ساياسيدا تاباندى بولدى، قابىلەتىن كۇشەيتتى، ستيلىن جاقسارتتى

    − رايونىمىزدىڭ كادرلار قوسىنىن قۇدىرەتتەندىرۋگە كۇش سالۋداعى ۇتىمدى ىزدەنىسى تۋرالى

    باس شۋجي شي جينپيڭ مىنالاردى اتاپ كورسەتتى: «شينجياڭ قىزمەتىن جاقسى ىستەۋدىڭ تەتىگى پارتيانىڭ جالپى جاعدايدى كوزدەۋ، ءارجاقتىڭ باسشىلىق ۇيتقىسىن سايكەستىرۋ رولىن ساۋلەلەندىرىپ، پارتيا قۇرىلىسىن جاپپاي كۇشەيتىپ جانە جاقسارتىپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى ساياسي كەپىلدىك ازىرلەۋدە. ساياسيدا تاباندى، قابىلەتى كۇشتى، ستيلى تاماشا جوعارى ساپالى كادرلار قوسىنىن قۇرۋدا». تاياۋ جىلداردان بەرى، اۆتونوميالى رايوندىق پارتكوم باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ساياسيدا تاباندى بولۋدى، قابىلەتتى كۇشەيتۋدى، ستيلدى جاقسارتۋدى كورنەكتىلەندىرىپ، كادرلار قوسىنى قۇرىلىسىن قۇدىرەتتەندىرۋ جاعىندا ۇتىمدى ىزدەنىس جاساۋعا كۇش سالدى، قالىڭ كادرلار شينجياڭنىڭ تاۋ - وزەنىن ءسۇيىپ، شينجياڭداعى ءار ۇلت حالقىن ءسۇيىپ، شەكسىز ادال بولىپ، ۇلەس قوسىپ، ەشتەمەدەن تايسالماۋ رۋحى ارقىلى جاۋاپكەرلىكتى باتىل، كىرشىكسىز ارقالاپ، ءار ۇلت بۇقاراسىنىڭ سەركەسىنە جانە تىرەگىنە اينالدى.

    ساياسيدا تاباندى بولۋ سىندى رۋحتى كورنەكتىلەندىردى

    لاڭكەستىككە قارسى تۇرىپ، ورنىقتىلىقتى قورعاۋدىڭ «3 مەزگىل قاباتتاسۋداي» قاتاڭ دا كۇردەلى جاعدايىندا، شينجياڭنىڭ كادرلار قوسىنىنىڭ ساياسيدا تاباندى بولۋىنا جاڭا دا اناعۇرلىم جوعارى تالاپ قويىلدى. بۇعان قاراتا اۆتونوميالى رايوندىق پارتكوم باستان - اياق ساياسيدا تاباندى بولۋدى كورنەكتىلەندىرۋدى كادرلار قوسىنى قۇرىلىسىنىڭ رۋحى رەتىندە قاراپ، اسا ماڭىزدى ورىنعا قويىپ، تاربيەلەۋ، باقىلاۋ، ىنتالاندىرۋ، جاۋاپقا تارتۋ سياقتى شارالاردى قولدانىپ، ۇزدىكسىز كۇش سالىپ، ءار دارەجەلى، ءار ۇلت كادرلارىن ساياسي باعدار، ساياسي تۇرعى، ساياسي پىكىر، ساياسي ارەكەت جاقتارىندا سانالى تۇردە قاعيداعا بويسۇنۋعا، ءتارتىپتى دارىپتەۋگە، اسىرەسە، بولشەكتەۋشىلىككە قارسى تۇرۋ، قوعام ورنىقتىلىعىن قورعاۋ كەلەلى ماسەلەسىندە تۇرعىسى بەرىك، تۋى ايقىن تۇردە باتىل ءۇن قاتىپ، ايقىن پوزيتسيا بىلدىرۋگە، قيىنشىلىقتان تايسالماۋعا، كوكىرەك كەرە العا شىعۋعا، باتىل كۇرەس جاساۋعا جەتەكتەدى.

    نازاريالىق ۇيرەنۋدى كۇشەيتتى. ساياسيدا تاباندى بولۋ نازاريالىق جاقتا سەرگەك بولۋدان باستاۋ الادى. ورتالىقتىڭ ءبىر تۇتاس ورنالاستىرۋى بويىنشا، «ۇشتە قاتاڭ، ۇشتە شىنايى بولۋ» ارناۋلى تاربيەسى قيمىلىن جانە «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ورىستەتىپ، اۆتونوميالى رايون ورىستەتكەن «ءسوزدى ۇيرەنۋ، ستيلدە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىمەن ۇشتاستىرىپ، قالىڭ پارتيالى كادرلاردى پارتيانىڭ لۋشيان، باعىت - ساياساتتارىن ىشكەرىلەي ۇيرەنۋگە، «پارتيا ۋستاۆىن»، «پارتيا قاعيداسىن» ىشكەرىلەي ۇيرەنۋگە، باس شۋجي شي جينپيڭنىڭ جەلىلەس ماڭىزدى سوزدەرى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، اسىرەسە، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ءسوزىن، شينجياڭدا قىزمەت تەكسەرگەن كەزدە سويلەگەن ءسوزىن جانە مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدەگى ءسوزىن قايتا - قايتا، ىشكەرىلەي، ۇزدىكسىز ۇيرەنۋگە ۇيىمداستىرىپ، «4 تانىمدى» قۇلشىنا كۇشەيتىپ، ساياسيدا، يدەيادا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالىلىقپەن ساقتاۋعا باستادى.

    باقىلاۋ - تەكسەرۋدى كۇشەيتتى. ساياسي ءتارتىپتى جانە ساياسي قاعيدانى قاتايتۋدى ماڭداي الدى ورىنعا قويۋدا تاباندى بولىپ، «پارتيا تارتىبىنە قايشىلىق جاساعان پارتيا مۇشەلەرىن، پارتيا ۇيىمدارىن جازالاۋ جونىندەگى بەلگىلەمە»، «بولشەكتەۋشىلىككە قارسى كۇرەس ءتارتىبىن قاتايتۋ جونىندەگى بەلگىلەمە»، «تارتىپكە قايشىلىق جاساپ، شەتەلگە (شەكارادان) شىققان پارتيا مۇشەلەرىن، ۇكىمەت قىزمەتكەرلەرىن ءبىر جاقتى ەتۋ جونىندەگى بەلگىلەمە» سياقتى تