شارۋالاردىڭ كوك سۇرلەم بورمي ەگۋ بەلسەندىلگىن ارتتىردى

 

    سەرىك يمانقان ۇلى حابارلايدى. بۋرىلتوعاي اۋدان كولەمىندە مالشىلاردى وتىرىقتاندىرۋدى ەڭ اۋەلى باستاپ قولعا العان مال شارۋاشىلىعىن نەگىز ەتكەن قىستاقتاردىڭ ءبىرى سەكىرۋ قىستاعىنىڭ ەڭ جوعارى باعىمداعى مال سانى 32 مىڭ باس تۇياققا جەتىپ وتىر. الايدا، بۇل قىستاقتا ءداستۇرلى مال شارۋاشىلعىنىڭ سالىسترماسى ەڭ جوعارى ورىندا بولىپ، مالدى ورسكە جايۋدان تىسقارى قىس ماۋسىمىندا ءتورت تۇلىكتى قورادا باعۋدا، نەگىزى مال ازىعى جوڭىشقا مەن سابان- توپان بولىپ، قىس ماۋسىمعى جەم- ءشوپ قاجەتىن قاناعاتتاندىرا الماي، مالشىلاردىڭ امالسىزدان جوعارى باعادا جەم- ءشوپ ساتىپ الۋىنا اپارىپ سوعىپ، ويلاماعان جەردەن ولاردىڭ باعىمشىلىق وزىندىك قۇنىن ارتتىرىپ وتىردى.

    وتكەن جىلى وتباسىن ارالاپ، جاعداي ۇعىسۋ بارىسىندا، قىزمەت اترەتىندەگىلەر قىستاق كولەمىندە تەك بىرنەشە مالشى وتباسى كوك سۇرلەم ۇراسىن سالعانىن، باسقا وتباسىلارىنىڭ دەنى كوك سۇرلەم ۇراسىن سالمانىن بايقايدى. مىنە وسىدان كەيىن قىستاق القاسىمەن اقىلداسىپ قىزمەت اترەتى كوك سۇرلەم ۇراسىن سالۋدى مال شارۋاشىلعىن دامىتۋدىڭ ماڭىزدى ءتۇيىندى قىزمەت رەتىندە ۇستاپ، ءبىرى ەگىنشى، مالشىلارعا كوك سۇرلەم جۇگەرىنى ەگۋگە شابىت بەرسە، ەندى بىردە قىزمەت اترەتىندەگىلەر قاتىستى ورىندارىمەن سايكەسىپ 20 توننالىق سەمەنت پەن قۇنى 15 مىڭ يۋان تۇراتىن قۇيماتاس اكەپ، ونى كوك سۇرلەم سالۋعا بەلسەندىلىگى كۇشتى 13 مالشى وتباسىنا سەپتەپ بەرىپ، باسقادا مالشى وتباسىلارىن جەتەكتەۋگە جەبەپ، كوك سۇرلەم ۇراسى ارقىلى مالشىلاردىڭ كوپ جىلدىق جەم- شوپتەن تارىعۋ تۇيتكىل ماسەلەسىن شەشۋگە كۇش سالدى.

    وتكەن جىلعى قىزمەت ناتيجەسىنىڭ نەگىزىندە، كوپتەگەن مالشىلار كوك سۇرلەم ەگۋدەن تيىمدىلىككە كەنەلدى ءارى ماڭايىنداعى جولداستارعا جەتەكشىلىك رول اتقاردى. 2017- جىلى قىزمەت اترەتىندەگىلەر جانەدە حالىققا يگىلىك جۇمىس ىستەپ بەرۋ قارجسىنان 15 مىڭ يۋان اجىراتىپ، قىستاقتاعى 42 مالشى وتباسىنا كوك سۇرلەم ۇراسىن سالۋعا كومەكتەسىپ، سەكىرۋ قىستاعىندا كوك سۇرلەم سالۋدىڭ ورلەۋىن كوتەردى.

    بۇرىندارى جازعىتۇرىم كەزىندە شامامەن ون مىڭ يۋاننان استام سومانى جەم- ءشوپ ساتىپ الۋعا جۇمسايتىن ەدىك. ال، بۇگىن كوك سۇرلەم جۇگەرى ەگىپ، سۇرلەمدىك ۇراسىن سالعاننان بەرى جەم- ءشوپ ساتىپ الماۋدان تىس قولدا بار ارتىق كوك سۇرلەم جۇگەرىمىزدى ساتىپ 5 مىڭ يۋاننان ارتىق پايدا تاۋىپ وتىرمىز،- دەدى بۋرىلتوعاي اۋدانى شىعانجيدە اۋىلى سەكىرۋ قىستاعىنداعى مادەت مالشى. 

    سەكىرۋ قىستاعىنىڭ تۇرعىنى ساتان كالىمقان ۇلى بيىل 150 مۋ جەرگە ارناۋلى كوك سۇرلەم جۇگەرى ەككەندىكتەن كوكتەم مەزگىلىندە وزگە مالشى قاۋىمى تالاسا- تارماسا ساتىپ الۋعا زاكاز بەرىپتى. ونىڭ ەڭ كەمىندە مۋ باسىنا تۇسەتىن ءونىم مولشەرىن 4 توننادان دەپ ەسەپتەگەندە، ءبىر كيلوسىن 0.3 يۋانمەن ساتقاندا وزىندىك قۇندى شىعارىپ تاستاعاندا ول100 مىڭ يۋان اينالاسىندا پايدا تاۋعا بولادى ەكەن. وسىمەن بىرگە قىزمەت اترەتى وتباسىندا قيىنشىلىعى بار التى وتباسىنا 300 تاۋىق بالاپانىن تاراتىپ، ءۇي قۇس باعىمشىلىعىن دامىتۋعا دەم بەرىپ، 30 وتباسىنا كوكونىس كوشەتىن تاراتىپ بەرىپ، مالشىلاردىڭ كىرىس قاينارىن ارتتىرۋعا بارىنشا كۇش سالىپ، كوپ جاقتان دەمەۋدى جۇزەگە اسىرىپتى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:نۇرجان مينۋار قىزى