قىزمەت اترەتىندەگىلەر مالشىلارعا كوش جولىن جوندەپ بەردى

    قۇرمانگۇل اسپەن قىزى، گۇلايشا ەلسىنقان قىزى حابارلايدى. 30-قىركۇيەك، اعاشوبا اۋىلىنىڭ داباتى، تاراتى اڭعارىندا ءىرى تۇرپاتتى قازۋ ماشيناسىنىڭ جول جوندەپ جاتقانىن بايقادىق، تاس كەسەكتەرى، توپىراق ۇيىندىلەرى جولدىڭ ەكى جاعىنا قاراي كۇرەلىپ، جاڭا كوش جولىن قالىپتاستىرعان ەكەن.

    شارىقتاس قىستاعى اعاشوبا اۋىلىنىڭ تيپتىك مال شارۋاشىلىق قىستاعى بولىپ، بۇكىل قىستاق 4 تابيعي قىستاققا بولىنەدى. مۇنىڭ ىشىندە، داباتى، تاراتى تابيعي قىستاعىندا 70 وتباسى، 1000 مۋ شاپپالىق بار بولىپ، داباتى، تاراتى كوش جولى وسى قىستاقتاعى مال تۇلىگىنىڭ كوشى-قونىنا پايدالانىلاتىن جول سانالادى، ءار جىلى جاۋىن-شاشىن، تاسقىن مول بولاتىندىقتان، بۇل جولدىڭ كوپ جەرلەرىن سۋ جىرىپ، ساي اراسىنداعى جولدار قاتەرلى ءارى تار بولىپ، مالشىلاردىڭ مال باعۋى مەن كوشى-قونىنا قولايسىزدىقتار تۋدىردى. ولار تەك اتقا نەمەسە موتوسيكىلگە ءمىنىپ، كوشەدى ەكەن.

    شىڭگىل اۋداندىق مال شارۋاشىلىق مەكەمەسىنەن اتالعان قىستاققا تۇسكەن قىزمەت اترەتىندەگى كادرلار بۇل جاعدايدى كورگەن سوڭ، كوش جولىنا تەكسەرۋ جۇرگىزىپ، شارىقتاس قىستاق كوميتەتىمەن بىرلەسىپ، كونە جولدى جوندەۋ نەگىزىندە، جاڭا جولدار مەن تاۋ جولدارىن قايتا سالىپ، كەيبىر جول بولەكتەرىن كەڭەيتىپ، 20 كۇن تىنباي جۇمىس ىستەپ، جاڭا كوش جولىن سالىپ شىقتى ءارى ونى قولدانىسقا بەردى.

    ۇعىسۋىمىزشا، داباتى، تاراتى كوش جولىنا 180 مىڭ يۋان جۇمسالعان بولىپ، مۇنىڭ ىشىندە، شارىقتاس قىستاعىنا تۇسكەن قىزمەت اترەتى 50 مىڭ يۋان، شارىقتاس قىستاعىنىڭ قىستاق كوميتەتى 130 مىڭ يۋان قارجى قوسقان، كوش جولىنىڭ جالپى ۇزىندىعى 32 كيلومەتر بولىپ، جەرگىلىكتەگى 70 مالشى وتباسىنىڭ كوشى-قون ماسەلەسىن شەشىلگەن.

جاۋاپتى رەداكتور:سايراش تۇرارجان قىزى