مەملەكەتتىك ساياسي كەڭەستىڭ شينجياڭداعى مۇشەلەرى ۇرىمجىگە قايتىپ كەلدى

    ساياسي كەڭەس مەملەكەتتىك 12 - كەزەكتى كوميتەتىنىڭ 5 - ماجىلىسىنە قاتىناسقان مەملەكەتتىك ساياسي كەڭەستىڭ شينجياڭداعى مۇشەلەرى ءماجىلىستىڭ كەڭەستىك تارىپتەرىن تابىسپەن ورىنداعان سوڭ، 14 - ناۋرىزدا ۇشاقپەن ۇرىمجىگە قايتىپ كەلدى.

    ۇعىسۋىمىزشا، ساياسي كەڭەس مەملەكەتتىك 12 - كەزەكتى كوميتەتىنىڭ 5 - ءماجىلىسى كەزىندە، مەملەكەتتىك ساياسي كەڭەستىڭ شينجياڭداعى ۋاكىلدەرى بورىشتارىن مۇقيات اتقارىپ، بەلسەندى تۇردە ۇسىنىستار قويىپ، اقىل - كەڭەستەر بەرىپ، حالىق بۇقاراسى نازار اۋدارىپ وتىرعان قولامتالى ماسەلەلەر توڭىرەگىندە، «ءبىر بەلدەۋ، ءبىر جول» قۇرىلىسىن تىڭعىلىقتى ىلگەرىلەتۋ، ءبىرىنشى شەپتەگى شەكارالىق تۇرعىنداردى سۇيەمەلدەۋ سەرپىنىن ارتتىرۋ، «وڭتۇستىك شينجياڭدا كەدەيلەردى سۇيەمەلدەۋ ارناۋلى قورىن» تاعايىنداۋ سياقتى مازمۇنداردا ماجىلىسكە 170 ۇسىنىس جوبا تاپسىرعان.

    مۇشە ەرزات زادا ۇلى اۋەجايدا تىلشىگە بىلاي دەدى: بيىل باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنا قاتىناسقان شينجياڭ ۋاكىلدەر ۇيىرمەسىنىڭ تالقىسىنا قاتىناستى، بۇل باس شۋجي شي جينپيڭنىڭ شينجياڭ قىزمەتىنە ايرىقشا ءمان بەرەتىندىگىن جانە بۇكىل رايونىمىزداعى ءار ۇلت حالقىنا دەگەن شىنايى قامقورلىعىن تولىق ايگىلەدى. مەملەكەتتىك ساياسي كەڭەستىڭ شينجياڭدا تۇراتىن مۇشەلەرى بىزدەر توتەنشە قۋاندىق، ەرەكشە شابىت الدىق. باس شۋجي شي جينپيڭنىڭ ماڭىزدى ءسوزى ءبىزدىڭ كوركەم شينجياڭ قۇرۋىمىزعا تاعى دا باعىت - باعدار كورسەتتى. بۇدان كەيىنگى قىزمەتتە ءبىز باس شۋجيدىڭ تاپسىرماسىن ەستە بەرىك ساقتاپ، شينجياڭدى ءتىپتى كوركەم ەتىپ قۇرىپ شىعامىز.

    مۇشەلەر بىلاي دەستى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ەكى ءماجىلىستىڭ رۋحىن مۇقيات ۇعىنىپ، جاڭا جىلداعى بورىش وتەۋ قىزمەتىنە اناعۇرلىم تاسقىنداعان ىنتامەن كىرىسەمىز. وسكەلەڭ ساياسي جاۋاپكەرشىلىك سەزىممەن ۇكىمەت ىسىنە بەلسەنە ارالاسىپ، ۇكىمەت ءىسىن كەڭەسىپ، اقىل - كەڭەستەر بەرىپ، شينجياڭنىڭ ۇلتتار ىنتىماعى مەن قوعام ورنىقتىلىعىن ىلگەرىلەتۋگە كۇش قوسىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىز.

    اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى شۇي حايرۇڭ، اۆتونوميالى رايوندىق ساياسي كەڭەستىڭ ورىنباسار ءتوراعالارى ريزۋان ابەي، لي شياڭلين اۋەجايعا بارىپ قارسى الدى.

جاۋاپتى رەداكتور:سايراش تۇرارجان قىزى