باقىلاۋدى كۇشەيتىپ، پارتيا ىشىندەگى باقىلاۋدى قاتايتايىق، ناقتىلاندىرايىق

    − ج ك پ اۆتونوميالى رايوندىق 9 - قۇرىلتايىنىڭ رۋحىن ناقتاپ تياناقتاندىرۋعا تەمىردەي تارتىپپەن كەپىلدىك ەتۋ جونىندە (1)

    پارتيا ىشىندەگى باقىلاۋ − پارتيا قۇرىلىسىنىڭ ماڭىزدى مازمۇنى، پارتيانى جاپپاي، قاتاڭ باسقارۋدى ىلگەرىلەتۋدىڭ ماڭىزدى كەپىلى. پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە ماقۇلدانعان «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسى» جاڭا جاعدايداعى پارتيا ىشىندەگى باقىلاۋدى كۇشەيتۋ جونىندە شوقتىقتى جوبا جاساپ، پارتيا ىشىندەگى باقىلاۋدى كۇشەيتۋ مەن ارناعا تۇسىرۋگە نەگىزگى ولشەم ازىرلەدى. التىنشى جالپى ءماجىلىستىڭ رۋحىن ۇيرەنۋدىڭ، دايەكتىلەندىرۋدىڭ اسا ءبىر ماڭىزدى جاعى − ەرەجەنىڭ دايەكتى اتقارىلۋىن ويداعىداي يگەرىپ، ونىڭ ءار دارەجەلى پارتيا ۇيىمى مەن قالىڭ پارتيا مۇشەلەرىنىڭ ارەكەتىن ارناعا تۇسىرەتىن قاتتى تەجەمگە اينالۋىنا مۇمكىندىك جاساۋ.

    ج ك پ اۆتونوميالى رايوندىق 8 - قۇرىلتايىنان بەرى، بۇكىل رايونىمىزداعى ءار دارەجەلى پارتيا ۇيىمى پارتيانى جاپپاي، قاتاڭ جونگە سالۋعا بارىنشا نازار اۋدارىپ، باقىلاۋ مەحانيزمىن كەمەلدەندىرىپ، باقىلاۋ ءتاسىلىن جەتىلدىردى، پارتيا ىشىندەگى باقىلاۋ كۇن سايىن تىعىز، قاتاڭ، ءونىمدى بولا ءتۇستى. جاڭا تاريحي باستامادا، ج ك پ اۆتونوميالى رايوندىق 9 - قۇرىلتايى قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، پارتيا قۇرىلىسىن كۇشەيتىپ جانە جاقسارتىپ، پارتيا ىشىندەگى باقىلاۋ ەرەجەسىن قاتاڭ تياناقتاندىرىپ، پارتيا ىشىندەگى باقىلاۋدى شىن مانىندە كۇشەيتىپ، پارتيا ىشىندە وڭ ەنەرگيانىڭ تاسقىنداۋىنا، بۇرىس ستيل، ناشار سالتتاردىڭ اينالىمعا تۇسپەۋىنە، ءتۇرلى باقىلاۋ تالاپتارىنىڭ ناقتاپ تياناقتاندىرىلۋىنا مۇمكىندىك جاساۋ كەرەكتىگىن العا قويدى.

    پارتيا ورتالىق كوميتەتىنىڭ ءبىر تۇتاس باسشىلىعىندا، پارتكومنىڭ (پارتيا باسشىلىق گرۋپپاسى) جاپپاي باقىلاۋى، ءتارتىپ تەكسەرۋ ورگانىنىڭ ارناۋلى باقىلاۋى، پارتيانىڭ قىزمەت تاراۋلارىنىڭ فۋنكتسيالىق باقىلاۋى، پارتيانىڭ نەگىزگى ساتى ۇيىمدارىنىڭ كۇندەلىكتى باقىلاۋى، پارتيا مۇشەلەرىنىڭ دەموكراتيالىق باقىلاۋى سىندى پارتيا ىشىندەگى باقىلاۋ جۇيەسىن قۇرىپ، كەمەلدەندىرىپ، جوعارىدان تومەنگە دەيىنگى ۇيىمدىق باقىلاۋدى كۇشەيتىپ، جوعارىدان تومەنگە دەيىنگى دەموكراتيالىق باقىلاۋدى جاقسارتىپ، ۇقساس دارەجەدەگىلەردىڭ ءوزارا باقىلاۋ رولىن ساۋلەلەندىرىپ، پارتيا ىشىندەگى باقىلاۋ مەن حالىق بۇقاراسىنىڭ باقىلاۋىن ءوزارا ۇشتاستىرۋعا تاباندى بولىپ، باقىلاۋدىڭ كەز كەلگەن جەر، كەز كەلگەن ۋاقىتتا ءومىر سۇرۋىنە مۇمكىندىك جاساۋ كەرەك.

