باس نىساناعا بويسۇنىپ، باس نىساناعا قىزمەت كورسەتىپ، تيپىن وزگەرتىپ دامىتۋدى ىلگەرىلەتەمىز

    − قارامايلى قالالىق پارتكومنىڭ شۋجيى چىن شينفامەن سۇحبات

    جاڭ تيڭ

    قارامايلى قالالىق پارتكومنىڭ شۋجيى چىن شينفا تىلشىگە: ج ك پ اۆتونوميالى رايوندىق 9 - قۇرىلتايىنىڭ رۋحىن ويداعىداي دايەكتى تياناقتاندىرۋدىڭ تەتىگى − نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرۋ. مەملەكەتتىك ماڭىزدى مۇناي جانە مۇناي حيميا بازاسى بولعان قارامايلى لاڭكەستىككە قارسى تۇرىپ، ورنىقتىلىقتى قورعاۋدا اۋىر مىندەت ارقالاپ وتىر، مۇندا تۇتاس شينجياڭداعى ورتاق ماسەلە دە، جەكە - دارا ماسەلە دە بار. ورتاق ماسەلەنى شەشۋ ءۇشىن، قاتاڭ سوققى بەرۋدىڭ تەگەۋرىندى كۇيىن ساقتاپ، ىرىقتىلىقتى باستان - اياق مىقتى مەڭگەرىپ، ىنتىماق پەن ورنىقتىلىقتى قورعاۋدىڭ قۇرىش قامالىن بار كۇشپەن بەرىك قالاۋ كەرەك. حاۋىپ - قاتەردى مەڭگەرۋ، نەگىزگى ساتىنىڭ نەگىزدىك قۇرىلىسى، قوعامدىق باسقارۋ جانە كادرلار ستيلى قۇرىلىسى سياقتى جاقتاردا جاڭالىق اشۋ، قامال الۋ، ورنىقتىلىقتى قورعاۋ قىزمەتىن جۇيەلىلەندىرۋدى، ارناعا ءتۇسىرۋدى، تۇزىمدەندىرۋدى پارمەندى ىلگەرىلەتىپ، قوعام ورنىقتىلىعى مەن باياندى تىنىشتىقتى ىسكە اسىرۋدىڭ نەگىزىن بەكەمدەۋ كەرەك، - دەدى.

    چىن شينفا بىلاي دەدى: قالانىڭ تيپىن وزگەرتىپ دامىتۋ سىندى باس نىسانانى ىسكە اسىرۋدىڭ ءتۇبىرلى كەپىلى بولعان قىزمەتتى مىقتى يگەرۋ كەرەك. قارامايلى اتى زاتىنا ساي بايلىقتى نەگىز ەتكەن قالا. قالانى باياندى دامىتۋ ءۇشىن، قارامايلىنىڭ دامۋ ىستەرىن وي ءورىستى اشىپ، الەمگە نازار سالا وتىرىپ جوبالاۋ، ورنالاستىرۋ، قارامايلىنى ەرەن قالا ەتىپ قۇرىپ شىعۋعا ۇمتىلۋ رۋحىمەن وزىق دەڭگەيدە دامىتۋ، وتە - موتە، قارامايلىنىڭ بولاشاعىن مەملەكەت جانە اۆتونوميالى رايوننىڭ ستراتەگيالىق جوباسىمەن توعىستىرىپ، مەملەكەتتىڭ «ءبىر بەلدەۋ، ءبىر جول» قۇرىلىسى، اۆتونوميالى رايوننىڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسى سياقتى ستراتەگيالىق ورايلاردى مىقتى يگەرىپ، وزەكتى قالا قۇرىپ، دامۋدىڭ بيىگىن يەلەپ، قالانىڭ تيپىن وزگەرتىپ دامىتۋدا ۇزدىكسىز جاڭا جاعداي جاراتۋ كەرەك.

