قابا اۋدانى سارتام اۋىلىنىڭ كۇز ماۋسىمىنداعى حايۋاناتتار ىندەتىنىڭ الدىن الۋ قىزمەتى جالپى بەتتىك ورستەتىلدى

    بوكەن قۇمارقان ۇلى حابارلايدى. كۇز ماۋسىمى كەلۋ بايلانىسمەن، قابا اۋدانى سارتام اۋىلى حايۋاناتتار ىندەتىنىڭ الدىن الۋ قىزمەتىن جالپى بەتتىك مىقتى ۇستاپ، بۇل قىزمەتتى اۋىلدىقتىڭ ماڭىزدى قىزمەتىنىڭ كۇن تارتىبىنە ەنگىزىپ، 19 اكىمشىلىك قىستاق جانە اۋىلدىق مال دوحتىرحاناسىمەن جاۋاپكەرشىلىك توقتامىنا قول قويىپ، ارناۋلى مال دوحتىر، قىستاق باستىقتارىنان ادام ورنالاستىرىپ، اۋىلداعى ءارقايسى قىستاقتاردا حايۋاناتتار ىندەتىنىڭ الدىن-الۋ قىزمەتى تىڭعىلىقتى ورستەتىلدى.

    تۇتاس اۋىلدا حايۋاناتتار ىندەتىنىڭ الدىن الۋ قىزمەتىن جۇرگىزۋ ءۇشىن، ءبىر جاعىنان ۇگىت تەبىنىن كۇشەيتىپ، ءار قايسى قىستاق وتباسىلارىنا بارىپ، مالدا بولاتىن ىندەتتىڭ الدىن الۋ بىلمدەرىن جەتكىزىپ، قاتىستى ساياساتتاردى ءتۇسىندىرىپ، ولاردىڭ تانىمىن، بەلسەندىلكتەرىن جوعارىلاتىپ، ىندەتتىڭ الدىن-الۋ قىزمەتىنىڭ ساپاسىنا كەپىلدىك ەتتى، سونمەن بىرگە، حايۋاناتتار ىندەتىنەن ساقتانۋ، ونى تىزگىندەۋ ارناۋلى تەكسەرۋ گرۋپپاسىن قۇرىپ، قۇرىلعان تەكسەرۋ گرۋپپاسى حايۋاناتتار ىندەتىنىڭ الدىن-الۋ، ۆاكسينا سالىنۋ جاعدايىن قۋزاپ، سالىستىرىپ تەكسەرۋ جۇرگىزىپ، ناقتىلى ساندىق مالىمەتتەرىن تۇراقتاندىردى.

    ۇعىسۋعا قاراعاندا، سارتام اۋىلى كۇز مەزگىلىندەگى حايۋاناتتار ىندەتىنىڭ الدىن الىپ، ۆاكسينا سالۋ قىزمەتى 10– قازاننان ورىندالىپ بولىپ، ىندەتتىڭ الدىن الۋ مولشەرى %100 كە جەتكەن.

ءتىلشىنىڭ قىزمەت ورنى: قابا اۋدانى سارتام اۋىلدىق ۇكىمەت 

جاۋاپتى رەداكتور:نۇرجان مينۋار قىزى