ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 5 - ءماجىلىسى ەكىنشى، ءۇشىنشى جالپى جيىنىن وتكىزدى

    چىن چۋانگو، شوكىرات زاكىر مۇشەلەردىڭ لەبىزىن تىڭدادى

    ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 5 - ءماجىلىسى 10 - قاڭتار تۇستەن بۇرىن جانە تۇستەن كەيىن ەكىنشى، ءۇشىنشى جالپى جيىنىن وتكىزدى، 20 ساياسي كەڭەس مۇشەسى لەبىز ءبىلدىردى.

    اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر تۇستەن بۇرىنعى جانە تۇستەن كەيىنگى ماجىلىسكە جەكە - جەكە قاتىناسىپ، ساياسي كەڭەس مۇشەلەرىنىڭ لەبىزىن تىڭدادى.

    جيىندى اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى باسقاردى. اۆتونوميالى رايون باسشىلارىنان سۇن جينلۇڭ، لي پىڭشين، شاۋكەت يمىن، شۇي حايرۇڭ، ما شۋەجۇن، پىڭ جيارۇي، تيان ۋىن، ءمۇتالىپ قاسىم، جاروللا يسامدىن، ماعاۋ سەيىتقامزا ۇلى جيىنعا بىرگە قاتىناسىپ، مۇشەلەردىڭ لەبىزىن تىڭدادى.

    اۆتونوميالى رايوندىق ساياسي كەڭەستىڭ ورىنباسار ءتوراعالارى باي جىجيە، ليۋ يانلياڭ، رىزۋان ابەي، لي شياڭلين، ءجۇرات يمىن، ليۋ جىيۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ءابدىقادىر، يۇي شيۋدۇڭ، ابدىليتىپ ابدىرەيىم جيىنعا قاتىناستى.

    جيىن جالپى 115 پارشا لەبىز تاپسىرىپ الدى. ۋي شينحۇي، ءپاريدا رەيىم، جيا ديانزىڭ، چىن جي، گۇلپاري ابدوللا، مۇحتارام شەرىپجان، جياڭ پيڭ - ان، نيۋ شياۋپيڭ، دوستان قۇرمانباي ۇلى، نيۋ رۋجي، زۇلپيا ءابدىقادىر جانە ءراشيدا ابىلا، چىن چي، ءابدىۋايىت ءسادۋاقاس، حۋ كايجياڭ، مىڭ چيڭساي، حو لانلان، گى يۇڭپين، جاڭ شاڭجيان، حوۋ حانمين قاتارلى 20 مۇشە قوعام ورنىقتىلىعى، ەكونوميكالىق دامۋ، ۇلتتار ىنتىماعى، ەمدەۋدە حالىققا تيىمدىلىك جاساۋ، «قوس ءتىل» تاربيەسى، كەدەيلەردى دالمە - ءدال سۇيەمەلدەۋ، ءدىن قىزمەتى، جالپىلىق مەنشىككە جاتپايتىن ەكونوميكانىڭ دامۋى سياقتى تاقىرىپتاردى ارقاۋ ەتە وتىرىپ لەبىز ءبىلدىردى.

    مۇشە ۋي شينحۇي بىلاي دەدى: بىرنەشە ايدان بەرى، بۇكىل رايونىمىزداعى كادرلار، جۇمىسشى - قىزمەتشىلەر جۇپ قۇراۋ، تۋىس بولۋ، دوستىق اۋىس - كۇيىس جاساسۋ قيمىلىن بەلسەنە ورىستەتىپ، تيانشان تاۋىنىڭ تۇستىگى مەن تەرىستىگىندە «ۇلتتار ىنتىماعىنىڭ بەرەكەلى شاڭىراعى» قيمىلىن دابىرالى ورىستەتتى. «جۇپ قۇراۋ، ۇنەمى امانداسىپ تۇرۋ، ءوزارا ۇيرەنۋ، كوپ قيمىل وتكىزۋ، شىنايى كومەكتەسۋ، سۇيەمەلدەۋ، شابىتتاندىرۋعا دەن قويۋ» سىندى 6 دانەكەردەن ءتۇيىندى تۇردە ويداعىداي پايدالانىپ، جەكەلەردىڭ تۋىس بولۋداعى تۇلعالىق رولىن، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ كۇندەلىكتى دانەكەرلىك رولىن، مەكەمە - ورىن مەن پارتيا ۇيىمىنىڭ قامتاماسىزداندىرۋ رولىن تىعىز ۇشتاستىرىپ، ۇلتتار ىنتىماعى تانىمىن قوعامداعى ءاربىر مۇشەنىڭ كوكەيىنە تەرەڭ ۇيالاتىپ، ۇلتتار ىنتىماعى گۇلىنىڭ تيانشان تاۋىنىڭ تۇستىگى مەن تەرىستىگىندە قۇلپىرا اشىلۋىنا مۇمكىندىك جاساۋدى ۇسىنىس ەتەمىن.

