مادەنيەتتىڭ دامۋى جۇرت جۇرەگىن نۇرلاندىرىپ، كۇش - قۋاتىن شوعىرلاندىردى

    − ج ك پ اۆتونوميالى رايوندىق 8 - قۇرىلتايىنان بەرگى ەكونوميكا مەن قوعام دامۋىنىڭ جەتىستىكتەرى جونىندەگى جەلىلەس حابار (11)

    مايگۇل ايتقازى قىزى

    مادەنيەت − ۇلتتىڭ جان تامىرى، حالىقتىڭ رۋحاني باۋ - باقشاسى.

    ج ك پ اۆتونوميالى رايوندىق 8 - قۇرىلتايىنان بەرى اۆتونوميالى رايوندىق پارتكوم پارتيانىڭ 18 - قۇرىلتايى مەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى رۋحىن باتىل دايەكتى تياناقتاندىرىپ، مادەنيەت ىستەرىنىڭ دامۋى مەن شينجياڭنىڭ ءىس جۇزىندىك جاعدايىن تىعىز ۇشتاستىرىپ، جەتەكشىلىك سيپاتى وتە كۇشتى پىكىرلەر مەن تياناقتاندىرۋ شارالارىن ورتاعا قويدى، نەگىزگى ساتىداعى بۇقاراعا قىزمەت ەتىپ، نەگىزگى ساتىنىڭ مادەنيەت قاجەتىن قاناعاتتاندىرىپ، شينجياڭنىڭ مادەنيەت ماركاسى مەن مادەنيەت - كوركەمونەر جاۋھارلارىن جاراتىپ، مادەنيەت كاسىبىن دامىتۋ جاعىندا كورنەكتى ناتيجەگە قول جەتكىزدى، ءسويتىپ، اۆتونوميالى رايونىمىزدىڭ ەكونوميكالىق قۇرىلىسى جانە قوعامىنىڭ دامۋى مەن ورنىقتىلىعىنا كۇشتى رۋحاني قوزعاۋشى كۇش جانە تاماشا مادەنيەتتىك ورتا ازىرلەدى.

    مادەنيەت ارقىلى حالىققا تيىمدىلىك جاساۋ ءار ۇلت حالقىنىڭ جۇرەگىن نارلەندىردى

    حوتان اۋدانى حانارىق قالاشىعى رەمبال قىستاعىنىڭ مادەنيەت اۋلاسىنداعى جەلمەن بىرگە تەڭسەلگەن تەرەك جاپىراقتارىنىڭ اراسىنان شۇعىلالى كۇن ساۋلەسى ءتۇسىپ تۇر. اۋلادا 10 نەشە جاس شاتتانا بيگە باسىپ ءجۇر؛ شاعىن ساحناداعى بىرنەشە قارت ونەرپازدىڭ ءبىرى راۋاپ شالىپ، ءبىرى داپ سوعىپ، ەندى ءبىرى عاجەك تارتىپ وتىر؛ ءۇي ىشىندە بىرنەشە ايەل قورالانا وتىرىپ توقىماشىلىق ونەرىن ۇيرەنۋدە؛ قاناتتاس كىتاپ ۇيىندەگى كىتاپ سورەلەرىنە جاعالاي الۋان مازمۇندى كىتاپ تىزىلگەن، بويجەتكەندەر مەن بوزبالالار وندا بار زەيىندەرىمەن كىتاپ وقۋدا. مۇنداي كورىنىس تيانشاننىڭ تۇستىگى مەن تەرىستىگىندەگى اۋىل - قىستاقتاردان بۇل كۇندە كوپتەپ كوزگە تۇسەدى.

    ج ك پ اۆتونوميالى رايوندىق 8 - قۇرىلتايىنان بەرگى 5 جىلدا اۆتونوميالى رايونىمىز الەۋمەتتىك مادەنيەت وتەۋ جۇيەسىن ۇزبەي كەمەلدەندىرىپ، مادەنيەت ارقىلى حالىققا تيىمدىلىك جاساۋ ينجەنەرياسىن جەدەلدەتىپ، مادەنيەتتىڭ دامۋى مەن گۇلدەنۋىن بارىنشا ىلگەرىلەتتى.

    − «10 مىڭ قىستاق پەن 1000 اۋىلدا مادەنيەت ونىمدەرى ارقىلى حالىققا تيىمدىلىك جاساۋ قيمىلىن» ورىستەتتى. 2011 - جىلدان بەرى اۆتونوميالى رايونىمىز 8 توپقا ءبولىپ، بۇكىل شينجياڭداعى ايماق، اۋدان، اۋىل - قىستاقتارداعى ءار دارەجەلى، ءار ءتۇرلى مادەنيەت ورىندارىنا كينوفيلم، تەلەفيلم، ساحنالىق تەاتردى قامتىعان دىبىس - كەسكىن بۇيىمىنان جالپى 36 ميلليون 62 مىڭىن، «بەس ورتاق تانىم» ۇگىت سۋرەتتەرىنەن 110 مىڭىن، ۇگىت كىتاپشاسىنان 220 مىڭىن تاراتتى، ت.ب. ءار دارەجەلى، ءار ءتۇرلى مادەنيەت ورىندارىنان ۇتىمدى پايدالانىپ، مادەنيەت ونىمدەرى قىزمەت وتەۋىنىڭ قوعامدىق ونىمدىلىگىن بارىنشا جوعارىلاتتى.

