اۆتونوميالى رايون عىلىم - تەحنيكا سيلىعىن تاراتۋ جينالىسىن اشتى

چىن چۋانگو جينالىسقا قاتىناستى، شوكىرات زاكىر ءسوز سويلەدى

 نايىم ياسىن، نۇرلان ءابىلماجىن ۇلى جينالىسقا قاتىناستى، جينالىستى سۇن جينلۇڭ باسقاردى

    اۆتونوميالى رايوننىڭ عىلىم - تەحنيكا سيلىعىن تاراتۋ جينالىسى 22 - قىركۇيەكتە ۇرىمجىدە اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر سياقتى باسشىلار اۆتونوميالى رايوننىڭ 2016 - جىلدىق عىلىم - تەحنيكا العاباسارلىعى سيلىعىنا يە بولعاندارعا سيلىق تاراتتى.

     22 - قىركۇيەك تۇستەن بۇرىن اۆتونوميالى رايون عىلىم - تەحنيكا سيلىعىن تاراتۋ جينالىسىن اشىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەندى، دايەكتىلەندىردى. باس شۋجي شي جينپيڭنىڭ «26 - شىلدەدە» سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، دامۋ ستراتەگياسىنا جاڭالىق اشۋ ارقىلى دەم بەرۋدى زور كۇشپەن اتقارىپ، جاڭالىق اشۋ سيپاتىنداعى شينجياڭ قۇرىلىسن جاپپاي ىلگەرىلەتىپ، رايونىمىزداعى عىلىم - تەحنيكادا جاڭالىق اشۋعا ۇلەس قوسقان ادامدار مەن جەتىستىكتەردى ماداقتادى. رايونىمىزدىڭ كەزەكتەگى جانە مۇنان كەيىنگى عىلىم - تەحنيكادا جاڭالىق اشۋ قىزمەتىنە ورنالاستىرۋ جاساپ، عىلىم - تەحنيكادا جاڭالىق اشۋدىڭ شينجياڭ قىزمەتىنىڭ باس نىساناسى جونىندەگى ماڭىزدى رولىن بارىنشا ساۋلەلەندىردى.

    اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو جينالىسقا قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ جينالىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن جانە اۆتونوميالى رايوننىڭ باسشىلارىنان شاۋكەت يمىن، شۇي حايرۇڭ، لي شۋەجۇن، ما شۋەجۇن، تيان ۋىن، سارقىت اقان ۇلى جينالىسقا قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز «اۆتونوميالى رايوننىڭ 2016 - جىلدىق عىلىم - تەحنيكا العاباسارلىعى سيلىعىنا يە بولعان عىلىم - تەحنيكا جەتىستىكتەرىن جانە كورنەكتى ۇلەس قوسۋشى سيلىعىنا يە بولعانداردى سيلاۋ جونىندەگى قارارىن» وقىدى.

    چىن چۋانگو، شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ قاتارلى باسشىلار اۆتونوميالى رايوننىڭ 2016 - جىلدىق عىلىم - تەحنيكا العاباسارلىعى، كورنەكتى ۇلەس قوسۋشى سيلىعىنا يە بولعان لي حۇڭ، جاۋ چي، ءرانا قاسىم، ساۋ لي، سىراپىل ابەيلەرگە جانە 1 - دارەجەلى، 2 - دارەجەلى سيلىققا يە بولعانداردىڭ ۋاكىلدەرىنە سيلىق تاراتتى.

    شوكىرات زاكىر مىنالاردى اتاپ كورسەتتى: تۇتاس رايون بويىنشا باس شۋجي شي جينپيڭنىڭ مەملەكەتتىك عىلىم - تەحنيكا جاسامپازدىعى جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ عىلىم - تەحنيكا قىزمەتى جونىندە جاساعان ءبىر قىدىرۋ ورنالاستىرۋلارىن، نۇسقاۋلارىن، تالاپتارىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاڭا دامۋ ۇستانىمىن بەرىك ورناتىپ، دامۋ ستراتەگياسىنا جاڭالىق اشۋ ارقىلى دەم بەرۋدى بار كۇشپەن ورىستەتىپ، تۇتاس رايوننىڭ عىلىم - تەحنيكادا جاڭالىق اشۋ قادامىن جەدەلدەتىپ، قىزمەتتەردە قۋانارلىق تابىستارعا قول جەتكىزدىك.

