8 ءتۇرلى بەلگىلەمە − سەرت ۇستاعان سەمسەر

    − پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 8 ءتۇرلى بەلگىلەمەنى دايەكتى اتقارىپ، ستيل قۇرىلىسىن ىلگەرىلەتكەنى تۋرالى جالپى شولۋ

    شينحۋا اگەنتتىگىنىڭ تىلشىلەرى جۋ جيچاي، لو شا، رۇڭ چيحان، لي ياحۇڭ

    جۇڭگونى وزگەرتكەن ساياسي ءسوز تىركەسى − 8 ءتۇرلى بەلگىلەمە جۇڭگو كوممۋنيستىك پارتياسىنىڭ جاماندىقتى تيىپ، جاقسىلىقتى دارىپتەگەن ستيل وزگەرىسىنىڭ باستاۋى بولدى.

    2012 - جىلى 4 - جەلتوقساندا ورتالىق كوميتەتتىڭ ساياسي بيۋروسى قىزمەت ستيلىن جاقسارتىپ، بۇقارامەن بايلانىستى نىعايتۋ جونىندەگى 8 ءتۇرلى بەلگىلەمەنى، اتاپ ايتقاندا، ورتالىقتىڭ 8 ءتۇرلى بەلگىلەمەسىن قاراپ، ماقۇلدادى، ونان بەرى دە 5 جىل وتە شىقتى.

    5 جىلدا ەل - جۇرتتى يلاندىرارلىق ونەگە ورناتىلدى. شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى تاريحي مىندەتكەرلىك جانە قاجىماس - قايتپاس ەرىك - جىگەرمەن پارتيا ىشىندە ورىن تەپكەن ءتۇرلى - ءتۇستى ماسەلە مەن كىناراتتارعا بەتپە - بەت كەلىپ، ورتالىقتىڭ 8 ءتۇرلى بەلگىلەمەسىن بەلگىلەۋ مەن اتقارۋدى بەتاشار ەتىپ، بارىنشا قاتاڭ بولىپ، وزىنە قاتاڭ تالاپ قويىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، بۇرىن شەشىلۋى مۇمكىن ەمەس دەپ قارالىپ كەلگەن كوپتەگەن ماسەلەنى شەشتى، پارتيا ستيلىندە، اكىمشىلىك ستيلدە جانە قوعامدىق سالتتا جاپپاي تەرەڭ، ىقپالى ۇزاققا جالعاساتىن، جۇرەكتەرگە شابىت بەرەتىن وزگەرىستەر جارىققا شىقتى. ورتالىقتىڭ 8 ءتۇرلى بەلگىلەمەسى كوپتىڭ رايىن سىننان وتكىزىپ، پارتيانىڭ بيلىك تۇعىرىن بەكەمدەي ءتۇستى.

    5 جىلدا يگىلىكتى ۇلگى كورسەتىلدى. ءار دارەجەلى پارتيا ۇيىمدارى، جەر - جەر، تاراۋلار، قالىڭ پارتيا مۇشەلەرى، كادرلار يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ورتالىقتىڭ 8 ءتۇرلى بەلگىلەمەسىنىڭ رۋحىن دايەكتىلەندىرۋدى، تياناقتاندىرۋدى ماڭىزدى ساياسي مىندەت رەتىندە يگەرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، «4 ءتۇرلى بۇرىس ستيلدى» ءجىتى تۇزەتىپ، ستيلگە وزگەرىس جاسادى. قازىرگى كۇندە 8 ءتۇرلى بەلگىلەمە پارتيا 18 - كەزەكتى ورتالىق كوميتەتىنىڭ پارتيانى جاپپاي قاتاڭ جونگە سالۋىنىڭ جارقىن تاڭباسىنا، جۇڭگونىڭ پارتيا ستيلىن، اكىمشىلىك ستيلىن جانە قوعامدىق سالتىن وزگەرتكەن بەلگىلىك سيپاتتى سوزگە اينالىپ ۇلگىردى.  

