ۋاكىلدەر ۇيىرمەلەرى گرۋپپالارعا ءبولىنىپ، 3 باياندامانى قارادى، تەكسەردى

    اۆتونوميالى رايوندىق 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان ۋاكىلدەر 10 - قاڭتاردا گرۋپپالارعا ءبولىنىپ، ۇكىمەت قىزمەتىنەن باياندامانى ۇزبەي قاراۋمەن بىرگە، 2017 - جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىنىڭ جوباسى جونىندەگى باياندامانى، اۆتونوميالى رايوننىڭ 2017 - جىلعى مەجە ەسەبىنىڭ جوباسى جونىندەگى باياندامانى تەكسەردى. قاراۋ، تەكسەرۋ بارىسىندا ۋاكىلدەر ۇكىمەت قىزمەتىنەن باياندامانى جانە جوسپار مەن مەجە ەسەپ بايانداماسىن قۇپتاپ، 3 بايانداما شىندىققا جۇگىنۋدى كورنەكتىلەندىرىپ، دامۋدى كوزدەپ، رەفورماعا كۇش سالىپ، قوعام اماندىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، شينجياڭ ەكونوميكاسىنىڭ دامۋ تالابى مەن حالىقتىڭ تىلەگىنە ەرەكشە ۇيلەسكەن دەستى.

    ۋاكىل جاڭ حۇڭ بىلاي دەدى: وڭتۇستىك شينجياڭدى دامىتۋ قىزمەتىن مىقتاپ يگەرۋدە، وڭتۇستىك شينجياڭدا ەرەكشە 100 شاعىن قالاشىق قۇرۋ تاماشا كىرىسۋ ءتۇيىنى بولماق. جوعارى باستامادا جوبالاپ، تابيعي فاكتورمەن، تاريحي فاكتورمەن، ءداۋىر فاكتورىمەن ۇشتاستىرىپ، بوگەنايى بولەك اۋىل - قالاشىق كەلبەتىن تۇلعالاۋدى؛ قۇرىلىس ساپاسىن ويداعىداي يگەرىپ، نەگىزدىك قۇرىلعىلار قۇرىلىسىن جاقسى ىستەۋدى؛ ساياحات، توقىما، كيىم - كەشەك، اۋىل شارۋاشىلىعى ونىمدەرىن وڭدەۋ سياقتى كاسىپتەردى دامىتىپ، كاسىپ سالاسىنىڭ دامۋى ارقىلى ەرەكشە شاعىن قالاشىقتىڭ دامۋىن جەبەۋدى ۇسىنىس ەتەمىن.

    ۋاكىل تولەۋحان قابىلاشىم قىزى بىلاي دەدى: ۇكىمەت قىزمەتىنەن باياندامادا بيىل اۆتونوميالى رايونىمىزدىڭ حالىققا تيىمدىلىك جاساۋ كەلەلى ينجەنەريالارىن ۇزبەي كۇش سالا مىقتى يگەرىپ، كاسىپتەندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، بەيقۇت ءۇي قۇرىلىسى، جۇرت كوڭىلىنەن شىعۋ، شەكارانى گۇلدەندىرۋ، حاۋىپسىزدىك سياقتى حالىققا تيىمدىلىك جاساۋدىڭ جەلىلەس ينجەنەريالارىن ۇزبەي اتقاراتىنى جۇرتتى جەلپىندىردى. «كۇرەس نىسانامىز ايقىندالدى، قاتىستى تاراۋلاردان حالىققا تيىمدىلىك جاساۋدىڭ وسى ءبىرقانشا ينجەنەريالارىن تياناقتاندىرىپ، بۇقارانى شىنايى يگىلىككە كەنەلدىرۋدى ءۇمىت ەتەمىن».

    ۋاكىل سالتانات قينايات قىزى بىلاي دەدى: ۇكىمەت قىزمەتىنەن باياندامانىڭ ءتىلى ىقشام، جازۋ ستيلى قاراپايىم، مازمۇنى جاعىنان شىندىقتى ءىس جۇزىنەن ىزدەي وتىرىپ، ءتۇيىندى كورنەكتىلەندىرىپ، جالپى جاعدايدى مەڭگەرگەن. بۇقارانىڭ ەڭ كوكەي تەستى، توتەنشە ارمانداعان، ايرىقشا كوكسەگەن ىستەرى توڭىرەگىندە حالىق تۇرمىسىن قامتاماسىز ەتۋگە قارجى قوسۋ سەرپىنىن ۇزبەي ارتتىرىپ، بۇقارانىڭ مۇددەسىمەن تىعىز قاتىستى ناقتى ىستەردى، جاقسى ىستەردى، قيىن ىستەردى ويداعىداي ءبىتىرۋدى ۇسىنىس ەتەمىن.