    شوكىرات زاكىر مىنالاردى باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن، پارتيا ورتالىق كوميتەتىنىڭ، مەملەكەتتىك كەڭەستىك عىلىم - تەحنيكادا جاڭالىق اشۋ قىزمەتى جونىندەگى ءىرى باعىت - ساياساتتارىمەن، اۆتونوميالى رايوندىق پارتكومنىڭ شەشىم - ورنالاستىرۋلارىمەن شىن مانىندە بىرلىككە كەلتىرىپ، «13 - بەسجىلدىق» جوبا مەزگىلىندەگى عىلىم - تەحنيكادا جاڭالىق اشۋ قىزمەتىنىڭ جالپى تۇلعالىق تالاپتارىن مىقتاپ يگەرىپ، دامۋعا جاڭالىق اشۋ ارقىلى دەم بەرۋ جولىمەن بۇلجىماي ءجۇرىپ، رايونىمىزدىڭ عىلىم - تەحنيكادا جاڭالىق اشۋ قىزمەتىنىڭ جاڭا جاعدايىن ۇزبەي اشۋ كەرەك. ءبىرىنشى، باس نىسانانى بەرىك ورناتىپ، باس نىساناعا قىزمەت ەتىپ، جاڭالىق جەتىستىكتەرىنىڭ حاۋىپسىزدىكتى، ورنىقتىلىقتى قورعاۋ سالالارىندا قولدانىلۋىن جەدەلدەتىپ، عىلىم - تەحنيكا ارقىلى حالىققا تيىمدىلىك جەتكىزۋدىڭ ناقتى شارالارى ارقىلى ءتۇرلى جاڭالىق اشۋ بايلىعىن جالپىمەن ورتاقتاسىپ، عىلىم - تەحنيكا ارقىلى كەدەيلىكتەن دالمە - ءدال قۇتىلدىرۋدان قامال الۋ ارناۋلى ارەكەتىن بار كۇشپەن ورىستەتىپ، عىلىم - تەحنيكانىڭ قوعام جاراسىمدىلىعىن، ورنىقتىلىعىن قورعاۋ قۋاتىن ۇزدىكسىز كۇشەيتۋ كەرەك. ەكىنشى، جاڭالىق اشۋ بايلىعىن رەتكە سالىپ، الدىمەن اتقارىپ، الدىمەن سىناۋدىڭ پارىقتى ساياسات جۇيەسىن ورناتۋ، دارىندىلار ەرەكشە رايونىن قالىپتاستىرۋ سياقتى جاقتاردا تەزىرەك ناقتى ناتيجەگە قول جەتكىزىپ، ءتۇيىندى نىسانداردىڭ تياناقتانۋىن جەدەل ىلگەرىلەتىپ، ەل ءىشى - سىرتىنداعى باسىمدىققا يە جاڭالىق اشۋ بايلىعىن باۋراپ، جىبەك جولى ەكونوميكالىق بەلدەۋىنىڭ دامۋعا جاڭالىق اشۋ ارقىلى دەم بەرۋ سياقتى سىناق رايونى قۇرىلىسىن ونان ارى تەزدەتۋ كەرەك. ءۇشىنشى، عىلىم - تەحنيكا نەگىزىن بەكەمدەپ، وسىزاماندانعان اۋىل شارۋاشىلىعى جانە اۋىل شارۋاشىلىق ونىمدەرىن مانەرلەۋ تەحنيكاسىن بارىنشا دامىتىپ، جاڭا ۇرپاق ينفورماتسيا تەحنيكاسىنان تولىق پايدالانىپ، جاڭا كاسىپتى، جاڭا كاسىپ فورماتسياسىن دامىتىپ، جوعارى ورەدەگى عىلىم - تەحنيكادا جاڭالىق اشۋ تۇعىرىن جانە ونەركاسىپتەندىرۋدەن ۇلگى كورسەتۋ بازاسىن تۇلعالاپ، عىلىم - تەحنيكا مەن ەكونوميكانىڭ ىشكەرىلەي توعىسۋىن جەدەلدەتۋ كەرەك. ءتورتىنشى، عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكادا جاڭالىق اشۋ، تۇزىمدە جاڭالىق اشۋداي قوس دوڭعالاقتى بىرگە اينالدىرۋدان جازباي، عىلىم - تەحنيكا سالاسىنداعى «ۇقىقتى تومەنگە بەرۋ، تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ» رەفورماسىن ىشكەرىلەي ىلگەرىلەتىپ، ءتيىمدى ساياساتتاردى تياناقتاندىرىپ، «تيانشان جالپى جاڭالىق اشۋ ارەكەتىن» ىشكەرىلەي قانات جايدىرىپ، كاسىپورىنداردىڭ جاڭالىق اشۋىن قولداۋداعى سايكەستى ساياساتتاردى تەزىرەك كەمەلدەندىرىپ، ءتۇرلى جاڭالىق اشۋ تۇلعالارىنىڭ بەلسەندىلىگىن تولىق وياتۋ كەرەك. بەسىنشى، دارىندىلاردى الدىمەن دامىتۋ ۇستانىمىن كۇشەيتىپ، باسىمدىققا جانە ەرەكشەلىككە يە ءتۇيىندى ءپان سالالارى مەن جاڭالىق اشۋ باعىتىن ءدال كوزدەپ، ءبىر سارىندىلىقتان اۋلاق بولىپ، ءار جاقتاعى جاڭالىق اشۋ دارىندىلارىنان تولىق پايدالانىپ، كوپ نەگىزدى، قامتىمدى، ءتيىمدى باسەكەلەسەتىن جاسامپاز مادەنيەتتى بەلسەندىلىكپەن قالىپتاستىرىپ، جاڭالىق اشۋ دارىندىلارى قارىشتاپ ەسەيەتىن، جاڭالىق جەتىستىكتەرى بىرىنەن كەيىن ءبىرى تۋىلاتىن تاماشا جاعداي قالىپتاستىرىپ، پارتيا 19 - قۇرىلتايىنىڭ جەڭىسپەن اشىلۋىن جاڭالىق اشۋ سيپاتىنداعى شينجياڭ قۇرىلىسىن جەدەلدەتۋدەي تاماشا ناتيجەمەن قارسى الۋ كەرەك.

