اۆتونوميالى رايوندىق حالىق قۇرىلتايى ۋاكىلدەر ۇيىرمەلەرى 3 باياندامانى قارادى

    اۆتونوميالى رايوندىق 21 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان ۋاكىلدەر ۇيىرمەلەرى 11 - قاڭتار كۇنى تۇستەن كەيىن جەكە - جەكە جالپى جيىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن جانە اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن قارادى. ۋاكىلدەر حالىق قۇرىلتايى تۇراقتى كوميتەتىنىڭ قىزمەت بايانداماسى، حالىق سوتى مەكەمەسىنىڭ قىزمەت بايانداماسى مەن حالىق پروكۋراتۋراسىنىڭ قىزمەت بايانداماسى وبيەكتيۆ، شىنايى، جارقىن تۇيىندەر كورنەكتىلەنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرى مەن ورنالاستىرۋىن تولىق دايەكتىلەندىرگەن، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭدى زاڭ بويىنشا جونگە سالۋ، شينجياڭدى ىنتىماقتاسا ورنىقتىرۋ، شينجياڭدى باياندى كوركەيتۋ جالپى جوباسىن دايەكتى تياناقتاندىرۋدى كۇش سالا ىلگەرىلەتكەن، نىساناسى ايقىن، شاراسى پارمەندى، حالىقتىڭ تىلەگىنە سايكەسكەن دەپ قاراپ، وسى ءۇش باياندامانى ءبىر اۋىزدان قۇپتادى.

    ۋاكىل گۇلشات ءشىرالي بىلاي دەدى: بىلتىردان بەرى، اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق پارتكومنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ، زاڭ شىعارۋدى، باقىلاۋدى كۇشەيتۋ، ۋاكىلدەردىڭ رولىن ساۋلەلەندىرۋ جاقتارىندا قىرۋار قىزمەتتەر ىستەپ، پارتيانىڭ باسشىلىعىن، حالىقتىڭ ءوز - وزىنە قوجا بولۋىن، مەملەكەتتى زاڭ بويىنشا جونگە سالۋدى ويداعىداي ورگانيكالى ۇشتاستىردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ شىعارىلعان زاڭ، بەلگىلەمە، ەرەجە سياقتىلاردى تەكسەرۋ، باقىلاۋ سەرپىنىن ارتتىرىپ، زاڭداردىڭ، بەلگىلەمەلەردىڭ، ەرەجەلەردىڭ ناقتى تياناقتانۋىن جەبەۋىن؛ تۇراقتى كوميتەت قۇرامىنداعىلاردىڭ ۋاكىلدەرمەن بايلانىس جاساۋ ءتۇزىمىن اناعۇرلىم تەرەڭدەتىپ، ۋاكىلدەردىڭ تۇراقتى كوميتەتتىڭ قىزمەتىنە قاتىناسۋ اياسىن كەڭەيتۋىن، ىشكەرىلەتۋىن؛ ۇكىمەتكە تاپسىرعان كەڭەستىك جوبالاردىڭ تياناقتانۋ جاعدايىن باقىلاۋدى، ءونىمىن قۋزاۋدى كۇشەيتۋىن ۇسىنىس ەتەمىن.

    ۋاكىل گۇلزار ابدىراحمان بىلاي دەدى: حالىق قۇرىلتايى تۇراقتى كوميتەتىنىڭ قىزمەت بايانداماسى شىندىقتى ءىس جۇزىنەن ىزدەي وتىرىپ، ءتۇيىندى كورنەكتىلەندىرىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ مىندەتىن اتقارىپ، بورىشىن ادا ەتۋ، قىزمەتتەردى زاڭمەن جونگە سالۋ اياق الىسىن ىلگەرىلەتۋ جاقتارىنداعى كەلەلى ناتيجەلەرىن بەينەلەدى. مۇنان بىلاي قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ، ءىشىنارا ءتۇيىندى سالالاردا، ماڭىزدى قىزمەتتەردە زاڭ شىعارۋ قىزمەتىن كۇشەيتۋى؛ ورنىقتىلىقتى قورعاۋ قىزمەتى، ەكونوميكانىڭ اينالىم جاعدايى، حالىق تۇرمىسى قىزمەتى، قورشاعان ورتانى قورعاۋ سياقتى ءتۇيىندى سالالارداعى باقىلاۋدى كۇشەيتۋى كەرەك.

