ۇلى گۇلدەنۋدىڭ داۋىرلىك ۇنىنە قۇلاق ءتۇردى

    ــ پارتيانىڭ 18 – قۇرىلتايىنان بەرى باس شۋجي شي جينپيڭنىڭ ەل ىشىندە قىزمەت تەكسەرگەنى جونىندە جالپىلىق بايان

    پارتيانىڭ 18 – قۇرىلتايىنان بەرى باس شۋجي شي جينپيڭ نەگىزگى ساتىلارعا بارىپ 50 رەت تەكسەرىپ – زەرتتەۋ جۇرگىزدى، جالپى 151 كۇندى نەگىزگى ساتىدا وتكىزدى، جۇڭگونىڭ ولكە، توتە قاراستى قالا، اۆتونوميالى رايوندارىن نەگىزىنەن ارالاپ شىقتى.

    مۇقيات تەكسەرىپ – زەرتتەۋ ساپارى ۋاقىت كەڭىستىگىن توعىستىردى. مۇنىڭ بارلىعى حالىقتى الدىڭعى ورىنعا قويامىز دەيتىن ۋادەنى ورىنداۋ، ۇلتتىڭ ۇلى گۇلدەنۋى جولىنداعى بورىشتى ارقالاۋ، ءتىپتى دە كوركەم بولاشاق جاراتۋ ءۇشىن ەدى.

    «كوپتىڭ جۇمىسىن كوكەيدەن شىعارماي، قاجىرلىلىقپەن قىزمەت ىستەپ، تاريح، حالىق الدىندا تولىمدى جاۋاپ قايتارۋعا قۇلشىنۋ كەرەك».

    ءار قادامدى نىق باسىپ، قۇنارلى جەرگە تامىر تارتتى، بۇل سالتاناتتى ۋادەنى ىسكە اسىرۋدىڭ جولى ەدى

    شىنجىننىڭ ليانحۋا تاۋى جاپ – جاسىل بولىپ كوز تارتىپ تۇر. 5 جىلدىڭ الدىندا باس شۋجي شي جينپيڭ بەيجيڭنەن العاش ۇزاپ شىعىپ، تەكسەرۋ – زەرتتەۋ قيمىلىن وسى ارادان باستاپ، ءۇمىت ۇرىعىن سەپتى.

    سودان باستاپ تالاي – تالاي تاۋلاردى اسىپ، تالاي – تالاي جولداردى باستى.

    5 جىلدان بەرى باس شۋجي شي جينپيڭ وتانىمىزدىڭ بايتاق الابىنا دۇركىن – دۇركىن قادام تاستاپ، حالىقتىڭ تىلەگىنە شىن ىقىلاسپەن قۇلاق ءتۇردى، ناقتى ىستەۋ رۋحىمەن سالتاناتتى ۋادەسىن ورىندادى.

    «ءبىز، ءسوزسىز، باستان – اياق حالىقپەن تىلەكتەس بولىپ، جاپا – ماشاقاتتى حالىقپەن بىرگە ارقالاپ، حالىقپەن ىنتىماقتاسا كۇرەس جۇرگىزىپ، كوپتىڭ جۇمىسىن كوكەيدەن شىعارماي، قاجىرلىلىقپەن قىزمەت ىستەپ، تاريح، حالىق الدىندا تولىمدى جاۋاپ قايتارۋعا قۇلشىنۋىمىز كەرەك».ەستەن كەتپەس كورىنىستەر، اسەرلى قاس قاعىم ساتتەر باس شۋجي شي جينپيڭنىڭ وسى 5 جىلدان بەرگى تەكسەرۋ – زەرتتەۋ جولدارىنىڭ ەستەلىگى رەتىندە قالىپ وتىردى.

جاۋاپتى رەداكتور:سايراش تۇرارجان قىزى