حيلۇڭجياڭ ولكەسى شيتايحى قالالىق 1-ورتا مەكتەبىنىڭ باسشىلارى مەكتەبىمىزدە تەكسەرىپ-زەرتتەۋدە بولدى

 

    ىنتىماق داۋلەتباي ۇلى، ادال ۋاپا ۇلى حابارلايدى. دوستىق قارىم-قاتىناستى قويۋلاتىپ، بەرەكەنى بەكەمدەپ، ارتىقشىلىقتاردى بەلسەنە قابىلداپ، كەمشىلىكتەردى كىشپەيىلدىلىكپەن وزگەرتۋ ارقىلى قۇندى تاجىريبە ساباقتاردى قورتىندىلاپ ورتاق دامۋدى جۇزەگە اسىرۋدى كوزدەگەن حيلۇڭجياڭ ولكەسى شيتايحى قالالىق 1-تولىق ورتا مەكتەبىنىڭ باسشىلارى 20-جانە 21-قىركۇيەك كۇندەرى ەكى كۇن ۋاقىتپەن بۋرىلتوعاي اۋداندىق 1-تولىق ورتا مەكتەبىندە تەكسەرىپ-زەرتتەۋ، ٴءوزارا تاجىريبە الماستىرۋ قيمىلىن ورىستەتتى.

    بۋرىلتوعاي اۋداندىق 1-تولىق ورتا مەكتەبى بىرنەشە جىلداردان بەرى حيلۇڭجياڭ ولكەسىنىڭ دا چيڭ، مۋ دانجياڭ، شيتايحى قالالارىنداعى ورتا مەكتەپتەرمەن مەكتەپ باسقارۋ، وقۋ-وقىتۋ، جاڭا ساباق رەفورماسىن ىلگەرلەتۋ، ارتقى شەپ قىزمەتى، مادەنيەت، دەنەتاربيە ىستەرى جاعىندا اۋىس- كۇيىس جاساپ، ٴءوزارا دارىندى اۋىستىرىپ، وقۋ-اعارتۋ رەفورماسىن ىشكەرىلەي ٴءورىس الدىرۋدا قول ۇستاسا سەلبەستىك ورناتىپ كەلە جاتقان بولاتىن. وسى رەت شيتايحى قالالىق 1-تولىق ورتا مەكتەبى پارتكومىنىڭ شۋجيى لي جيانجۇن، مەكتەپ كەڭسە ىستەر مەڭگەرۋشىسى يۋان شينجيان قاتارلى جولداستار ارناۋلى كەلىپ، مەكتەپ باسشىلارىنىڭ باستاۋىندا مەكتەپ اۋلا قۇرىلعىلارىن، وقىتۋشىلار كەڭسەسى، تاجىريبەلى وقىتۋ ورنى، وقۋشىلار جاتاق اسحاناسى، كەزەكشىلىك وتەۋ جاعدايى قاتارلى ورىنداردى ٴءبىر-بىرلەپ ارالاپ كوردى ءٴارى مەكتەپ باستىعى گاۋ پيشۋە جولداستىڭ تانىستىرۋىن تىڭداپ، وقىتۋشىلارمەن جەكەلەي اڭگىمەدە بولىپ، مەكتەپتىڭ ٴءارسالا قىزمەتتەرىنىڭ ورىستەتىلۋ جاعدايىنا جوعارى باعا بەردى.

    سوڭىنان، ەكى جاق قازىرگى وقۋ-اعارتۋ رەفورماسىنىڭ بەتالىسى، رەفورمانىڭ مەكتەپتەردەگى اياق الىسى، ناتيجەسى قاتارلى جاقتاردان پىكىر الماستىرىپ، ٴءوزارا ارتىقشىلىقتاردى ورتاعا قويىپ، بۇكپەسىز تۇردە اڭگىمە وتكىزىپ، ورتاق دامۋ جونىندە وي ورتاقتاستىردى. لي جيانجۇن شۋجي مەكتەبىمىزدەگى بىرنەشە ۇلتتان قۇرام تاپقان وقىتۋشى-وقۋشىلاردىڭ ٴءبىر ٴءۇيلى جاندارداي قويان-قولتىق ارالاسىپ، بىرلىكتە قىزمەت ىستەپ، ٴءبىر اۋلادا ويناپ-كۇلىپ،ٴ ءبىلىم الىپ، ۇلتتار ىنتىماعىنىڭ بايشەشەگىن بىرلىكتە قۇلپىرتىپ، جاراسىمدىلىقتىڭ جىرىن بىرگە جىرلاپ، شينجياڭ قىزمەتىنىڭ باس نىساناسىنىڭ ەرتەرەك جۇزەگە اسۋى ءٴۇشىن ات سالىسىپ جاتقاندىعىن، وتكەندە مەكتەپ قىزدار فۋتپول كومانداسىنىڭ تۇتاس شينجياڭ بويىنشا اعا جۇلدەگەرلىكتى جەڭىپ العاندىعىن ەستىگەندە قاتتى تەبىرەنىپ، قۋانا قول سوعىپ تىلەۋلەستىك ٴءبىلدىردى.

    بۇل رەتكى تەكسەرىپ-زەرتتەۋ قيمىلى اسا كوڭىلدى بولىپ، ەكى مەكتەپتىڭ قارىم-قاتىناسى ونان ارى نىعايىپ، بۇدان كەيىنگى ۇزاق بولاشاقتىق ورتاق دامۋدىڭ بەرىك نەگىزى قالاندى.

جاۋاپتى رەداكتور:نۇرجان مينۋار قىزى