    ۋاكىل ازەز مۋسا بىلاي دەدى: حالىق سوتى مەكەمەسى مەن حالىق پروكۋراتۋراسى قىزمەت باياندامالارىنىڭ ءتۇيىنى كورنەكتىلەنگەن، ءتىلى ىقشام، مازمۇنى شىنايى، 2016 - جىلعى قىزمەتتەردى وبيەكتيۆ تۇردە شىندىققا جۇگىنە وتىرىپ قورىتىندىلاپ، حالىق سوتى مەكەمەسى مەن حالىق پروكۋراتۋراسىنىڭ ۇلتتار ىنتىماعىن قورعاۋ، قوعامدىق ادىلدىك پەن تۋراشىلدىقتى جەبەۋ، حالىق تۇرمىسىن جاقسارتۋ، ءادىليانىڭ ادىلدىگىن كۇشەيتۋ، جەمقورلىققا قارسى تۇرىپ، پاكتىكتى دارىپتەۋ جاقتارىنداعى بەلسەندى رولىن تولىق ايگىلەگەن. زاڭمەن جونگە سالۋ ۇگىت سەرپىنىن اناعۇرلىم كۇشەيتىپ، بۇقارانىڭ زاڭدىق تانىمىن جوعارىلاتىپ، بۇقارانىڭ زاڭ ارقىلى ءوزىنىڭ زاڭدى ۇقىق - مۇددەسىن قورعاۋدى ۇيرەنۋىنە مۇمكىندىك جاساۋدى ۇسىنىس ەتەمىن.

    ۋاكىل ما جۇن بىلاي دەدى: اۆتونوميالى رايوندىق جوعارى حالىق سوتى مەكەمەسى مەن اۆتونوميالى رايوندىق حالىق پروكۋراتۋراسى 2016 - جىلى قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، نەگىزگى زاڭ مەن زاڭداردا بەرىلگەن مىندەت جاۋاپكەرشىلىگىن ادالدىقپەن اتقارىپ، ورنىقتىلىققا، ەكونوميكانىڭ ارتۋىنا، حالىق تۇرمىسىنا كەپىلدىك ەتۋگە زور ۇلەس قوستى. بيىل − پارتيا 19 - قۇرىلتايى اشىلاتىن جىل، جاڭا دامۋ يدەياسىن دايەكتىلەندىرەتىن، قامداۋ جاعىنداعى قۇرىلىمدىق رەفورمانى تەرەڭدەتەتىن جىل ءارى «13 - بەسجىلدىق» جوبانى ىشكەرىلەي اتقاراتىن، ج ك پ اۆتونوميالى رايوندىق 9 - قۇرىلتايىنىڭ رۋحىن دايەكتى تياناقتاندىراتىن، كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزەتىن، جاپپاي دوڭگەلەك داۋلەتتى قوعام قۇرۋدى ىلگەرىلەتەتىن ماڭىزدى ءبىر جىل. اۆتونوميالى رايوندىق جوعارى حالىق سوتى مەكەمەسى مەن اۆتونوميالى رايوندىق حالىق پروكۋراتۋراسى باس نىسانانى ۇزبەي ارقاۋ ەتىپ، شەشىمدەردى، ورنالاستىرۋلاردى باتىل تياناقتاندىرىپ، باس نىسانانى جۇزەگە اسىرۋدى پارمەندى قامتاماسىز ەتۋى كەرەك.

جاۋاپتى رەداكتور:سايراش تۇرارجان قىزى