زەيىن - زەردەنى باس نىساناعا شوعىرلاندىرىپ، كەشەندى شارانى جاقسى اتقارامىز

    − قۇمىل قالالىق پارتكومىنىڭ شۋجيى ليۋ جيانمەن سۇحبات

    شيا چيڭ

    «قۇمىل قالالىق پارتكوم زەيىن - زەردەنى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ءار ۇلت بۇقاراسىن ج ك پ اۆتونوميالى رايوندىق 9 - قۇرىلتايىنىڭ رۋحىن پارتيانى، وتاندى، سوتسياليزمدى ءسۇيۋدىڭ ءىس جۇزىندىك ارەكەتىنە، ۇلتتار ىنتىماعىن قورعاۋدىڭ ءىس جۇزىندىك ارەكەتىنە، قاجىرلىلىقپەن اۋقاتتانۋدىڭ ءىس جۇزىندىك ارەكەتىنە اينالدىرۋعا ىنتىماقتاستىرا باستاپ، اۆتونوميالى رايوندىق پارتكومنىڭ ءتۇرلى شەشىم، شاراسىن قۇمىلدا تامىر تارتقىزۋعا، ناقتى ءونىم شىعارۋعا كەپىلدىك ەتەدى»، - دەدى قۇمىل قالالىق پارتكومنىڭ شۋجيى ليۋ جيان سۇحباتىمىزدى قابىلداعاندا.

    ليۋ جيان بىلاي دەدى: «ءبىز ءار ۇلت كادرلار مەن بۇقاراسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءار ۇلت حالقىنا دەگەن ىستىق ىقىلاستى قامقورلىعىنا اناعۇرلىم العىس ايتۋعا جەتەكشىلىك ەتىپ، پارتيانىڭ سوزىنە قۇلاق اسۋ، پارتياعا ىلەسۋ بەكىمى مەن سانالىلىعىن ارتتىرىپ، ءار ۇلت كادرلارى مەن بۇقاراسىنىڭ رەفورما جۇرگىزۋ، ەسىك اشۋ ىستەرىنە جانە شينجياڭنىڭ رەفورما، دامۋ شۇعىلالى جەتىستىكتەرىنە بولعان تانىمىن جوعارىلاتىپ، پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، تاماشا قۇمىل قۇرۋدىڭ بورىشتىلىق سەزىمى مەن جاۋاپكەرلىك سەزىمىن اناعۇرلىم كۇشەيتەمىز».

    ليۋ جيان بىلاي دەپ قارادى: پارتيا قۇرىلتايىنىڭ رۋحىن ۇلتتار ىنتىماعىن قورعاۋدىڭ ءىس جۇزىندىك ارەكەتىنە اينالدىرىپ، زەيىن - زەردەنى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءتۇرلى شارالارىن جاپپاي تياناقتاندىرىپ، بولشەكتەۋشىلىككە قارسى كۇرەستىڭ ىرىقتىلىعىن مىقتاپ يگەرىپ، قۇمىل قوعامى جالپى جاعدايىنىڭ ءۇرتىس جاراسىمدى، ورنىقتى بولۋىنا كەپىلدىك ەتەمىز. «ۇعىسۋ، تيىمدىلىك جاساۋ، توعىستىرۋ»، «ساياساتتى ۇگىتتەۋ جەلىلەس قيمىلى»، «حالىقتىڭ ءمان - جايىن جاپپاي ءبىلۋ، قايشىلىقتاردى بارىنشا شەشۋ، كىناراتتاردى بارىنشا وڭاۋ جەلىلەس قيمىلى»، «ۇلتتار ىنتىماعى جەلىلەس قيمىلى» سىندى 10 ءىرى جەلىلەس قيمىلدى ۇزبەي ورىستەتىپ، جالپى كادرلار مەن بۇقارانىڭ بىرگە قۇلشىنۋ مۇرات سەنىمى مەن قۇن تالپىنىسىن كەڭىنەن ۇيىستىردىق. الداعى جەردە پارتيانىڭ ۇلت ساياساتىن ىشكەرىلەي دايەكتى تياناقتاندىرىپ، «ۇلتتار ىنتىماعىنىڭ بەرەكەلى شاڭىراعى» قيمىلىن تىڭعىلىقتى ورىستەتىپ، «ۇلتتار ىنتىماعىنىڭ بەرەكەلى شاڭىراعى» قيمىلىن الەۋمەتتىك اۋماقتارعا دەيىن كەڭەيتىپ، از ۇلت، حانزۋ كادر - قىزمەتشىلەردىڭ جۇپ قۇراۋ فورماسىندا ءبىر - بىرىمەن ارالاسۋىن ىلگەرىلەتىپ، ءار ۇلت كادرلارى مەن بۇقاراسىنىڭ بىرگە بيلەپ، بىرگە ءان شىرقاپ، بىرگە جايراڭداپ جۇرۋىنە شىنايى مۇمكىندىك جاسايمىز.