    بىرىنشىدەن، قارامايلىنى جىبەك جولى ەكونوميكالىق بەلدەۋىنىڭ مۇناي ورتالىعى ەتىپ، مۇناي كاسىبىنىڭ بيىگىن يەلەيمىز. قارامايلىنىڭ مۇناي جانە مۇناي حيميا ونەركاسىبىنىڭ دامۋ ساپاسىن بارىنشا جوعارىلاتامىز، مۇندا، ءبىر جاعىنان، مۇناي جانە مۇناي حيميا ونەركاسىبىنىڭ تىزبەگىن ونان ارى كەمەلدەندىرىپ، مۇناي گازىن ءوندىرۋ، مۇناي ايىرۋ ونەركاسىبى، تەحنيكالىق قىزمەت كورسەتۋ، ماشينا جاساۋ، مۇناي گازىن ساقتاۋ جانە ينجەنەريالىق تاربيە سياقتى 6 ءىرى بازا قۇرىلىسىنىڭ اياق الىسىن جەدەلدەتىپ، مۇناي جانە مۇناي حيميا ونەركاسىبىنىڭ دەڭگەيىن ورتاشا جوعارى ورەگە كوتەرىپ، قارامايلىنى دۇنيە ءجۇزىن مۇناي گازىمەن قامداۋدا تۇتاس كاسىپ تىزبەگى بويىنشا قىزمەت كورسەتۋ قابىلەتىنە يە بازا ەتىپ قۇرىپ شىعامىز. ەندى ءبىر جاقتان، مۇناي سالاسىنداعى زەرتتەۋ، اشۋ قابىلەتىن، مۇناي كاسىبىن شوعىرلاندىرىپ، بىرىكتىرىپ دامىتۋ جونىندەگى زەرتتەۋ، اشۋ قابىلەتىن جانە جۇڭگو مۇناي ۋنيۆەرسيتەتىنىڭ (بەيجيڭ) قارامايلىداعى بولىمشە مەكتەبى سياقتى جوعارى مەكتەپتەردىڭ عىلمي زەرتتەۋ بايلىعىن بارىنشا كۇشەيتىپ، مۇناي، تابيعي گاز سياقتىلاردى قامتىعان بارلاۋ، اشۋ، ينجەنەريالىق تەحنيكا، تاجىريبە ىستەپ تەكسەرۋ، مۇناي ايىرۋ سياقتى فۋنكتسيالاردى نەگىز ەتكەن عىلمي قالا قۇرۋدى جەدەلدەتىپ، قارامايلىنى ورتا ازيا وڭىرىنە باعىتتالعان اشىق، عىلمي زەرتتەۋ بويىنشا قىزمەت كورسەتۋ بازاسى ەتىپ قۇرىپ شىعامىز. 2020 - جىلى مۇناي گازىنىڭ بالاما سالماعىن 14 ميلليون 500 مىڭ تونناعا، مۇناي ايىرۋ قۋاتىن 20 ميلليون تونناعا، تەحنيكالىق قىزمەت كورسەتەتىن كاسىپتەردىڭ ءونىم قۇنىن 10 ميلليارد يۋانعا، ماشينا جاساۋ كاسىبىنىڭ ءونىم قۇنىن 8 ميلليارد يۋانعا، ينجەنەريالىق تاربيە بازاسىنىڭ جىلدىق تاربيەلەۋ قۋاتىن 20 مىڭ ادام - رەتكە جەتكىزىپ، قارامايلىنى مەملەكەت بويىنشا ماڭىزدى مۇناي گاز قورى بازاسى ەتىپ قۇرىپ شىعۋعا كۇش سالامىز.

    ەكىنشىدەن، قارامايلىنى جىبەك جولى ەكونوميكالىق بەلدەۋىنىڭ ينفورماتسيا ورتالىعى ەتىپ قۇرىپ شىعىپ، جاڭادان گۇلدەنگەن كاسىپتەردىڭ بيىگىن يەلەيمىز. تاياۋ جىلداردان بەرى قارامايلى ينفورماتسيا كاسىبىن بار كۇشپەن دامىتىپ، «ءبىر بەلدەۋ، ءبىر جول» قۇرىلىسى بويىنشا ءىرى ساندىق مالىمەت ورتالىعى، حۋاۋي بۇلتى قىزمەت كورسەتۋ ساندى مالىمەت ورتالىعى سياقتى ينفورماتسيا كاسىبىندەگى ايگىلى 60 نەشە كاسىپورىندى ەنگىزىپ، ساندى مالىمەت ەسەپتەۋ قۋاتى مەملەكەت بويىنشا الدىڭعى ءۇش ورىندى يەلەدى. الداعى جەردە، قارامايلى بۇلت ەسەپتەۋ كاسىپ باقشاسىن دانەكەر ەتىپ، اۆتونوميالى رايوننىڭ «تيانشان بۇلتى» وزەكتى بازاسىن قۇرۋ قۇرىلىسى ورايىنان پايدالانىپ، جىبەك جولى ەكونوميكالىق بەلدەۋىنىڭ بويىنا ورنالاسقان قالالاردىڭ ساندى مالىمەت بايلىعىن توپتاۋ، ساندى مالىمەتتەردى وڭدەپ ءبىر جايلى ەتۋدى جانە ونى يگىلىككە جاراتۋدى تەزدەتەدى. 2020 - جىلعا دەيىن 35 مىڭ كابينەتى بار مالىمەت ورتالىعى مەن اپاتتان ساقتانۋ، اپات زيانىن ازايتۋ ورتالىعىن قۇرىپ شىعۋعا قۇلشىنىپ، بۇلت ەسەپتەۋ قۋاتى جاعىندا مەملەكەتتىڭ الدىڭعى قاتارىنا وتۋگە كۇش سالادى.