    − «شينجياڭداعى ۇلتتاردىڭ ءتول ادەبي شىعارمالارى مەن از ۇلت تىلىنەن حانزۋ تىلىنە، حانزۋ تىلىنەن از ۇلت تىلىنە اۋدارىلعان تۋىندىلاردى باسپادان شىعارۋ ينجەنەرياسىن» اتقاردى. اۆتونوميالى رايونىمىز 2011 - جىلى «شينجياڭداعى ۇلتتاردىڭ ءتول ادەبي شىعارمالارى مەن از ۇلت تىلىنەن حانزۋ تىلىنە، حانزۋ تىلىنەن از ۇلت تىلىنە اۋدارىلعان تۋىندىلاردى باسپادان شىعارۋ ينجەنەرياسىن» ۇيىمداستىرىپ جۇرگىزگەننەن بەرى، 5 توپتا جالپى 257 ءبولىم، 60 ميلليون 741 مىڭ ارىپتىك ۇزدىك ادەبي تۋىندى جانە اۋدارما تۋىندى جاريالاندى. سۇيەمەلمەن شىعارىلعان وسى ۇزدىك ادەبي تۋىندىلار تۇتاس شينجياڭداعى 5500 جوعارى، ورتا، باستاۋىش مەكتەپ پەن رايون، ايماق، اۋدان، اۋىلدارداعى 1000 نەشە كىتاپحاناعا، مادەنيەت سارايىنا، مادەنيەت پۋنكتى مەن وڭتۇستىك شينجياڭداعى 3 ايماق، ءبىر وبلىستاعى 4700 قىستاق مادەنيەت وتاۋىنا، الەۋمەتتىك اۋماق مادەنيەت ۇيىنە ۇسىنىلدى. ينجەنەريا اتقارىلعان 5 جىلدان بەرى اۆتونوميالى رايونىمىزداعى ءار ۇلت جازۋشىلارىنا شىعارما جازىپ، تالانتىن ايگىلەيتىن، نەگىزگى ساتىعا قىزمەت وتەيتىن ماڭىزدى تەكشە ازىرلەپ، بۇكىل شينجياڭداعى ءار ۇلت بۇقاراسىنىڭ رۋحاني مادەنيەت قاجەتىن قاناعاتتاندىردى.

    − شينجياڭ مادەنيەت - كوركەمونەر دارىندىلارىن باعىتتامالى كاسىپتەندىرۋگە تاربيەلەۋ قىزمەتىن اتقارىپ، مەملەكەتتەگى 24 كوركەمونەر جوعارى مەكتەبىنە 5 جىلدا جالپى 6 توپتا 1722 وقۋشى تاربيەلەتىپ، شينجياڭ مادەنيەتىنىڭ گۇلدەنىپ - كوركەيۋىن دارىندىلارمەن قامتاماسىز ەتتى.

    − مادەنيەت ارقىلى حالىققا تيىمدىلىك جاساۋ جەلىلەس قيمىلدارىن جاقسى قانات جايدىرىپ، نەگىزگى ساتىداعى مادەنيەت قۇرىلعىلارىن بىرگە قۇرىپ، بىرگە پايدالانۋدى ىلگەرىلەتتى. 26 مىڭ رەتتەن اسا 100 كۇندىك مادەنيەت الاڭى باسەكە قيمىلىن، 24 مىڭ رەتتەن اسا اۋىل - قىستاق 100 كۇندىك مادەنيەت - دەنە تاربيە جارىسىن وتكىزدى، 600دەن استام رەت «ءتورت ءبىر» مادەنيەت - كوركەمونەر ارقىلى حالىققا تيىمدىلىك جاساۋ، نەگىزگى ساتىعا شاتتىق جەتكىزۋ، بۇقارانىڭ اپتالىق ساحنا قيمىلى سياقتى جەلىلەس مادەني قيمىلدار ورىستەتتى، ايماق، اۋدان دارەجەلى كاسىپتىك كوركەمونەر ۇيىرمەلەرىنىڭ كونسەرتتەرىن ۇكىمەت ورىندارى اقشا تولەپ كورسەتۋ مەحانيزمىن اتقارىپ، ءار ۇلت بۇقاراسىن مادەنيەتتەن شىنايى سۋسىنداتتى.

جاۋاپتى رەداكتور:سايراش تۇرارجان قىزى