اۆتونوميالى رايوندىق 12 - كەزەكتى حالىق قۇرىلتايىنىڭ 5 - ءماجىلىسى ەكىنشى جالپى جيىنىن وتكىزدى

    چىن چۋانگو، شوكىرات زاكىر، نايىم ياسىن، نۇرلان ءابىلماجىن ۇلى، اسحات كەرىمباي ۇلى، سۇن جينلۇڭ، لي پىڭشين قاتىناستى

    اۆتونوميالى رايوندىق 12 - كەزەكتى حالىق قۇرىلتايىنىڭ 5 - ءماجىلىسى 11 - قاڭتار كۇنى تۇستەن بۇرىن ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن جانە اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن تىڭدادى.

    چىن چۋانگو، شوكىرات زاكىر، نايىم ياسىن، نۇرلان ءابىلماجىن ۇلى، اسحات كەرىمباي ۇلى، سۇن جينلۇڭ، لي پىڭشين، پىڭ يۇڭ، لي ۋي، شۇي حايرۇڭ، ما شۋەجۇن، پىڭ جيارۇي، تيان ۋىن، ليۋ شينچي جيىنعا قاتىناستى.

    اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن جالپى جيىنعا قىزمەتتەن بايانداما جاسادى. ول بىلاي دەدى: وتكەن ءبىر جىلدا، اۆتونوميالى رايوندىق حالىق قۇرىلتايىنىڭ تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىم - ورنالاستىرۋىن باتىل دايەكتىلەندىرىپ، پارتيا باسشىلىعىنىڭ، حالىقتىڭ قوجا بولۋىنىڭ جانە مەملەكەتتى زاڭمەن باسقارۋدىڭ جاندى بىرلىگىنە تاباندى بولىپ، اۆتونوميالى رايوندىق پارتكومنىڭ پارمەندى باسشىلىعىندا، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، قاشاندا وزەكتى ارقاۋ ەتىپ، جالپى جاعدايعا قىزمەت ەتىپ، جۇرەكتىلىكپەن جاۋاپكەرشىلىك ارقالاپ، شىندىققا جۇگىنىپ، ناقتى ىستەر ىستەپ، نەگىزگى زاڭ مەن زاڭدار بەرگەن ءتۇرلى قىزمەت ۇقىعىن زاڭ بويىنشا اتقارىپ، شينجياڭدى زاڭ بويىنشا جونگە سالۋ، شينجياڭدى ىنتىماقتاستىرا ورنىقتىرۋ، شينجياڭدى باياندى كوركەيتۋدى ىلگەرىلەتىپ، ورتالىق كوميتەت پەن اۆتونوميالى رايوندىق پارتكوم ورنالاستىرعان ءتۇرلى قىزمەتتى جاپپاي ورىندادى، زاڭ شىعارۋ ساپاسى جاڭا بيىككە كوتەرىلدى، باقىلاۋدىڭ ونىمدىلىگى جاڭا بەلەسكە جوعارىلادى، ۋاكىلدەردىڭ رولىن ساۋلەلەندىرۋگە بايلانىستى جاڭا شارالار جولعا قويىلدى، قىزمەت ۇقىعىن زاڭ بويىنشا اتقارۋ قابىلەتى مەن دەڭگەيى جوعارىلاپ، جىلدىق قىزمەت مىندەتتەرى تابىسپەن ورىندالدى. ءبىر جىلدان بەرى اۆتونوميالى رايوندىق پارتكومنىڭ ورنالاستىرۋى بويىنشا، اۆتونوميالى رايوندىق حالىق قۇرىلتايى ىلگەرىندى - كەيىن «اۆتونوميالى رايوننىڭ لاڭكەستىككە قارسى تۇرۋ زاڭىن اتقارۋ ءادىسىن»، «تەلەفون جانە ينتەرنەت تۇتىنۋشىلارىنىڭ شىن اتى - ءجون ينفورماتسياسىمەن تىركەلۋىن باسقارۋ ەرەجەسىن»، «ينتەرنەتتە جالعان ينفورماتسيا تاراتۋدان ساقتانۋ جانە ونى جازالاۋ ءادىسىن» شىعاردى، «اۆتونوميالى رايوننىڭ شەكارا باسقارۋ ەرەجەسىنە» وزگەرىس ەنگىزدى؛ 91 زاڭ - ەرەجە مەن زاڭنامالىق قاراردى، قاۋلىنى قاراپ ماقۇلداپ، وبلىس، قالالار بەكىتۋگە ۇسىنعان 21 زاڭ - ەرەجەنى قاراپ بەكىتتى؛ ۇكىمەتتىڭ جانە سوت مەكەمەسى مەن پروكۋراتۋرانىڭ 13 ارناۋلى قىزمەت بايانداماسىن تىڭدادى جانە قارادى، 7 زاڭ - ەرەجەنىڭ اتقارىلۋ احۋالىنا تەكسەرۋ جۇرگىزىپ، 6 رەت تەكسەرۋ، تەكسەرۋ - زەرتتەۋ ورىستەتتى؛ حالىق قۇرىلتايى ۋاكىلدەرىن تۇراقتى كوميتەت ۇيىمداستىرعان زاڭ شىعارۋ بويىنشا تەكسەرۋ، زاڭنىڭ اتقارىلۋىن تەكسەرۋ، تەكسەرۋ - زەرتتەۋ، تۇراقتى كوميتەت جيىندارىنا سىرتتاي قاتىناسۋ، سوت تەرگەۋىن سىرتتاي تىڭداۋ سياقتى قيمىلدارعا قاتىناسۋعا شاقىردى، ۋاكىلدەردى 260 ادام - رەت ايماق، وبلىس، قالالاردا قىزمەت تەكسەرۋگە ۇيىمداستىردى، حالىق قۇرىلتايىنىڭ 50 ۋاكىلىن تۇراقتى كوميتەت جيىنىنا سىرتتاي قاتىناسۋعا شاقىردى؛ اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى كەزىندە ۋاكىلدەر ۇسىنعان ءارى جالپى ءماجىلىس ءتوراعالار القاسى تۇراقتاندىرعان 10 ۇسىنىس جوبا، 789 ۇسىنىس، سىن جانە پىكىر تولىعىمەن ورىندالدى.

