اۆتونوميالى رايوننىڭ ۇگىت - لەكسيا ۇيىرمەسى اۆتونوميالى رايونعا توتە قاراستى ورگاندارعا، حوتان ايماعىنا جانە قابا اۋدانىنا بارىپ ۇگىت - لەكسيا جاسادى

    25 - قاراشادا اۆتونوميالى رايوننىڭ «پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، ۇگىتتەۋ» جونىندەگى ۇلگى كورسەتۋ ۇگىت - لەكسيا ۇيىرمەسىنىڭ مۇشەلەرى اۆتونوميالى رايوندىق پارتيا مەكتەبىنە، حوتان ايماعىنا جانە التاي ايماعىنىڭ قابا اۋدانىنا بارىپ ارناۋلى تاقىرىپتا لەكسيا جاسادى. اۆتونوميالى رايونعا توتە قاراستى ورگاندار قىزمەت كوميتەتىندەگى پارتيالى كادرلار، حوتان ايماعى مەن قابا اۋدانىنداعى ءتورت باسشىلىق القاسىنىڭ باسشىلارى، ورگان، كاسىپورىن، ءىسورىندارداعى كادرلار، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى، تىرەكتى ۇگىتشىلەر، ۇزدىك پارتيا مۇشەلەرىنىڭ ۋاكىلدەرى، وتانشىل ءدىني قايراتكەرلەردىڭ ۋاكىلدەرى لەكسيانى تىڭدادى.

    اۆتونوميالى رايوندىق پارتكومنىڭ 2 - شارلاۋ گرۋپپاسىنىڭ باستىعى جاۋ حۇڭجۇن اۆتونوميالى رايوندىق پارتيا مەكتەبىندە حانزۋ تىلىندە لەكسيا جاسادى؛ اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جيليل ناسىر، شينجياڭ قوعامدىق عىلىمدار اكادەمياسىنىڭ باستىعى گاۋ جيانلۇڭ ۇيعۇر، حانزۋ تىلدەرىندە حوتان ايماعىندا لەكسيا جاسادى؛ اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى قىزىركەلدى ابدىراحمان ۇلى، شينجياڭ پەداگوگيكا ينستيتۋتىنىڭ باستىعى ءۋالي بارات قازاق، حانزۋ تىلدەرىندە قابا اۋدانىندا لەكسيا جاسادى.

    ۇگىت - لەكسيا ۇيىرمەسىنىڭ مۇشەلەرى پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسىنىڭ ماڭىزدى ءمانى، پارتيانى جاپپاي، قاتاڭ جونگە سالۋ جونىندەگى شەشىم - ورنالاستىرۋلارى سياقتى مازمۇنداردى نەگىز ەتىپ، پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسىنىڭ نەگىزگى رۋحى جونىندە تەرەڭ تۇسىنىك جاسادى؛ ورتالىقتىڭ شينجياڭدى جونگە سالۋ جالپى جوباسى مەن شينجياڭ قىزمەتىنىڭ باس نىساناسىن شىعار ءتۇيىن ەتىپ، ج ك پ اۆتونوميالى رايوندىق 9 - قۇرىلتايىنىڭ نەگىزگى تاقىرىبىن، الداعى 5 جىلداعى شينجياڭ قىزمەتىنىڭ جەتەكشى يدەياسىن، نەگىزگى تالابىن، نەگىزگى نىساناسى مەن ماڭىزدى شارالارىن ىشكەرىلەي ءتۇسىندىردى، سونداي - اق ءماجىلىس رۋحىن دەن قويا ۇيرەنۋ، ويداعىداي ۇگىتتەۋ، ويداعىداي تياناقتاندىرۋ جونىندە ەگجەي - تەگجەيلى بايىمداۋ جاسادى.

    لەكسيانىڭ نەگىزگى ويى كورنەكتى، مازمۇنى باي، جۇيەلى، تولىق, ەگجەي - تەگجەيلى جەتكىزىلىپ، تىڭدارمانداردىڭ كوڭىلىنەن شىقتى.

    اۆتونوميالى رايونعا توتە قاراستى ورگاندار قىزمەت كوميتەتىنىڭ شۋجيى ياۋ شياۋجۇن: ءماجىلىس رۋحىن تالاي رەت ۇيرەنسەك تە، ءار جولعى ۇيرەنۋدەن جاڭا اسەر الامىن. لەكسيانىڭ مازمۇنى ءىس جۇزىندىك جاعدايمەن بايلانىسقان، نازاريالىق سيپاتى، باعىتتامالىلىعى جانە امالياتتىق سيپاتى كۇشتى ، بۇدان بىلاي ءماجىلىس رۋحىن بۇلجىتپاي ويداعىداي دايەكتىلەندىرىپ، تياناقتاندىرىپ،ءتۇرلى قىزمەتتەردى ويداعىداي ىستەۋدەگى جاۋاپكەرشىلىك سەزىمىم مەن بورىشتىلىق سەزىمىمدى شىنايى كۇشەيتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن قۇلشىنامىن، - دەدى.

    حوتان ايماقتىق ورتا دارەجەلى حالىق سوتى مەكەمەسىنىڭ پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ءانۋار يبىرايىمجان: پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانى نەلىكتەن جاپپاي، قاتاڭ جونگە سالۋ كەرەك، پارتيانى قايتكەندە جاپپاي، قاتاڭ جونگە سالۋعا بولادى دەگەن ماڭىزدى ماسەلەگە تەرەڭ تۇسىنىك جاساپ، ءبىزدىڭ تاماشا ساياسي ەكولوگيا قالىپتاستىرۋىمىزدىڭ، پارتيانى جاپپاي، قاتاڭ جونگە سالۋدى ىلگەرىلەتۋىمىزدىڭ ماڭىزدى تۇتقاسى بولدى. ج ك پ اۆتونوميالى رايوندىق 9 - قۇرىلتايى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، ءبىزدىڭ باس نىسانانى تىعىز توڭىرەكتەپ، زەيىن - زەردەنى باس نىساناعا شوعىرلاندىرىپ، باس نىسانانى تياناقتاندىرىپ، قازىرگى جانە بۇدان كەيىنگى ءتۇرلى قىزمەتتەردى ويداعىداي ىستەۋىمىزدىڭ باعىتى مەن تالاپتارىن ايقىندادى.

    قابا اۋدانى ساربۇلاق قالاشىعىنىڭ ۇگىتشىسى ما يۋان لەكسيانى ءبىر جاعىنان تىڭداپ، ءبىر جاعىنان ەستەلىك الىپ وتىردى، ول: لەكسيانىڭ مازمۇنى ءىس جۇزىندىك جاعدايمەن ەرەكشە جاناسىمدى ەكەن، ادامعا تەرەڭ اسەر قالدىرادى، مەن ءماجىلىس رۋحىن قىزمەت امالياتى بارىسىندا دايەكتىلەندىرۋگە، سونداي - اق حالىققا بەلسەندىلىكپەن ۇگىتتەۋگە قۇلشىنامىن، - دەدى.

جاۋاپتى رەداكتور:سايراش تۇرارجان قىزى