19-قۇرىلتايدى قۋانىشپەن قارسى الىپ، جاڭا جۇڭگو قۇرىلعاندىعىنىڭ 68جىلدىعىن قۇتتىقتاۋ مۋزيكا ساۋىعى ءوتتى

    

    ءادىل تۋعانباي ۇلى حابارلايدى. ايماقتىق پارتكوم ۇگىت ءبولىمىنىڭ باس بولىپ وتكىزگەن «19-قۇرىلتايدى قۋانىشپەن قارسى الىپ، جاڭا جۇڭگو قۇرىلعاندىعىنىڭ68جىلدىعىن قۇتتىقتاۋ» مۋزيكا ساۋىعى 23-قىركۇيەك قابا اۋدانى دەنەتاربيە ورتالىعىندا وتكىزىلدى.

    مۋزيكا ساۋىعىنا اۋدانىمىزدىڭ ءتورت باسشىلىق القاسى، اۋدانعا قاراستى مەكەمە ورىن كادرلارى، پەنسيونەرلەر، قارۋلى ءبولىم، اسكەري ءبولىم جاۋىنگەرلەرى، وقىتۋشى-وقۋشى ۋاكىلدەرى، قوعامنىڭ ءارسالا قايراتكەرلەرى بولىپ، جيىنى400دىڭ ۇستىندە ادام قاتىناستى.

    مۋزيكا ساۋىعى وركەستىردە «بەيجيڭنەن كەلگەن قۋانىشتى حابار» دەگەن مۋزيكا مەن شىمىلدىعىن اشىپ، «پارتيا تۋى»، «بەس جۇلدىزدى قىزىل تۋ» قاتارلى ەكى بولىمگە ءبولىنىپ جۇرىلدى. بۇندا نەگىزىنەن ونەرپازداردىڭ جەكە ءان ورىنداۋ، ەكى ادامدىق ءان، ەر-ايەل توپتىق ورىنداۋ، وركەستىردە كۇي، دومبىرادا كۇي ورىنداۋ قاتارلى نومىرلەرمەن ۇلاسىپ، ناقتىلى ماقساتتى اشىق كورسەتىپ، كورەرمەندەردىڭ قىزۋ قارسى الۋىنا بولەندى.

    مۋزيكا ساۋىعى جاڭا جۇڭگو قۇرىلعاندىعىنىڭ68 جىلدان بەرگى شۇعىلالى جىلداردى ەلەستەتىپ، پارتيانىڭ 18-قۇرىلتايىنان بەرگى التاي ايماعىنداعى بولعان كوپتەگەن وزگەرىستەردى، بەس جىلدان بەرگى جەتكەن مول تابىستاردى بەينەلەپ، ايماعىمىزداعى ءار ۇلت حالقىنىڭ 19- قۇرىلتايدىڭ اشىلۋىن قۋانىشپەن قارسى الاتىندىعى، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىنا سەنىمدى بەكەمدەدى. سوڭىندا، ارتيستەردىڭ توپتىق ورىنداۋىنداعى «سۇيەم جۇڭحۋا» انىمەن مۋزيكا ساۋىعىنىڭ شىمىلدىعى جابىلدى.

    ءتىلشىنىڭ قىزمەت ورنى: قابا اۋداندىق پارتكوم ۇگىت ءبولىمى

جاۋاپتى رەداكتور:نۇرجان مينۋار قىزى