    نايىم ياسىن بىلاي دەدى: بيىل − قوعام ورنىقتىلىعى مەن باياندى تىنىشتىققا بەرىك نەگىز قالاپ، كەدەيلىكتەن قۇتىلدىرۋدان قامال الۋ مەن جاپپاي دوڭگەلەك داۋلەتتى قوعام قۇرۋدا جەڭىسكە جەتەتىن شەشۋشى جىل. اۆتونوميالى رايوندىق حالىق قۇرىلتايى تۇراقتى كوميتەتى ورتالىق كوميتەتتىڭ شەشىم - ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن مۇقيات تياناقتاندىرىپ، باس نىسانانى تىعىز ارقاۋ ەتىپ، حالىق قۇرىلتايىنىڭ ءتۇرلى قىزمەتىن ءبىر تۇتاس ورنالاستىرىپ، قوعام ورنىقتىلىعى مەن باياندى تىنىشتىق باس نىساناسىن زاڭ شىعارۋ قىزمەتىنىڭ تۇتاس بارىسىمەن، باقىلاۋ قىزمەتىنىڭ ءتۇرلى سالاسىمەن، ءار دارەجەلى حالىق قۇرىلتايى ۋاكىلدەرىنىڭ رولىن ساۋلەلەندىرۋمەن، شينجياڭدى زاڭمەن جونگە سالۋ قۇرىلىسىن ىلگەرىلەتۋمەن جانە زاڭمەن جونگە سالۋ ۇگىت - تاربيەسى جونىندەگى ورنالاستىرۋمەن، ءوز قۇرىلىسى جونىندەگى ءتۇرلى تالاپپەن ساباقتاستىرىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك تابىستارمەن قارسى الادى.