    مۇشە جيا ديانزىڭ بىلاي دەپ اتاپ كورسەتتى: اۆتونوميالى رايون بىلتىردان باستاپ قالا، اۋىل تۇرعىندارىنىڭ دەنساۋلىعىن ءار جىلى اقىسىز تەكسەرەتىن بولدى، بۇل «سالاماتتى شينجياڭ» ينجەنەرياسىن جاپپاي ىلگەرىلەتۋدەگى كەلەلى ستراتەگيالىق ورنالاستىرۋ، نەگىزدىك الەۋمەتتىك دەنساۋلىق ساقتاۋ قىزمەت وتەۋىن تەڭگەرۋدى جەبەۋدەگى ماڭىزدى قىزمەت مىندەتى. جەر - جەردىڭ، تاراۋلاردىڭ جوعارى - تومەن بىرگە ارەكەتتەنىپ، جىلىنا ءبىر رەت دەنساۋلىق تەكسەرۋ مەحانيزمى ارقىلى، ءبىر جاعىنان، ەمدەۋ قۇرىلىمىنداعى ەمدەۋ قىزمەتكەرلەرىنىڭ شتاتىنىڭ ۋاقىتشا، قۇرىلىمدىق تاپشى بولۋ ماسەلەسىن سايكەستى شەشىپ، ەمدەۋ جابدىقتارىن جاڭالاۋ مەحانيزمىن دەر كەزىندە كەمەلدەندىرۋىن؛ ەندى ءبىر جاعىنان، ەمدەۋ قىزمەتكەرلەرىنىڭ قابىلەت دەڭگەيىن جوعارىلاتىپ، اۆتونوميالى رايونىمىزدىڭ جالپى حالىقتىق دەنساۋلىق ۇلكەن ساندى مالىمەت قويماسىن قۇرۋىن، كەمەلدەندىرۋىن ۇسىنىس ەتەمىن.

    مۇشە گۇلپاري ابدوللا بىلاي دەدى: اۋىل - قىستاقتارداعى مەكتەپكە دەيىنگى 3 جىلدىق اقىسىز «قوس ءتىل» تاربيەسى اۆتونوميالى رايوندىق پارتكومنىڭ شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋىنداعى نەگىز قالاۋ سيپاتتى ينجەنەريا سانالادى. وقىتۋشىلار بايلىعىن جانداندىرۋ، ۇكىمەتتىڭ الەۋمەتتىك يگىلىك سيپاتتى قىزمەت ورنىنان پايدالانۋ سياقتى شارالاردى تولىقتاما ەتىپ، اۋىل - قىستاق «قوس ءتىل» بالا باقشاسىنداعى تاربيەلەۋ قىزمەت ورنىن تولىقتىرۋدى؛ وقىتۋ ماتەريالدارىنان پايدالانۋدىڭ جەتەكشى پىكىرىن العا قويىپ، ارناعا ءتۇسىرىپ، اۋىل - قىستاقتارداعى مەكتەپكە دەيىنگى 3 جىلدىق «قوس ءتىل» تاربيەسى ماتەريالدارىن دەر كەزىندە قۇراستىرىپ شىعارۋدى، تاراتۋدى؛ ءبىر تۇتاس تولىقتاما ولشەمىن قولدانىپ، قارجىدان پايدالانۋ ونىمدىلىگىن بارىنشا ارتتىرۋدى، بۇقارانى بارىنشا ريزا ەتۋدى، قوعامدىق ونىمدىلىكتى بارىنشا ارتتىرۋدى ۇسىنىس ەتەمىن.