    سۇن جينلۇڭ مىنالاردى تالاپ ەتتى: جەر - جەر، تاراۋلار اۆتونوميالى رايوننىڭ عىلىم - تەحنيكا سيلىعىن تاراتۋ جينالىسىنىڭ رۋحىن مۇقيات ۇيرەنىپ، تياناقتاندىرىپ، يدەيانى اۆتونوميالى رايوندىق پارتكومنىڭ، ۇكىمەتتىڭ شەشىم - ورنالاستىرۋلارىمەن شىن مانىندە بىرلىككە كەلتىرىپ، وسكەلەڭ جاۋاپكەرلىك سەزىمىمەن، بورىشتىلىق سەزىمىمەن عىلىم - تەحنيكادا جاڭالىق اشۋدى شينجياڭنىڭ دامۋىنىڭ جالپى جاعدايى تۇرعىسىنان جوسپارلاۋ جانە ىلگەرىلەتۋ كەرەك. قالىڭ عىلىم - تەحنيكا قىزمەتكەرلەرىنىڭ سيلىققا يە بولعانداردى ۇلگى تۇتىپ، عىلىم - تەحنيكا شىڭىنا ەرلىكپەن شىعاتىن جان قيارلىق رۋحپەن، اناعۇرلىم ناقتى ىستەر تىندىراتىن جوعارى ونىمدىلىككە يە قىزمەت ستيلىمەن دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، زامانعا سايكەس قىزمەت ناتيجەسىن كۇش سالا تۋدىرىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ءتىپتى دە زور ۇلەستەر قوسىپ، پارتيا 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الۋىن ءۇمىت ەتەمىن.

    جينالىستا ءرانا قاسىم، شياۋ گاڭدار سيلىققا يە بولۋشىلار اتىنان ءسوز سويلەدى.

    اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى جينالىسقا قاتىناستى. اۆتونوميالى رايونعا (ورتالىققا) توتە قاراستى ورىنداردىڭ نەگىزگى باسشى جولداستارى، ايماق، وبلىس، قالالاردىڭ قاتىستى جاۋاپتى جولداستارى، مەملەكەتتىك ءبىر ءبولىم جوعارى، جاڭا عىلىم - تەحنيكا باقشا رايوندارىنىڭ، ەكونوميكالىق - تەحنيكالىق اشۋ رايوندارىنىڭ، اۋىل شارۋاشىلىعى عىلىم - تەحنيكاسى باقشا رايوندارىنىڭ جاۋاپتى جولداستارى جينالىسقا قاتىناستى.

جاۋاپتى رەداكتور:نۇرجان مينۋار قىزى