    ليۋ جيان بىلاي دەدى: پارتيا قۇرىلتايىنىڭ رۋحىن قاجىرلىلىقپەن اۋقاتتانۋدىڭ ءىس جۇزىندىك ارەكەتىنە اينالدىرۋدا الدىمەن كاسىپ سالاسى بويىنشا حالىقتى اۋقاتتاندىرۋدى مىزعىماستان ىلگەرىلەتىپ، «بەس ۇلكەن دامۋ يدەياسىن» مىقتاپ ورناتىپ، مەملەكەتتىڭ «ءبىر بەلدەۋ، ءبىر جول» ستراتەگياسىمەن بەلسەنە توعىستىرىپ، 1 - كاسىپتىڭ دەڭگەيىن جوعارىلاتۋدى بارىنشا جەبەيمىز. ونەركاسىپتەندىرۋ يدەياسىمەن جوبالاۋعا، اۋىل شارۋاشىلىعى، اۋىل - قىستاق ەكونوميكاسىنىڭ دامۋىن بازارلاندىرۋ تاسىلىمەن ىلگەرىلەتۋگە تاباندى بولىپ، اۋىل شارۋاشىلىعى ونىمدەرىنىڭ جاسىل، ەكولوگيالىق، ورگانيكالى ماركاسىنىڭ ىقپالىن اسىرىپ، اتىز باسىنان داستارقانعا دەيىنگى ۇدايىلىققا اينالعان اۋە تاسىمالىنىڭ اۋىل شارۋاشىلىعى ونىمدەرىن تىكە ساتۋ ارناۋلى ۇشاعىن ويداعىداي تياناقتاندىرىپ، اۋىل شارۋاشىلىعى ونىمدەرىن جيناپ - تيەۋ ارناۋلى پويەزى لەنياسىن تەزىرەك اشىپ، ميزو قاۋىنى، ميزو شىلانى، ميزو ءدامدى قوي ەتى سياقتىلاردى ىشكى ولكەلەرگە تىكە ساتاتىن جوعارى دەڭگەيلى بازاردى جەبەيمىز.

    ونان كەيىن 2 - كاسىپتە ءتۇيىندى يگەرەمىز. مەملەكەتتىڭ جاڭاشا ۋنيۆەرسال ەنەرگيا بازا قۇرىلىسىن ارقاۋ ەتىپ، ءبىر توپ 100 ميلليارد يۋاندىق، 10 ميلليارد يۋاندىق نىسانداردى بەلسەنە جوسپارلاپ، ىلگەرىلەتىپ، 5 ميلليارد يۋاندىق نىساندى تياناقتاندىرۋعا بارىنشا كۇش سالىپ، فوتووۆلتتىق، جىلۋلىق ەلەكتر تاراتۋ، سونداي - اق ەنەرگيا قورى كاسىبىن بارىنشا دامىتامىز. جاڭاشا جابدىق جاساۋ بازا قۇرىلىسىن ارقاۋ ەتىپ، ەرەكشە باسىمدىققا يە جابدىق جاساۋ كاسىبىنىڭ كاسىپ سالاسى شوعىرىن كۇش سالا قۇرامىز. جاڭاشا ماتەريال وڭدەۋ بازا قۇرىلىسىن ارقاۋ ەتىپ، تيتان ماتەريالى، الۋمين - ماگني قورىتپاسى، گرافيت ولەفينى سياقتى جاڭاشا ماتەريالداردى ءوندىرىپ، كاسىپ سالاسىنىڭ ساپاسىن جوعارىلاتىپ، دارەجەسىن كوتەرۋدى ىلگەرىلەتەمىز.