    ۇشىنشىدەن، باس نىسانانى ىسكە اسىرۋعا پارمەندى تىرەك بولعان حالىق تۇرمىسىن جاقسارتۋ قىزمەتىن ويداعىداي ىستەيمىز. قارامايلى ءار ۇلت حالقىنىڭ مۇڭ - مۇقتاجىن ءار ۋاقىت ەڭ باستى ورىنعا قويىپ، حالىق تۇرمىسىن الدىمەن ەسكەرۋدە، حالىق تۇرمىسى ينجەنەرياسىن الدىمەن اتقارۋدا تاباندى بولدى. كاسىپتەندىرۋ، وقۋ - اعارتۋ، ەمدەۋ، قوعامدىق قامسىزداندىرۋ، كەدەيلەردى سۇيەمەلدەۋ، بەيقۇت ءۇي قۇرىلىسى سياقتى حالىق تۇرمىسىنا تيىمدىلىك جاراتاتىن 9 ءتۇرلى ينجەنەريانى شىنايى ويداعىداي ىستەۋ نەگىزىندە، وقۋ - اعارتۋ، ەمدەۋ جاعىندا بىرەگەي، تابيعاتى كوركەم قالا قۇرۋعا كۇش سالىپ، زاماناۋي باسقارۋدى ىلگەرىلەتىپ، قالانىڭ وركەنيەت وبرازىن كۇشەيتىپ، بىرتىندەپ ورتا ازيا ءوڭىرى بويىنشا وقۋ - اعارتۋدا بىرەگەي، حالىقارالىق باسەكەلىك قۋاتىنا يە دارىندى جەتىلدىرۋ بيىگى ەتىپ قۇرىپ شىعۋعا كۇش سالادى، 2020 - جىلعا دەيىن سولتۇستىك شينجياڭنىڭ مەديتسينا ورتالىعى بولۋ جانە سالاماتتى قالا قۇرۋ نىساناسىن جاپپاي ىسكە اسىرىپ، جان باسىنا تۋرا كەلەتىن ورتاشا جاسىل القاپ اۋماعىن 75.13 شارشى مەترگە جەتكىزۋگە، اۋا ساپاسى جاقسى كۇندەردىڭ مولشەرىن %91تەن اسىرۋعا تىرىسادى، قالانى باسقارۋدا «جاپپاي بىرلەسىپ باسقارۋدى» ىسكە اسىرىپ، قالانى اناعۇرلىم كوركەم، جايلى ورتاعا اينالدىرىپ، قارامايلىدا تۇراتىن تۇرعىنداردىڭ قىزمەت ىستەۋى مەن تۇرمىس كەشىرۋىنە بارىنشا جاقسى ورتا ازىرلەپ، ولاردىڭ باقىت سەزىمىن جاپپاي جوعارىلاتامىز، سونىمەن بىرگە قالانىڭ باۋراۋ قۋاتى مەن ۇيىستىرۋ قۋاتىن ونان ارى كۇشەيتىپ، دارىندىلار مەن جاڭالىق اشۋعا قاجەتتى ءتۇرلى فاكتورلاردىڭ قارامايلىعا شوعىرلانۋىنا، قالانىڭ تيپىن وزگەرتىپ دامىتۋدى اناعۇرلىم ويداعىداي جەبەۋگە مۇمكىندىك جاراتامىز.

جاۋاپتى رەداكتور:سايراش تۇرارجان قىزى