شينجياڭ «تاكلاماكانداعى بارابان ءۇنى» كينوسى «بەس ءبىر ينجەنەرياسى» سيلىعىنا يە بولدى

    2017-جىلى 17-ءساۋىر كۇنى، «تاكلاماكانداعى بارابان ءۇنى» بەيجيڭ حالىق سارايىندا تۇڭعىش رەت قويىلىمى ءوتتى.

    27-قىركۇيەك كۇنى، 14-كەزەكتى رۋحانى مادەنيەت قۇرىلىسى «بەس ءبىر ينجەنەرياسى» ماداقتاۋ اڭگىمە جينالىسى بەيجيڭدە اشىلدى. 16 ۇيىمداستىرۋ قىزمەتى العا باسار مەكەمەلەرى جانە 67 تۋىندى سيلاندى. اۆتونوميالى رايوندىق ۇگىت ءبولىمى، اۆتونوميالى رايوندى اقپارات باسپا راديو-تەلەۆيزيا مەكەمەسى، تيانشان كينو ستۋدياسى بىرلەسىپ جاساعان كينو-فيلىم «تاكلاماكانداعى بارابان ءۇنى» 14-كەزەكتى رۋحانى مادەنيەت قۇرىلىسى «بەس ءبىر ينجەنەرياسى» سيلىعىنا يە بولدى.

    «تاكلاماكانداعى بارابان ءۇنى» كينوسى تاكلاماكان ءشولى جيەگىندەگى ءبىر قىستاقتاعى ۇيعۇر بويجەتكەن ايگۇلدىڭ ءبي ارمانىن وزەك ەتىپ، شينجياڭ حالقىنىڭ جاقسى تۇرمىسقا دەگەن اسەرلى اڭگىمەسىن بەينەلەگەن، كوركەمونەرلىك تاسىلمەن اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» قىزمەتى ورىستەتىلگەننەن بەرگى، شينجياڭ حالىق تۇرمىسىنىڭ جاقسارعان، ۇلتتارى ىنتىماقتى، كاسىپتەرىنىڭ ىلگەرى باسقان جاڭاشا بەت-بەينەسىن ايگىلەپ، شينجياڭداعى ءار ۇلت كادر بۇقاراسىنىڭ قوعام ورنىقتىلىعى مەن باياندى تىنىشتىعى باس نىساناسىن بىرلىكتە ىسكە اسىرىپ، جاقسى رۋحاني بەت-بەينەمەن اسقاق جىگەرىن بەينەلەدى.

    كينو-فيلىم جەتەكشى باعىت پەن كوركەمونەرلىك ستيل جاعىندا كوپتەگەن جاڭا ىزدەنىستەرمەن تالپىنىستار جاساپ، شينجياڭ تۇرمىسنداعى زور وزگەرىستەردى تولىقتاي اڭىس ەتتى، ىنتىماق پەن جاراسىمدىلىقتى، داۋىرلىك جەتەكشى يدەيانى جىرلادى.  كينو-فيلىم بيىل ماۋسىم ايىنان باستاپ اۋىل-قىستاقتا قويىلعاننان بەرى، ءار ۇلت بۇقاراسىنىڭ كۇشتى اڭىسىن قوزعادى.

    وسى كەزەكتى «بەس ءبىر ينجەنەرياسى» سيلىعىنا 11 كينو-فيلىم، 11 تەلە-فيلىم، 10 تەاتر، 8 راديو تەاتر، 10 ءان، 10 سۋرەتتى كىتاپ سارالاندى ءارى 7 تۋىندى ەرەكشە دارەجەلى سيلىققا يە بولدى، 67 تۋىندى سوڭعى جىلداردان بەرى ادەبيەت -كوركەمونەر ءتۇرى ىشىندە ەڭ جاڭا ۋاكىلدىك سيپاتقا يە ۇزدىك تۋىندىلار بولدى، ادەبيەت -كوركەمونەر قىزمەتى اڭگىمە جينالىسى اشىلعاننان بەرى ادەبيەت-كوركەمونەر جاسامپازدىعىنىڭ مول جەتىستىكتەرى مەن شىت جاڭا بەت-بەينەسىن تولىق ايگىلەدى. 

جاۋاپتى رەداكتور:نۇرجان مينۋار قىزى