    «حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز». ۋاكىل لي ي بىلاي دەدى: ۇكىمەت قىزمەتىنەن بايانداماداعى وسى ءسوز ءبىزدى توتەنشە جەلپىندىرىپ، شينجياڭنىڭ تاماشا بولاشاعىن كوز الدىمىزعا ەلەستەتتى. بايانداما «بەس ۇلكەن دامۋ يدەياسى» مەن «ءتورتتى جاپپاي ورىنداۋ» ستراتەگيالىق ورنالاستىرۋىن باستان - اياق توعىستىرىپ، شينجياڭ رۋحى مەن شينجياڭنىڭ ءىس جۇزىندىك جاعدايىن تولىق ايگىلەگەن بايانداما بولدى، اسىرەسە، اۆتونوميالى رايوننىڭ قازىنا تاپشى جاعدايدا وڭتۇستىك شينجياڭنىڭ اۋىل - قىستاقتارىندا مەكتەپكە دەيىنگى «قوس ءتىل» وقىتۋىن اقىسىز جۇرگىزۋ جانە جالپى حالىقتىڭ دەنساۋلىعىن اقىسىز تەكسەرۋ سياقتى قىزمەتتەردى ورىستەتۋى ءار ۇلت بۇقاراسىنىڭ شىن نيەتىمەن قولداۋىنا يە بولدى.

    «باياندامادا وڭتۇستىك شينجياڭنىڭ دامۋىن كورنەكتى تۇردە مىقتى ۇستاۋ ارناۋلى العا قويىلدى، بۇدان زور ءۇمىت كۇتەمىز». ۋاكىل ريزۋانگۇل ابدىرەيىم بىلاي دەدى: جالپى حالىقتىڭ دەنساۋلىعىن اقىسىز تەكسەرۋ، 15 جىل تەگىن وقىتۋدى نەگىزىنەن ىسكە اسىرۋ... وتكەن جىلى اتقارعان حالىققا تيىمدىلىك جاساۋ، جۇرت كوڭىلىنەن شىعۋ شاراسى وڭتۇستىك شينجياڭداعى ءار ۇلت بۇقاراسىن شىنايى يگىلىككە كەنەلدىرىپ، پارتيا مەن ۇكىمەتتىڭ مەيىرىن سەزىندىردى. جالپى حالىقتىڭ سالاماتتىعىن ىسكە اسىرعاندا عانا، جالپى حالىق دوڭگەلەك داۋلەتتى ورەگە جەتە الادى. بيىل ءبىز جالپى حالىقتىڭ دەنساۋلىعىن تەكسەرۋ قىزمەتىن ۇزبەي ىستەپ، ءار ۇلت بۇقاراسىنىڭ سالاماتتىعىنا قىزمەت كورسەتىپ، باس نىسانانى ىسكە اسىرۋعا كۇش قوسامىز.

    ۋاكىل حۋاڭ جينجۇڭ بىلاي دەدى: بايانداما العا باسۋ باعىتىمىز بەن كۇش سالۋ نىسانامىزدى ايقىنداپ بەردى، ءبىز جاڭالىق اشۋدى تەرەڭدەتۋدى، ءتۇزىلىس مەحانيزمىن كەمەلدەندىرۋدى تياناق ەتىپ، بيڭتۋاننىڭ دامۋ ومىرشەڭدىگىن ۇزبەي تۋىنداتىپ، ورنىقتىلىقتى ساقتاۋ، شەكارانى قورعاۋ قابىلەتىن جوعارىلاتىپ، بيڭتۋان مەن جەرگىلىكتى ورىننىڭ توعىسا دامۋىن ۇزبەي ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ بارىسىندا ءتىپتى دە اۋىر جاۋاپكەرلىك ارقالاپ، ءتىپتى دە زور رول اتقارۋىمىز كەرەك.

    ۋاكىل ليۋ يۇيچىڭ بىلاي دەدى: ورنالاستىرۋدىڭ تەتىگى تياناقتاندىرۋدا، جاقسى جوبانى ىسكە اسىرۋدا تياناقتاندىرۋدى كۇش سالا يگەرۋ كەرەك. حالىق قۇرىلتايىنىڭ ۋاكىلى رەتىندە مەن باياندامانى ۇيرەنىپ، ءتۇسىنىپ، ۇگىتتەپ، ءوز قىزمەتىمدى ىجداعاتتىلىقپەن ىستەپ، قىزمەتتەرگە كوتەرىڭكى كۇيمەن كىرىسىپ، بايانداماداعى ورنالاستىرۋدى شىنايى تياناقتاندىرامىن.

جاۋاپتى رەداكتور:سايراش تۇرارجان قىزى