ءوز حابارىمىز" />

جۇڭگو . تەكەس 5 - كەزەكتى «ٴتاڭىرتاۋ مادەنيەت - ساياحات ماۋسىمى» مەرەكەسى سالتاناتپەن باستالدى

      تىلشىلەرىمىز جانات تولقىن ۇلى مەن جانبولات ماناربەك ۇلى حابارلايدى. جۇڭگو . تەكەس 5 - كەزەكتى «ءٴتاڭىرتاۋ مادەنيەت - ساياحات ماۋسىمى» مەرەكەسى 28 - مامىر كۇنى تەكەس اۋداندىق مادەنيەت، دەنەتاربيە الاڭىندا شىمىلدىعىن اشتى.  ىلە قازاق اۆتونوميالى وبلىستىق پارتكومنىڭ ورىنباسار شۋجيى ءانۋار ابدۇشۇكىر جولداس سالتاناتتى مەرەكەنىڭ باستالۋ سالتىندا ءٴسوز سويلەدى، اشىلۋ سالتىن تەكەس اۋداندىق پارتكومنىڭ ورىنباسار شۋجيى، اۋدان اكىمى جاڭارسىن نۇراش ۇلى باسقارىپ اشىپ، اۋداندىق پارتكومنىڭ شۋجيى لي ۋەي جولداس قيمىلعا ارناۋ ٴءسوز سويلەدى. 

    كەزەكتى مەرەكە بايلانىسىمەن وتكىزىلگەن جەلىلەس قيمىلداردان «6 - كەزەكتى حالىقارالىق فوتو فەستيۆالى باسەكەسىنىڭ ناتيجەسىن ساراپتاۋ»، «ءجۇز جۇپ قارا كوز تىلەكتەس — شينجياڭ ٴجۇز ادامدىق ءىزباسار فوتوگرافتاردى تاربيەلەۋ جوسپارىن باستاۋ سالتى» وتكىزىلىپ، ءار ۇلت بالدىرعان فوتو اۋەسكەرىنە فوتو اپپارات ۇسىنىلدى، سونىمەن بىرگە مەملەكەتتىك باقشا تورابى فوتو جاسامپازدىق بازاسى ماڭدايشالىعىن ءىلۋ سالتى، جۇڭگو فوتوسۋرەتشىلەر قوعامى توراپ شوعىرى فوتو جاسامپازدىق بازاسى ماڭدايشالىعىن ءىلۋ سالتى بولىپ ءوتتى.

    كەزەكتى مەرەكە بايلانىسىمەن وتكىزىلگەن سالتاناتى ەرەك، تاماشاسى بولەك ءىس - شارالار ياعني  ۇلتتىق ونىمدەر كورمەسى، بۇقا تارتىس، بالۋان، قىزقۋار، قول كۇرەس قاتارلى ۇلتتىق بوياۋى قانىق قيمىلدار دا مەرەكەنىڭ مەرەيىن اسىرىپ، سالتاناتىنا ءسان قوستى. 

سالتاناتتى مەرەكەدەگى مەرەيلى ساتتەردەن ءبىر كورىنىس

 
 
جاۋاپتى رەداكتور:سايراش تۇرارجان قىزى