اۆتونوميالى رايوندىق 12 - كەزەكتى حالىق قۇرىلتايى 5 - ءماجىلىسىنىڭ ءتوراعالار القاسى 3 - جيىنىن وتكىزدى

تىلشىلەرىمىز ياۋ تۇڭ، لي ياڭ 11 - قاڭتاردا ۇرىمجىدەن حابارلايدى. اۆتونوميالى رايوندىق 21 - كەزەكتى حالىق قۇرىلتايى 5 - ءماجىلىسىنىڭ ءتوراعالار القاسى 11 - قاڭتار تۇستەن كەيىن 3 - جيىنىن وتكىزدى.

جيىندى ءماجىلىس ءتوراعالار القاسىنىڭ تۇراقتى ءتوراعاسى نايىم ياسىن باسقاردى.

جيىندا ءماجىلىس حاتشىلار باسقارماسىنىڭ ۋاكىلدەردىڭ ۇكىمەت قىزمەتىنەن باياندامانى قاراۋ جاعدايى جونىندەگى مالىمەتى تىڭدالدى، ۋاكىلدەردىڭ قاراۋ پىكىرىنە ساي ۇكىمەت قىزمەتىنەن بايانداماعا ىشكەرىلەي وزگەرىس ەنگىزىلىپ، ۋاكىلدەرگە باسىپ تاراتىلادى؛ ۇكىمەت قىزمەتىنەن بايانداما جونىندەگى قاۋلى جوباسى داۋىسقا سالىپ ماقۇلدانىپ، ۋاكىلدەر ۇيىرمەلەرىنىڭ قاراۋىنا باسىپ تاراتىلدى.

جيىندا اۆتونوميالى رايوندىق 21 - كەزەكتى حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ اۆتونوميالى رايوننىڭ 6102 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 7102 - جىلعى حالىق شارۋاشىلىعى مەن قوعامدىق دامۋ جوسپار جوباسى، اۆتونوميالى رايوننىڭ 6102 - جىلعى مەجە ەسەبىنىڭ اتقارىلۋ جاعدايى جانە اۆتونوميالى رايوننىڭ 7102 - جىلعى مەجە ەسەپ جوباسىن قاراۋ ناتيجەسى جونىندەگى بايانداماسى تىڭدالدى جانە جوسپاردى، مەجە ەسەپتى قاراۋ جونىندەگى بايانداماسى ۋاكىلدەرگە باسىپ تاراتىلدى؛ جوسپار، مەجە ەسەپ جونىندەگى قاۋلى جوبالارى داۋىسقا سالىپ ماقۇلدانىپ، ۋاكىلدەر ۇيىرمەلەرىنىڭ قاراۋىنا باسىپ تاراتىلدى.

جيىندا اۆتونوميالى رايوندىق 21 - كەزەكتى حالىق قۇرىلتايى 5 - ءماجىلىسىنىڭ كادرلار، سايلاۋ، كانديداتتاردى كورسەتۋ ەسىمدىگى جونىندەگى تۇسىنىگى تىڭدالىپ، ءتوراعالار القاسى ۇسىنعان كانديداتتاردىڭ ەسىمدىگى داۋىسقا سالىپ ماقۇلداندى، كانديداتتاردىڭ ەسىمدىگى ۋاكىلدەر ۇيىرمەلەرىنىڭ اقىلداسۋىنا باسىپ تاراتىلدى؛ مىندەتىنەن بوساۋ ءوتىنىشىن قابىلداۋ جونىندەگى قارار جوباسى ماقۇلداندى، قارار جوباسى ۋاكىلدەر ۇيىرمەلەرىنىڭ قاراۋىنا باسىپ تاراتىلدى؛ ۋاكىلدەردىڭ كانديداتتاردى بىرلەسىپ كورسەتۋىنىڭ ۋاقىت شەگى جونىندەگى قارار داۋىسقا سالىپ ماقۇلدانىپ، ۋاكىلدەر ۇيىرمەلەرىنە باسىپ تاراتىلدى.

ءماجىلىس ءتوراعالار القاسىنىڭ تۇراقتى ءتوراعالارى چىن چۋانگو، ۋاڭ يۇڭميڭ، ما ميڭچىڭ، ورگۇل جاپپار، دۇڭ شينگۋاڭ، جاڭ بو، نيجات سۇلتان، مانەن زەينەل ۇلى، ءىنام ناسىردين، اسقار تۇرسۇن جيىنعا قاتىناستى.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى پىڭ جيارۇي، ءماجىلىستىڭ ورىنباسار باس حاتشىلارى، اۆتونوميالى رايوندىق 21 - كەزەكتى حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ ورىنباسار مەڭگەرۋشى مۇشەلەرى جانە اۆتونوميالى رايوندىق حالىق ۇكىمەتىنىڭ قاتىستى تاراۋلارىنىڭ جاۋاپتىلارى جيىنعا سىرتتاي قاتىناستى.

 

جاۋاپتى رەداكتور:سايراش تۇرارجان قىزى