ارەكەتىمەن ءامىر بەرىپ، ءوز باسىنان ۇلگى كورسەتتى 

    − شي جينپيڭ جولداستى ۇيتقى ەتكەن پارتيا ورتالىق كوميتەتى ستيل ماسەلەسىن ساياسي تۇرعىدان تانىپ جانە وعان مامىلە جاساپ، باستاماشىلدىقپەن ونەگە كورسەتىپ، تومەندەگىلەرگە ۇلگى بولىپ، بۇكىل پارتياعا شۇعىلالى ونەگە ورناتتى

    5جىلدىڭ الدىنداعى سول ءبىر كورىنىس كۇنى بۇگىنگە دەيىن ەل - جۇرتتىڭ ەسىندە −

    2012 - جىلى 7 - جەلتوقسان تۇستەن كەيىن گۋاڭدۇڭنىڭ شىنجىن قالاسى، چيانحاي شىنجىن - شياڭگاڭ سەلبەستىك رايونىنا باراتىن جول ادەتتەگىدەي ىركىلىسسىز، 8 اۆتوكولىكتەن قۇرالعان كولىك تىزبەگى الەۋمەتتىك كولىك، تاكسي، جەكە كولىكتەرمەن قاتار ءجۇرىپ، باعدار شامداردىڭ جول نۇسقاۋىمەن ىلگەرىلەپ كەلە جاتتى.

    جول بوساتىلعان جوق، بەكىتىلگەن جوق، حالىق قانجىلىك بولعان جوق، قىزىل كىلەم توسەلگەن جوق، ۇران - پلاكاتتار ىلىنگەن جوق، ساتى - ساتىدان جولسەرىك ەرگەن جوق، بۇقارامەن قويان - قولتىق ارالاسىپ جۇرە بەردى، باس شۋجي شي جينپيڭنىڭ پارتيانىڭ 18 - قۇرىلتايىنان كەيىن تۇڭعىش رەت بەيجيڭنەن سىرت جەردە قىزمەت تەكسەرۋى جۇرتقا تەرەڭ اسەر قالدىردى.

    سونان 3 كۇن ىلگەرى، ورتالىق كوميتەت ساياسي بيۋروسىنىڭ ماجىلىسىندە ورتالىقتىڭ 8 ءتۇرلى بەلگىلەمەسى قارالىپ، ماقۇلدانعان بولاتىن.

    ورتالىقتىڭ 8 ءتۇرلى بەلگىلەمەسى نەبارى 600 نەشە ارىپتەن تۇرادى، ءبىراق مازمۇنى وتە باي، وندا تەكسەرۋ - زەرتتەۋ، ءماجىلىس - قيمىلدار، حۇجات - قىسقا مالىمەت، ءىسساپار قيمىلدارى، قورعاۋ قىزمەتى، حابار - اقپارات، ماقالا جاريالاۋ، ۇنەمشىل بولۋ سياقتى 8 جاقتان ستيل قۇرىلىسىن كۇشەيتۋدىڭ قاعيدالارى ايقىندالعان، وندا سالبوكسەلىكتەن ادا، قۇرعاق ۇراننان امان بولۋ، ەسەسىنە، ءومىر سۇرگەن ماسەلەلەرگە بەتپە - بەت كەلىپ، ناقتى تالاپتار ورتاعا قويىلعان. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا ىشىندە ورىن تەپكەن ماسەلەلەردى تەرەڭ باقىلاپ، پارتيانى جاپپاي قاتاڭ جونگە سالۋداعى «ءبىرىنشى قانداۋىرى» ەدى.

    ءدال سول رەتكى ماجىلىستە باس شۋجي شي جينپيڭ باس بولىپ ۋادە بەرىپ، ۇندەۋ شىعارىپ، جاڭا كەزەكتى ورتالىق كوميتەتتىڭ ساياسي بيۋروسىنىڭ مۇشەلەرىنە تالاپتار قويدى:

    «پارتيا ستيلى، پاكتىك قۇرىلىسىن باسشى كادرلاردان باستاۋ كەرەك، باسشى كادرلار دەگەندە، الدىمەن ورتالىقتىڭ باسشىلارىنان باستاۋ كەرەك. ءوزى ءتۇزۋ بولماسا، ەلدى قالاي تۇزەمەك».