    اۆتونوميالى رايوندىق جوعارى حالىق سوتى مەكەمەسىنىڭ باستىعى ءمۇتالىپ وبۇل قىزمەتتەن بايانداما جاساعاندا بىلاي دەدى: ءبىر جىلدان بەرى اۆتونوميالى رايونداعى سوت مەكەمەلەرى اۆتونوميالى رايوندىق پارتكومنىڭ پارمەندى باسشىلىعىمەن، حالىق قۇرىلتايى تۇراقتى كوميتەتىنىڭ زاڭ بويىنشا باقىلاۋىمەن جانە ەڭ جوعارى حالىق سوتى مەكەمەسىنىڭ دۇرىس باسشىلىعىمەن، ۇكىمەتتىڭ، ساياسي كەڭەستىڭ پارمەندى قولداۋىمەن قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۆتونوميالى رايوندىق 12 - كەزەكتى حالىق قۇرىلتايى 4 - ءماجىلىسىنىڭ قارارىن مۇقيات دايەكتىلەندىرىپ جانە تياناقتاندىرىپ، نەگىزگى زاڭ جانە زاڭدار بەرگەن قىزمەت جاۋاپكەرشىلىگىن ادالدىقپەن اتقارىپ، ءتۇرلى قىزمەتتە تىڭ ىلگەرىلەۋشىلىكتەرگە جەتتى. اۆتونوميالى رايونداعى سوت مەكەمەلەرى جالپى 522 مىڭ 170 دەلونى قابىلدادى، بۇل سايكەس مەزگىلدەگىدەن %20.1 جوعارى؛ 457 مىڭ 560 دەلونى اياقتاتتى، بۇل سايكەس مەزگىلدەگىدەن %18.6 جوعارى؛ بۇنىڭ ىشىندە جوعارى حالىق سوتى مەكەمەسى 6798 دەلونى قابىلداپ، 6193 دەلونى قاراپ اياقتاتتى. بيىل اۆتونوميالى رايونداعى ءار دارەجەلى حالىق سوتى مەكەمەلەرى پارتيا باسشىلىعىنا بۇلجىماستان تاباندى بولىپ، قاي - قاشان دا قاتاڭ سوققى بەرۋدىڭ تەگەۋرىندى، ايبارلى كۇيىنەن مىزعىماي، ۇلتتار ىنتىماعىن زاڭ بويىنشا قامتاماسىز ەتىپ، ەكونوميكا مەن قوعامنىڭ ءۇرتىس، اقاۋسىز دامۋىنا ءادىليالىق كەپىلدىك ازىرلەۋگە قۇلشىنىپ، ءادىليانى حالىق ءۇشىن جۇرگىزۋگە، حالىق تۇرمىسىن قامتاماسىز ەتۋگە تاباندى بولىپ، ەكولوگيالىق ورتانىڭ حاۋىپسىزدىگىن باتىل قورعاپ، ءادىليا رەفورماسىن بەلسەندى، بايىپتى تۇردە تەرەڭدەتىپ، ادال، تازا، جاۋاپكەرشىل حالىق سوتى مەكەمەسى قوسىنىن قۇلشىنا قۇرىپ، باقىلاۋدى سانالى تۇردە قابىلداپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا جاڭا، ءتىپتى زور ۇلەس قوسادى.

