قيىر قونىپ، شەت جايلاپ جۇرگەن مالشىلارعا ءدارى قوبديشاسىن جەتكىزدى

    سەرىك يمانقان ۇلى حابارلايدى. شاعىن ىڭعايلى ءدارى قوبديشاسىندا بۇلاستىر، ماقتالى شىرپى، داكى، يود سۇيىقتىعى، جاپسىرعىش، تەرمومەتر سياقتى قاجەتتى دۇنيەلەر بار بولىپ، الىپ جۇرۋگە قولايلى ىڭعايلى ءدارى قوبديشاسى بولدى. جاقىندا، ياعني قىركۇيەكتىڭ 20- كۇنى بۋرىلتوعاي اۋدانى شىعانجيدە اۋىلى شىعانجيدە قىستاعىنداعى قىزمەت اترەتىندەگىلەر بۇل شاعىن ىڭعايلى ءدارى قوبديشاسىن كوتەرىپ، بوكتەردەگى مال سوڭىندا جۇرىپ ەمدەلۋگە مۇرساسى تيمەي جۇرگەن مالشىلار اراسىنا بارىپ، بارعان مالشى وتباسىلارىنا بىردەن وسى شاعىن ىڭعايلى ءدارى قوبديشاسىن تارتۋ ەتتى.

    ەمدەلۋ جاعىنداعى حالىققا تيىمدىلىك جەتكىزۋ شەشىم ورنالاستىرۋلارىن ويداعىداي تياناقتاندىرىپ، ءارۇلت بۇقاراسىنىڭ اقاۋسىز دەنساۋلىعى جونىندەگى رەالدىق قاجەتىن ءتىپتى دە ويداعىداي قاناعاتتاندىرۋ ءۇشىن، قىزمەت اترەتىندەگىلەر اۆتونوميالى رايوننىڭ ورتاعا قويعان ەگىن، مال شارۋاشىلىق وڭىرلەرىندە بارلىق وتباسىندا شاعىن ءدارى قوبديشاسى بولۋ، قىستاق بويىنشا ەمدەلۋ ءۇيى، اۋىل بويىنشا ەمحاناسى بولۋداي تالاپ نەگىزىندە، بوكتەردەگى مالشىلارعا بىردەن ىڭعايلى ءدارى قوبديشاسىن تاراتتى.

    قىزمەت اترەتىندەگىلەر ءار وتباسىن ارالاپ جاعداي ۇعىسۋ بارىسىندا، كوپتەگەن مال سوڭىندا جۇرگەن مالشىلاردىڭ ۇيىندە دەرلىكتەي ءدارى قوبديشاسى جوق ەكەنىن، ەگەردە دەنساۋلىقتارى جايسىزدانسا ءوز قالاۋلارى بويىنشا نەمەسە ونداعان كيلومەتر شالعايداعى ەمحاناعا بارىپ ەم ىزدەيتىنىن بايقايدى.

    ءبىز 2 مىڭ يۋانعا جۋىق سوما اجىراتىپ ىڭعايلى ءدارى قوبديشاسىن ساتىپ الىپ بوكتەردە مال باعىپ جاتقان مالشىلارعا اپارىپ بەردىك،- دەدى قىزمەت اترەتىنىڭ باستىعى جي شىڭيۇڭ.

    سول كۇنى قىزمەت اترەتىندەگىلەردىڭ مۇشەسى توقتاۋ وتباسىنا بارىپ، ىڭعايلى ءدارى قوبديشاسىنداعى دۇنيەلەردى توقتاۋعا كورسەتتى، ءدارى قوبديشاسىندا ۇنەمى پايدالانىلاتىن ءدارى- دارمەكتەرمەن سىرتقى جاراقاتقا پايدالانىلاتىن دارىلەر بار بولدى. قىزمەت اترەتىندەگىلەر جانەدە حالىققا تيىمدىلىك جەتكىزۋ بارىسىنداعى دەنساۋلىق، اقاۋسىزدىق بىلىمدەرىن دە ۇگىتتەي جۇردى.

    ىڭعايلى ءدارى قوبديشاسىن العان توقتاۋ: پارتيانىڭ ءتيىمدى ساياساتى مول بولدى، ءبىز قازىر بەيقۇت ءۇي سالىپ، حالىقتى اۋقاتتاندىرۋ، اقسىز دەنساۋلىق تەكسەرتۋ، ەمدەلۋ قامسىزداندىرۋى سياقتى حالىققا ءتيمدى ساياساتتاردان يگىلىكتەنىپ وتىرمىز، مىنە بۇگىن ىڭعايلى ءدارى قوبديشاسىن تاپسىرىپ الدىق، مال سوڭىندا جۇرگەن ءبىز بىردە بولماسىن قولىمىزدى جاراقاتتاپ الامىز، بۇعان ءبىز جىرتىندى شۇبەرەكپەن بايلاپ، جونىنە كەتە بەرەمىز، كەيدە سەلقوس قاراساق قابىنىپ تا كەتەدى، ويداعى ۇيىمىزدە جاپسىرعىش، داكى بولعانىمەن، قيىر قونىپ جۇرەتىن بىزدە ول سەكىلدى دۇنيەلەر قالىپ قويادى، ال بۇل ىڭعايلى ءدارى قوبديشاسى الىپ جۇرۋگە قولايلاق ەكەن،- دەدى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:نۇرجان مينۋار قىزى