    پارتيا ىشىندەگى باقىلاۋدىڭ جاپپاي قامتۋىن ىلگەرىلەتىپ، باقىلاۋ وبيەكتىلەرىن ءاربىر پارتيا ۇيىمىنا، ءاربىر پارتيالى كادرلارعا دەيىن كەڭەيتىپ، ەشبىر قاعىس قالار جەر، ساڭلاۋ، اقتاڭداق قالدىرماۋ كەرەك. پارتيانىڭ ءار دارەجەلى باسشىلىق ورگانى جانە باسشى كادرلار، وتە - موتە، نەگىزگى باسشى كادرلار سىندى «شەشۋشى ازشىلىقتى» مىقتى ۇستاپ، پارتيا باسشىلىعىنىڭ السىرەۋى، پارتيا قۇرىلىسىنداعى ولقىلىق، پارتيانى جاپپاي، قاتاڭ جونگە سالۋداعى دارمەنسىزدىك، پارتيا كوزقاراسىنىڭ سولعىن، ۇيىمىنىڭ شاشىراڭقى، ءتارتىبىنىڭ بوس بولۋى، پارتيانى باسقارۋ، پارتيانى جونگە سالۋداعى كەڭ قولتىقتىق، بوستىق، جۇمساقتىق ماسەلەلەرىن كۇش سالا شەشىپ، پارتيا ۇيىمىنىڭ فۋنكتسيانى تولىق اتقارۋىن، ۇيتقىلىق رولدى ساۋلەلەندىرۋىن ىلگەرىلەتۋ، بارلىق پارتيا مۇشەسىنىڭ ۇلگىلى ونەگەلىك رولىن ساۋلەلەندىرۋىن ىلگەرىلەتۋ، پارتيانىڭ باسشى كادرلارىنىڭ ادال، كىرشىكسىز بولۋىن، جاۋاپكەرشىلىكتى باتىل ارقالاۋىن ىلگەرىلەتۋ كەرەك.

    باقىلاۋ تانىمىن مىقتاپ ورناتىپ، ءتارتىپتىڭ اتقارىلۋىن باقىلاۋ بويىنشا جاۋاپقا تارتۋ قىزمەت بورىشىن اتقارىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن ىسكە اسىرۋعا پارمەندى كەپىل ازىرلەۋ كەرەك. پارتيا ۋستاۆىنا، پارتيا ەرەجەسىنە، پارتيا تارتىبىنە بويسۇنۋ، پارتيانىڭ لۋشيان، باعىت - ساياساتتارىن جانە قاۋلىلارىن اتقارۋ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن دايەكتىلەندىرۋ جاعدايىن باقىلاۋدى، تەكسەرۋدى كۇشەيتىپ، ج ك پ اۆتونوميالى رايوندىق 9 - قۇرىلتايىنىڭ رۋحىن جانە اۆتونوميالى رايوندىق پارتكومنىڭ قىزمەت تالاپتارىن تياناقتاندىرۋ جاعدايىن باقىلاۋ - تەكسەرۋدى كۇشەيتىپ، بايقالعان ماسەلەلەردى دەر كەزىندە شەشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جارلىقتارىنىڭ ويداعىداي دايەكتىلەندىرىلۋىن قامتاماسىز ەتۋ، اۆتونوميالى رايوندىق پارتكومنىڭ ورنالاستىرۋ، تالاپتارىنىڭ تۇپكىلىكتى تياناقتاندىرىلۋىن قامتاماسىز ەتۋ كەرەك. ساياسي ءتارتىپ پەن ساياسي قاعيدانى قاتايتۋدى ماڭگى ءبىرىنشى ورىنعا قويىپ، بولشەكتەۋگە قارسى كۇرەس ءتارتىبىن قاتايتىپ، دۇرىس ستيلدى، جەمقورلىققا قارسى كۇرەستى ۇزبەي جالعاستىرۋدان جازباي، «جولبارىس سوعۋ» مەن «شىبىن قاعۋدى» مۇلدە بوساڭسىتپاي، ءتارتىپتىڭ اتقارىلۋىن باقىلاۋداعى «ءتورت ءتۇرلى كۇيدى» قاتاڭ تياناقتاندىرىپ، دۇرىس ستيلدى ساياسي ەكولوگيانى بەلسەنە قالىپتاستىرۋ كەرەك. ماسەلەسى بولسا، ءسوزسىز، جاۋاپقا تارتۋدان، جاۋاپقا تارتۋدا، ءسوزسىز، قاتاڭ بولۋدان جازباي، پارتيا ءىسى مەن پارتيا قۇرىلىسىنداعى، وتە - موتە، لاڭكەستىككە قارسى تۇرىپ، ورنىقتىلىقتى قورعاۋ قىزمەتىندەگى قىزمەتىن وتەمەۋ، جاۋاپسىزدىق ىستەۋ ارەكەتتەرىن قاتاڭ قۋزاپ، جاۋاپقا تارتۋدىڭ قاتال تەگەۋرىنى ارقىلى جاۋاپكەرشىلىكتىڭ تياناقتاندىرىلۋىن ىلگەرىلەتۋ كەرەك.

جاۋاپتى رەداكتور:سايراش تۇرارجان قىزى