    سوڭىندا 3 - كاسىپتى قاۋىرت دامىتامىز. حابارلاسۋ ينتەرنەت نەگىزدىك قۇرىلعىلارىنىڭ سيىمدىلىعىن ارتتىرىپ جاڭالاۋ مەن ساپالىلاندىرىپ دارەجەسىن جوعارىلاتۋدى كۇشەيتىپ، قۇمىلدى كوپ ينتەرنەت توعىسقان «وپتيكالى قالا» ەتىپ قۇرۋعا كۇش سالامىز. شىعىس تيانشان بۇلت ەسەپتەۋ كولەمدى ساندى مالىمەت ورتالىعى قۇرىلىسىن اتقارۋدى جەدەلدەتىپ، ينتەلەكتۆالدى قۇمىل «تانىسقىسىن» قالىپتاستىرۋعا كۇش سالامىز. كومىر ساۋدا ورتالىعىنىڭ شارپۋ، جەتەكشىلىك ەتۋ رولىن ساۋلەلەندىرۋگە ءمان بەرىپ، ينتەرنەت +كومىرتەگىن ىعىستىرۋ ساۋداسى، ينتەرنەت +كومىر +فينانس سىندى جاڭا قالىپتى جەتىلدىرىپ، دامىتامىز. زات اينالىمى، جەتكىزۋ، وتكىزۋ جۇيە قۇرىلىسىن جەدەلدەتىپ، قىزمەت كورسەتۋ كاسىبىنىڭ سالىستىرماسى مەن دەڭگەيىن ۇزبەي جوعارىلاتامىز.

    ليۋ جيان بىلاي دەدى: سوڭعى جىلدارى حالىق تۇرمىسى قۇرىلىسى مەن كەدەيلەردى دالمە - ءدال سۇيەمەلدەۋ جاعىندا قۇمىل قالاسى قاتتىلاندىرۋدى، جاسىلداندىرۋدى، جارىقتاندىرۋدى، كورىكتەندىرۋدى، ەلەكتردى، حاۋىپسىز اۋىز سۋ تۇتىنۋدى، راديو - تەلەۆيزور نومىرلەرىن، قوقىر - قوقسىق جيناۋدى، ەلەكتر ساۋداسىنا قىزمەت كورسەتۋدى وتباسىلارعا جەتكىزۋ سىندى «حالىققا پايدا جەتكىزۋ بويىنشا توعىزدى وتباسىنا جەتكىزۋ» قيمىلى مەن زاڭ جالپىلاستىرۋدى، اماندىقتى، وركەنيەتتى بولۋدى، جۇپ قۇراۋدى، كىرىس ارتتىرۋدى، قوعامدىق قامسىزداندىرۋدى، سالاماتتىقتى، عىلىمدى جالپىلاستىرۋدى، تاربيەلەۋدى ادامعا دەيىن تياناقتاندىرۋ سىندى «حالىققا تيىمدىلىك جاساۋ بويىنشا توعىزدى ادامعا تياناقتاندىرۋ» قيمىلىن ىشكەرىلەي ورىستەتىپ، ءار ۇلت بۇقاراسىنىڭ باقىت كورسەتكىشىن شىنايى جوعارىلاتتى.

    ليۋ جيان بىلاي دەدى: ءبىز حالىققا تيىمدىلىك جاساۋ ينجەنەريالارىن بۇلجىتپاي، ورنىقتى قاداممەن ىلگەرىلەتەمىز، ءوز دارەجەسىندەگى قازىنالىق شىعىس پەن شينجياڭعا باعىتتامالى كومەكتەسۋ قاراجاتىنىڭ %75ىنەن استامىن حالىق تۇرمىسىن قامتاماسىز ەتۋگە جانە جاقسارتۋعا قولدانىپ، حالىققا تيىمدىلىك جاساۋدىڭ 9 ءتۇرلى ينجەنەرياسى مەن جۇرت كوڭىلىنەن شىعاتىن ءبىر توپ ناقتى ىستەردى ۇزبەي ىلگەرىلەتىپ، جالپى حالىقتىڭ دەنساۋلىعىن اقىسىز تەكسەرۋدى تىڭعىلىقتى ىستەپ، «سالاماتتى قۇمىلدى» بىرگە قۇرىپ، ءار ۇلت بۇقاراسىنىڭ يگىلىككە كەنەلۋ سەزىمى مەن باقىت سەزىمىن ءۇرتىس جوعارىلاتامىز.

جاۋاپتى رەداكتور:سايراش تۇرارجان قىزى