    «قاعيدا تەجەۋ رولىن اتقارادى، سوندىقتان قاتاڭىراق بولعانى ءجون». «ءبىز ازىراق جايسىزدىق، ىڭعايسىزدىق سەزىنسەك، بۇقارانىڭ جايلىلىعى مەن رازىلىعى جوعارىراق بولادى، بىزگە دەگەن كوزقاراسى تۇزۋرەك بولادى. بۇل دا جاڭا بەينە، تىڭ تىنىس سانالادى».

    قوعامدى باسقارۋعا شەبەر ادام الدىمەن ءوزىن تەجەپ ۇستاپ، سونان سوڭ باسقالارعا تالاپ قويادى.

    تاريحي تاپسىرمانى ۇستىنە العان جاڭا بۋىن كوممۋنيستەر قاعيدا ورناتۋدان باستاپ، ستيل قۇرىلىسىنان كىرىسىپ، ەڭ جوعارى باسشىلىق ساتى باستاماشى بولىپ، ءوز بەينەسىن قايتا سومداۋدىڭ «العاشقى ارەكەتىن» باستادى.

    ورتالىق كوميتەت ساياسي بيۋروسى تۇراقتى كوميتەتىنىڭ 36 رەتكى ماجىلىسىندە، ورتالىق كوميتەت ساياسي بيۋروسىنىڭ 21 رەتكى ماجىلىسىندە ورتالىقتىڭ 8 ءتۇرلى بەلگىلەمەسىن دايەكتىلەندىرىپ، اتقارىپ، ستيل قۇرىلىسىن كۇشەيتۋ ارناۋلى اقىلداسىپ، ورنالاستىرىلدى؛

    جىل سايىن وتەتىن ورتالىق كوميتەتتىڭ جالپى ءماجىلىسى، ورتالىق ءتارتىپ تەكسەرۋ كوميتەتىنىڭ جالپى ءماجىلىسى، ورتالىقتىڭ ەكونوميكالىق قىزمەت ءماجىلىسى سياقتى ماڭىزدى ماجىلىستەردىڭ بارلىعىندا باس شۋجي شي جينپيڭ ستيل قۇرىلىسى جونىندە ايقىن تالاپتاردى ورتاعا قويىپ كەلەدى؛

    پارتيا ورتالىق كوميتەتى ىلگەرىندى - كەيىن پارتيانىڭ بۇقارالىق لۋشيان تاربيەسى جانە اماليات قيمىلىن، «ۇشتە قاتاڭ، ۇشتە شىنايى بولۋ» ارناۋلى تاربيەسىن، «ەكىنى ۇيرەنىپ، بىردە تولىمدى بولۋ» ۇيرەنۋ - تاربيەسىن ورىستەتىپ، ورتالىقتىڭ 8 ءتۇرلى بەلگىلەمەسىنىڭ رۋحىن دايەكتى اتقارىپ، ستيل قۇرىلىسى جاعىندا ورىن تەپكەن ماسەلەلەردى شەشۋدى ماڭىزدى مازمۇن ەتتى؛

    ورتالىق كوميتەتتىڭ ساياسي بيۋروسى ىلگەرىندى - كەيىن 3 مارتە دەموكراتيالىق تۇرمىس جيىنىن اشىپ، ورتالىقتىڭ 8 ءتۇرلى بەلگىلەمەسىنىڭ اتقارىلۋ جاعدايىنا سالىستىرا تەكسەرۋ جۇرگىزىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتىپ، وزىندىك قۇرىلىس پەن ستيل قۇرىلىسىن كۇشەيتۋدىڭ شارالارىن اقىلداستى.

جاۋاپتى رەداكتور:سايراش تۇرارجان قىزى