    اۆتونوميالى رايوندىق حالىق پروكۋراتۋراسىنىڭ باستىعى نيشان يبىرايىم قىزمەتتەن بايانداما جاساعاندا بىلاي دەدى: 2016 - جىلى اۆتونوميالى رايوندىق پارتكوم مەن ەڭ جوعارى حالىق پروكۋراتۋراسىنىڭ باتىل باسشىلىعىندا، اۆتونوميالى رايوندىق حالىق قۇرىلتايىنىڭ جانە ونىڭ تۇراقتى كوميتەتىنىڭ پارمەندى باقىلاۋىندا، اۆتونوميالى رايونداعى پروكۋراتۋرا ورگاندارى قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، زاڭدىق باقىلاۋ جاۋاپكەرشىلىگىن ادالدىقپەن اتقارىپ، ءتۇرلى پروكۋرورلىق قىزمەتتە تىڭ ىلگەرىلەۋشىلىكتەرگە جەتتى. ءتۇرلى قىلمىستىق ىستەر كۇدىكتىلەرىنەن 27 مىڭ 404 ادامدى قولعا الۋدى بەكىتىپ، 41 مىڭ 305 ادامنىڭ ۇستىنەن ايىپتاۋ جۇرگىزدى؛ قيانات جاساۋ، پارا الۋ، جاۋاپكەرسىزدىك ىستەۋ، ۇقىققا قول سۇعۋ سياقتى 518 مىندەتتىك قىلمىس دەلوسى بويىنشا 889 ادامدى تەكسەردى؛ قىلمىستىق ىستەر، ازاماتتىق ىستەر بويىنشا اكىمشىلىك نارازىلىق دەلوسىنان 107 سىن ءبىتىردى؛ ارىز - شاعىم ارەكەتىندەگى زاڭعا قايشى جاعدايلار بويىنشا 469 مارتە باقىلاۋ جۇرگىزىپ، تۇزەتۋ جاسادى؛ قىلمىستىق جازانى اتقارۋ جانە باقىلاۋ - باسقارۋ ارەكەتتەرىندەگى زاڭعا قايشى جاعدايلار بويىنشا 524 مارتە باقىلاۋ جۇرگىزىپ، تۇزەتۋ جاسادى؛ 4135 ارىز - ارماندى قابىلداپ، ءبىر جاقتى ەتتى. 2017 - جىلى اۆتونوميالى رايونداعى پروكۋراتۋرا ورگاندارى باس نىسانانى ارقاۋ ەتە قىزمەت جاۋاپكەرشىلىگىن تولىق وتەۋگە كۇش سالىپ، لاڭكەستىككە قارسى تۇرىپ، ورنىقتىلىقتى قورعاۋداعى نەگىزگى كۇش رولىن بارىنشا ساۋلەلەندىرىپ، ءادىليالىق قىزمەت كورسەتۋ قامتاماسىزداندىرۋ دەڭگەيىن بارىنشا جوعارىلاتىپ، مىندەتتىك قىلمىستاردى جازالاۋ، ونان ساقتانۋعا كۇش سالىپ، ارىز - شاعىم باقىلاۋ تەبىنىن كۇش سالا ارتتىرىپ، ءادىليا ءتۇزىلىسى رەفورماسى مەن پروكۋراتۋرا رەفورماسىن كۇش سالا ىلگەرىلەتىپ، ءوز قۇرىلىسىن كۇش سالا يگەرىپ، باقىلاۋدى قابىلداۋ قىزمەتىن كۇش سالا جاقسى ىستەپ، قوعام ورنىقتىلىعى مەن باياندى تىنىشتىققا تىڭ كۇش قوسۋعا قۇلشىنادى.

    جيىندا اۆتونوميالى رايوندىق 12 - كەزەكتى حالىق قۇرىلتايى 5 - ءماجىلىسىنىڭ سايلاۋ ءادىسى قارالىپ، ماقۇلداندى.

    جالپى جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ۋاڭ يۇڭميڭ باسقاردى. ءماجىلىستىڭ اتقارۋشى ءتوراعالارى ما ميڭچىڭ، ورگۇل جاپپار، دۇڭ شينگۋاڭ، نيجات سۇلتان، مانەن زەينەل ۇلى، بورا، ابدۇقيىم مامەت، پارحات يبىرايىم، سالتانات قينايات قىزى، تۇرعۇن ابدىرەيىم، ۋاڭ شينشىڭ، كاڭ ۋىنحۋا ءتوراعالار القاسىنىڭ الدىڭعى قاتارىنان ورىن الدى.

جاۋاپتى رەداكتور:سايراش تۇرارجان قىزى