    مۇشە چىن چي اۆتونوميالى رايونىمىزداعى جاڭاشا اۋىل شارۋاشىلىعى سەلبەستىگى ەكونوميكالىق ۇيىمدارىنىڭ باياندى دامۋىن ونان ارى ىلگەرىلەتۋ جونىنەن ۇسىنىستار بەردى. ول بىلاي دەدى: جاڭاشا اۋىل شارۋاشىلىعى سەلبەستىك ۇيىمدارىنىڭ دامۋى شارۋالاردىڭ مۇددەسىن شىن مانىندە قورعاۋدى العى شارت ەتەدى، ءار دارەجەلى ۇكىمەت تاراۋى ونى ەركىنە جىبەرىپ باسقارماي قويسا بولمايدى، سونداي - اق اسىرا باسقارۋعا دا بولمايدى، ءارقايسى سىناق ءتۇيىنى ەتىلگەن ولكە، رايونداردىڭ تابىستى تاجىريبەلەرىنەن ۇلگى الىپ، ەرەكشە ونىمدەردى جەتەكشى ەتىپ، ءوندىرىس، مانەرلەۋ، ساتۋ ءبىر تۇلعالانعان ەكونوميكالىق ۇيىم قۇرىپ، اۋىل شارۋاشىلىعى تيجاراتىن كاسىپ سالالاندىرا جۇرگىزۋدى بىرتىندەپ جۇزەگە اسىرۋ كەرەك؛ قاتىستى فينانس تاراۋى جاڭاشا اۋىل شارۋاشىلىعى تيجارات تۇلعاسىن قولدايتىن سايكەستى ساياساتتاردى بەلگىلەپ، ناقتى ادىستەردى تەزىرەك العا قويۋ كەرەك.

    مۇشە جياڭ پيڭ - ان كۇندەلىكتى تەكسەرۋ - زەرتتەۋمەن ۇشتاستىرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ ءىسىن ارقاۋ ەتە وتىرىپ ۇسىنىس بەردى. ول بىلاي دەدى: «ءبىردى شىعارۋ، ءبىردى كىرگىزۋ» پرينسيبىنە ساي، ارحيۆ تۇرعىزىپ، كارتچكا بەرۋ قىزمەتىن ۇزدىكسىز كەمەلدەندىرىپ، كەدەيلەردى سۇيەمەلدەۋ ارحيۆىن ناقتىلاندىرۋ؛ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتىنىڭ رولىن تولىق ساۋلەلەندىرىپ، كەدەي قىستاقتاردىڭ كەدەيلەردى سارالاۋ، اداقتاۋ جانە وتكەلدى يگەرۋ قىزمەتىنە كومەك كورسەتۋ كەرەك. «ءبىر قىستاقتا ءبىر ءونىم بولۋدى، ءبىر ونىممەن ءبىر كاسىپكە قوزعاۋشىلىق ەتۋدى» نەگىزگى ۇلگى ەتىپ، اۋىل - قىستاق مادەنيەت ساياحاتىنىڭ كىرىستى ارتتىرۋداعى كومەسكى كۇشىن اشۋ؛ كەدەي وتباسىلاردى ءوز كۇشىنە سۇيەنىپ شارۋاشىلىق قۇرۋعا ىنتالاندىرىپ، كەدەي وتباسىلاردىڭ قويدى كوپ باعۋىنا، كوكونىستى كوبىرەك ەگۋىنە، ءبىر تەحنيكا بولسا دا ۇيرەنۋىنە، ءبىر ەڭبەككۇش بولسا دا سىرتقا شىعارۋىنا كومەكتەسىپ، كەدەيلەردى سۇيەمەلدەۋدەگى ءاربىر وبيەكتىنىڭ كىرىسىن ارتتىرۋ ونەرى مەن نىسانى بولۋىنا مۇمكىندىك جاساۋ كەرەك.

