جاعداي مەن مىندەتكە كوز سالساق، ءبىز ورگە تارتىپ، بوگەتتەردەن ەندەي ءوتۋدىڭ شەشۋشى كەزەڭىندە تۇرمىز، ەكونوميكالىق دامۋدىڭ جاڭا قالىبىنا ۇيلەسۋدە، يگەرۋدە، جەتەكشىلىك ەتۋدە، قامداۋ جاعىنداعى قۇرىلىمدىق رەفورمانى العا ىلگەرىلەتۋدە كوپتەگەن حاۋىپ - قاتەرگە، سىن - سايىسقا جانە تەرەڭ قاتپارلى قايشىلىق ماسەلەسىنە تىكە بەت كەلەمىز. ءسوز جوق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن شوعىرلى، ءبىر تۇتاس باسشىلىعىن باتىل قورعاۋ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن سانالى تۇردە ءتۇرلى قىزمەتتىڭ عىلمي نازاريالىق جەتەكشىسى جانە ارەكەت قىبلاناماسى ەتۋ؛ ءسوز جوق، پارتيانىڭ باسشىلىعىنىڭ، حالىقتىڭ ءوز - وزىنە قوجا بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولۋ، حالىق قۇرىلتايى ءتۇزىمىنىڭ ساياسي باسىمدىعىن تولىق ساۋلەلەندىرۋ، مەملەكەت ورگاندارىنىڭ سايكەستى، جوعارى ءونىمدى جۇمىس جۇرگىزۋىنە كەپىلدىك ەتۋ، بۇكىل ەلدەگى ءار ۇلت حالقىنىڭ كۇش - قۋاتىن ۇيىستىرۋ ەكونوميكانىڭ ورنىقتى، اقاۋسىز دامۋىن جانە قوعامنىڭ جاراسىمدىلىعىن، ورنىقتىلىعىن جەبەۋدىڭ مىزعىماس، پارمەندى تۇزىمدىك كەپىلى.

    سوتسياليستىك دەموكراتيالىق زاڭمەن جونگە سالۋ قۇرىلىسىنىڭ ءبىرىنشى شەبىندە مەيلى، ءتۇيىندى سالالاردا زاڭ شىعارۋدى كۇشەيتىپ، عىلمي زاڭ شىعارۋدى ىشكەرىلەي العا ىلگەرىلەتۋ، دەموكراتيالى زاڭ شىعارۋ، ىزگى زاڭ ارقىلى دامۋدى جەبەۋگە، يكەمدىلىكپەن جونگە سالۋعا شىنايى كەپىلدىك ەتۋدە بولسىن، الدە زاڭ شىعارۋ ساپاسىن جوعارىلاتىپ، زاڭمەن جونگە سالۋ مەن رەفورمانى سايكەستى العا ىلگەرىلەتۋگە تاباندى بولىپ، رەفورمانى، دامۋدى، ورنىقتىلىقتى زاڭمەن جونگە سالۋ جاعىنان قامتاماسىزداندىرۋدا بولسىن؛ مەيلى بۇكىل ەل ءبىر تۇتاس جۇيە دەپ قاراۋعا تاباندى بولىپ، زاڭدا بەلگىلەنگەن ۇقىق پەن زاڭدا بەلگىلەنگەن تارتىپكە ساي دۇرىس باقىلاۋدى، ءونىمدى باقىلاۋدى قاتاڭ اتقارىپ، ۇكىمەتتىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ زاڭ بويىنشا اكىمشىلىك جۇرگىزۋىن، ءادىليانى ادىلدىكپەن اتقارۋىن جەبەۋدە بولسىن، الدە ماسەلەنى نىشان ەتۋدەن جازباي، باقىلاۋ قىزمەتىن كۇشەيتۋدىڭ كۇش سالۋ ءتۇيىنىن ءدال تاۋىپ، حالىق جۇرتشىلىعى جاپپاي نازار اۋدارىپ وتىرعان تولعاقتى، قيىن ماسەلەلەردى ءبىر جايلى ەتۋدى جەبەپ، حالىقتىڭ ۇندەۋىنە سايكەستى اڭىس قايتارۋدى قۇلشىنا ورىنداۋدا بولسىن، مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايىنىڭ ايتا قالسىن ىستەر تىندىرۋىنا ابدەن بولادى. پارتيانىڭ باسشىلىعى سىندى سوتسياليستىك دەموكراتيالىق زاڭمەن جونگە سالۋدىڭ ەڭ ءتۇبىرلى كەپىلىنە تاباندى بولۋ، حالىقتىڭ تۇرعىسى سىندى ءتۇبىرلى ساياسي تۇرعىعا تاباندى بولۋ، جاعداي قانشالىقتى كۇردەلىلەسسە دە، مىندەت قانشالىقتى جاپالى بولسا دا مەملەكەت پەن ۇلتتىڭ تاعدىرىن حالىقتىڭ قولىندا بۇلجىتپاي مىقتى يگەرە الاتىنىمىزعا، دەموكراتيالىق زاڭمەن جونگە سالۋدىڭ تىڭ ىلگەرىلەۋشىلىكتەرى ارقىلى رەفورمانىڭ، دامۋدىڭ تىڭ تابىستارىنا قول جەتكىزە الاتىنىمىزعا سەنەمىز.

    بيىلعى جىل «13 - بەسجىلدىق» جوبانى اتقارۋداعى ماڭىزدى ءبىر جىل، سونداي - اق وسى كەزەكتى مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ مىندەت وتەۋ مەرزىمىنىڭ ەڭ سوڭعى جىلى، كوپتەگەن ماسەلەلەرگە ىشكەرىلەي زەرتتەۋ جۇرگىزۋ، يكەمدىلىكپەن توتەپ بەرۋ، بىلەك بىرىكتىرىپ قامال الۋ كەرەك. بورىشتى ارقالاۋ، ناقتى ىستەۋ ارقىلى شۇعىلالى ناتيجە جاراتۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم ىنتىماقتاسا توپتاسىپ، ءبىر نيەتپەن سايكەسىپ، قايراتتانا ءىس تىندىرىپ، ءورىس اشا العا ىلگەرىلەپ، قامال الىپ، قيىنشىلىقتاردى جەڭىپ، پارتيا 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الىپ، «قوس 100 جىلدىق» كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسايىق.

جاۋاپتى رەداكتور:سايراش تۇرارجان قىزى