مالشىلاردىڭ تىرلىك كۇيبىڭىن ويلارىنان شىعارمادى

    سەرىك يمانقان ۇلى حابارلايدى. بۋرىلتوعاي اۋدانى كوكاعاش اۋىلىنىڭ بىرلىك قىستاعى قازاق ۇلتىن نەگىز ەتكەن مال شارۋاشىلىعىمەن اينالىسقان قىستاقتاردىڭ ءبىرى، مالشىلار جىل سايىن ءار تۇلىك مالىن تاۋ دالاداي جاسىل تاۋعا وتتاتىپ، كەر جايلاۋعا شىعىپ، ساحاراعا تامىر تارتادى. قيىر قونىپ، شەت جايلاپ جۇرەتىن مالشىلار ءار جىلى كوكتەم، كۇز ماۋسىمىندا بۋىنشاق-تۇيىنشەكتەرىن قامدانىپ، الدىنا اقتىلى قوي، الالى جىلقسىن ايداپ، الىس جول باسىپ كوشىپ-قونادى.

    مىنە وسىنداي الىس شاقىرىمدىق كوش جولىنداعى ساپار حاۋىپسىزدىگى قىستاقتىڭ نازار اۋدارۋعا ءتيىستى ماڭداى الدى جۇمىسى سانالادى. اۋداندىق قازىنا باقىلاۋ مەكەسىنەن وسى قىستاققا تۇسكەن قىزمەت اترەتى جۇمىسقا ارالاسقاننان بەرى، مالشىلاردىڭ قيىر قونىپ، شەت جايلاۋ بارىسىنداعى قيىنشىلىقتارىن قايتكەندە ويداعىداي شەشۋدى حالىق جۇرەگىنەن ورىن الۋداعى ءىرى ءىس رەتىندە مىقتى ۇستادى.

    تاياۋدا وسى قىستاققا قاراستى 35 مالشى وتباسى ىلگەرىندى-كەيىندى ساربۇلاق وڭىرىنەن بەرى قاراي كوشە باستادى. قۇبىلمالى اۋا رايى وزگەرىسى كەنەت بۇزىلىپ، تولاسسىز جاڭبىر جاۋدى، مىنە وسىنداي ساتتە، قىزمەت اترەتى جول ازابىمەن كۇرت تومەندەگەن اۋا رايى وزگەرىسى كوش-قون جۇمىسىنا كوپتەگەن قيىندىقتار الا كەلەتىن ويلاستىرىپ، ارناۋلى ۋاقىتتارىن شىعارىپ، مالشىلاردىڭ ءسوزسىز باسىپ وتەتىن جول بولەگىنە بارىپ، مال-تۇلىكتەرىن ۇيىرىنەن الىستاتپاي ايداپ، مال-تۇلىكتەرىنىڭ وسىنداي سۇركەيلى ورتادا جوعالىپ كەتپەۋىنە مۇمكىندىك جاسادى. جانەدە مالشىلاردىڭ ارەدىك ايالداعان ساتىندە ولارعا قوعام ورنىقتىلىعى، حاۋىپسىز ءوندىرىس سياقتى مازمۇندار جاقتارىندا ۇگىت-ءناسيحاتىن ايتىپ، ولارعا دەركەزىندە پارتيانىڭ ءۇنىن جەتكىزۋىمەن قاتار قامقورلىعىندا قالدىرماي جەتكىزىپ وتىردى.

    ۇعىسۋعا قاراعاندا، بىرلىك قىستاعىنىڭ كۇزگى كوشى-قونىندا ءىرى قارا مالدان 18 مىڭ باس تۇياق، ۇساق مالدان 12مىڭ تۇياق بولىپ، 150 كيلومەتردەن استام جول باسىلىپ، بەس كۇن اينالاسىندا كوزەۋلى ورىنعا جەتەدى ەكەن.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:سايراش تۇرارجان قىزى