    مۇشە حو لانلان بىلاي دەپ اتاپ كورسەتتى: جالپىلىق مەنشىككە جاتپايتىن ەكونوميكانىڭ شينجياڭ ەكونوميكاسىنىڭ، قوعامىنىڭ ءارقايسى سالاسىنداعى قوسقان ۇلەسى تىنباي جوعارىلاۋدا، يمپورت - ەكسپورتتى ارتتىرۋ، قازىنالىق كىرىستى مولايتۋ، كاسىپتەنۋگە باۋراۋ سياقتى جاقتارداعى رولى كۇن سايىن كورنەكتىلەنۋدە. ءبىراق كاسىپورىندارعا تيىمدىلىك جاساۋعا قاتىستى ساياساتتاردىڭ تىڭعىلىقتى تياناقتانباۋى، كاسىپورىنداردىڭ قارجى قۇراۋى قيىن بولۋ، قارجى قۇراۋى قىمباتقا توقتاۋى، ەلەكتروندى ساۋدانىڭ دامۋ ورەسىنىڭ جوعارى بولماۋى، نىسان قۇرىلىسىندا «توركىندەس بولۋ» باسەكەسىنىڭ ورىن تەبۋى، جالپىلىق مەنشىككە جاتپايتىن كاسىپورىندار دامۋىنىڭ ءبىركەلكىسىز بولۋى سياقتى ماسەلەلەردى مۇقيات زەرتتەۋ جۇرگىزۋ نەگىزىندە ءبىر جايلى ەتۋ كەرەك.

    مۇشە مۇحتارام شەرىپجان بىلاي دەدى: اۆتونوميالى رايوندىق پارتكوم مەن حالىق ۇكىمەتى پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى تۋىسىنا، دوسىنا بالاپ، ءبىرسىپىرا شىنايى، پارمەندى ساياسات، شارا قولدانىپ، ءدىن ىستەرىن زاڭ بويىنشا باسقارىپ، ءدىني قايراتكەرلەردى باۋلىپ، قورعاپ، ولارعا قامقورلىق جاسادى. ءبىز جانە دىنگە سەنەتىن بۇقارا پارتيا مەن ۇكىمەتتىڭ قامقورلىعى مەن مەيىر - شاپاعاتىن شىن مانىندە سەزىندىك. تاڭداۋلى ءداستۇردى، ءسوز جوق، ساۋلەلەندىرىپ، پارتيا مەن ۇكىمەتتىڭ توڭىرەگىنە تىعىز ىنتىماقتاسا توپتاسىپ، ءدىندى سوتسياليستىك قوعاممەن سايكەستىرۋ جولىمەن بۇلجىتپاي ءجۇرىپ، وتاننىڭ تۇتاستىعىنا، ۇلتتاردىڭ ىنتىماعى مەن قوعامدىق وركەنيەتتىڭ دامۋىنا اناعۇرلىم زور ۇلەس قوسامىز.

    ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 5 - ماجىلىسىنە قاتىناسقان مۇشەلەر ماجىلىستەن سوڭ تىلشىلەرگە تۇراقتى كوميتەتتىڭ قىزمەت بايانداماسىنان العان اسەرلەرىن اڭگىمەلەدى.

    مۇشە مامەتتۇرسىن تۇردى باياندامانىڭ جۇرت كوڭىلىنەن شىعاتىنداي جان - جاقتىلى جاسالعانىن ايتا كەلىپ: باياندامانىڭ ءبىر مازمۇنىندا دەنساۋلىق ساقتاۋ جاعىنان كەدەيلەردى سۇيەمەلدەۋ، نەگىزدىك وقۋ - اعارتۋدى دامىتۋ، ەگىن، مال شارۋاشىلىعى رايوندارىندا مەديتسينالىق قۇتقارۋ - ەمدەۋ، الەۋمەتتىك اۋماق قىزمەت وتەۋ كاسىبىن وركەندەتۋ ايتىلدى. بۇل قازىرگى كۇنى نەگىزگى ساتىداعى شارۋالاردىڭ تۇرمىسىن جاقسارتۋداعى ماڭىزدى ءتۇيىن. مەن اۋىلىما قايتقاننان كەيىن، ءماجىلىس رۋحىن اۋىلداستارىما جەتكىزىپ، تاۋىق جىلىندا تابىسىمىزدىڭ مول بولاتىنىن ايتىپ قۋانتقىم كەلەدى، - دەدى.

جاۋاپتى رەداكتور:سايراش تۇرارجان قىزى