«شۇعىلا» جۋرنالى وقىرماندارمەن قاۋىشتى

 

    ونەر حاميت ۇلى، دۇرىسبەك زاكەن ۇلى حابارلايدى. 23- قىركۇيەك كۇنى «شۇعىلا» جۋرنالى مەكەمەسى رەداكسياسىنداعى باسشىلار مەن رەداكتورلار «بۇقارامەن ىشكەرىلەي ارالاسۋ، ءوزارا ءتۇسىنىسۋ، تيىمدىلىك جاساۋ» جانە «ءۇشتى اۋىل-قىستاققا جەتكىزۋدى» ماقسات ەتە وتىرىپ، فۋكاڭ قالاسىنا كەلىپ، وقىرماندارمەن، جازۋشى - قالامگەرلەرمەن كەزدەسىپ، اقتارىلا اڭگىمەلەسىپ، جازۋشىلىق جاسامپازدىق تۋرالى، تاقىرىپتىق تۋىندى جاراتۋ، «شۇعىلا» جۋرنالىنىڭ جالپى جاعدايى، جۋرنالدىڭ تارالىمى جانە جۋرنال ساپاسى تۋرالى قىزۋ تالقى ورىستەتتى. سونداي - اق، جۋرنالدىڭ پارتيا 19- قۇرىلتايىنىڭ سالتاناتپەن اشىلۋىن قىزۋ قارسى الىپ، قۇرىلتاي رۋحىن ۇگىتتەۋدە، ءتالىم - تاربيەلىك ءمانى بار ەكەندىگى ورتاعا قويىلدى.

    سوڭىندا، جۋرنال رەداكسياسى 8000 يۋاندىق كىتاپتى فۋكاڭ قالاسىنداعى اۋىل - قىستاق كىتاپحانالارىنا، مەكتەپتەرگە جانە جاڭادان اشىلعان بالالار باقشاسىنا تارتۋ ەتتى.

تىلشىلەردىڭ قىزمەت ورنى: فۋكاڭ قالالىق وقۋ - اعارتۋ، عىلىم - تەحنيكا مەكەمەسى

فۋكاڭ قالالىق 3 - باستاۋىش مەكتەبى

جاۋاپتى رەداكتور:نۇرجان مينۋار قىزى