رايونىمىزداعى تۇڭعىش رەتكى جەرگىلىكتە وندىرىلگەن «جىبەك جولى ءنومىرلى» مەترو رەسمي لەنياعا ءتۇستى

 
28-قىركۇيەك «جىبەك جولى» ءنومىرلى مەترو رەسمي لەنياعا ءتۇستى.

    قىزىل گۇل تاعىلعان، بيىكتىگى 3 مەتر 80 سانتيمەتر، ۇزىندىعى 140 مەتر كەلەتىن «جىبەك جولى ءنومىرلى» مەترو شينجياڭداعى رەلستى قاتىناس جابدىقتارى ءونىمىنىڭ «نولدىك» رەكوردىن بۇزدى.

    سول كۇنى، «جىبەك جولى ءنومىرلى» مەترو سيگنال بەرىپ، اقىرىن-اقىرىن جىلجىپ ءۇرىمجى ەكونوميكالىق اشۋ رايونىنىڭ (تۋتۇنحى رايونى) ءۇرىمجى جۇڭچى ونەركاسىپ باقشاسى اۆتوكولىك بازاسىنان شىقتى، رايونىمىزداعى تۇڭعىش رەتكى جەرگىلىكتە وندىرىلگەن «جىبەك جولى ءنومىرلى» مەتروسىن ءۇرىمجى جۇڭچى سەرىكتەستىگى رەسمي لەنياعا ءتۇسىردى.

    «جىبەك جولى ءنومىرلى» مەتروسىنىڭ سىرتقى كورىنىس جوباسى جاڭا، اق ءتۇستى نەگىز ەتكەن، جولاقتى بەلدەۋى «تەحنيكالىق كوك ءتۇس»، باس ءبولىمى سارعىلت ءتۇستى «U» فورماسىندا، ءۇرىمجىنىڭ اعىلشىنشا جازىلۋىنداعى «Urumqi» ۋاكىلدىك ەتەدى. اق، كوك، سارعىلت ءۇش تۇستەن قۇرالعان.

    «جىبەك جولى ءنومىرلى» مەترونىڭ ىشىندە، ءۇرىمجى قالا تۇرعىنى لياڭ شينشين ۇيالى تەلەفونىمەن «شينجياڭ وندىرگەن» مەترونىڭ ءىشىن ەستەلىككە الدى.

    مەترونىڭ ءىشى تازا، كەڭ، جانعا جايلى، بۇرىن ۇنەمى ىشكى ولكەدە مەتروعا وتىراتىنبىز، قازىر شينجياڭدادا ءوزىمىز وندىرگەن مەترو بار بولدى، بۇنى ماقتانىش سەزىنەمىن. ونىڭ جابدىقتارى ىشكى ولكەنىكىنەن كەم ەمەس، كوپشىلىك تە ونىڭ ىسكە قوسىلۋىن اسىعا كۇتەدى دەپ ويلايىمىن»،-دەدى لياڭ شينشين.

    جۇڭچى سەرىكتەستىگىنىڭ باس جوراسى، پارتكوم شۋجيى جوۋ چيڭحى تىلشىگە بىلاي دەپ تانىستىردى: رەلىس قاتىناسى قۇرىلعاننان كەيىن جۇرتشىلىقتىڭ ءجۇرىپ-تۇرۋىنا قولايلى بولادى، ەكولوگيالىق ورتانى جاقسارتۋعا، قالا تۇرعىندارىنا قولايلىلىق جاراتۋدا ماڭىزدى مانگە يە، رايونىمىزداعى تۇڭعىش جەرگىلىكتە وندىرىلگەن مەترو رەسمي لەنياعا تۇسسە، رايونىمىزداعى رەلىس قاتىناس جابدىقتارىنداعى بوستىقتى تولتىرىپ قانا قويماي، پارتيا 19-قۇرىلتايىنىڭ اشىلۋىنا ساۋعا رەتىندە ۇسىنىلاتىن ەدى.

    تانىستىرۋعا قاراعاندا، ءۇرىمجى قالاسىنىڭ ەرەكشەلىگىنە ۇشتاستىرىپ، مەترو 1-لەنياسى كوپ ءتۇرلى جاسامپازىق سيپاتتى جۇزەگە اسىردى. كوپ ارنانى بىتىراتىپ، كوپ ءتىلدى دىبىس ەسكەرتپەسى، رايونىمىزدىڭ اۋارايى ەرەكشەلىگىنە نەگىزدەلىپ، ەرەكشە سۋىق پەن جوعارى تەمپەراتۋرادا قالىپتى جۇمىس ىستەۋ قاتارلى قاسيەتىن جاقسارتتى، قالا تۇرعىندارىن قولايلى، جانعا جايلى، حاۋىپسىز مەتروعا وتىرۋ قىزمەت كورسەتۋىمەن قامدايدى.

    ءۇرىمجى مەترو 1-لەنياسىنىڭ جالپى ۇزىندىعى 27.6 كيلومەتر، 21 ايالداما قۇرىلعان، لەنياعا A تۇرپاتتى مەترو تۇسكەن، مەترو 6 بولەكتەن قۇرالعان، ەڭ جوعارى تاسىمال قارقىنى ساعاتىنا 80 كيلومەتر. مەترونىڭ جالپى ۇزىندىعى 140 مەتر، بيىكتىگى 3.8 مەتر، ۆاگون بيىكتىگى 2.1 مەتر كەلەدى.

    «ءبىز ۋاقىتتى مىقتى ۇستاپ، ساپاعا كەپىلدىك ەتۋ احۋالى استىندا، كەلەر جىلى ءۇرىمجى قالا تۇرعىندارىن رايونىمىزدا وندىرگەن مەتروعا وتىرعىزۋعا كۇش سالامىز»،-دەدى قالا رەلىس توبى شەكتى جاۋاپكەرلىك سەرىكتەستىگىنىڭ ورىنباسار ديرەكتورى لي چيڭكاي.

جاۋاپتى رەداكتور:نۇرجان مينۋار قىزى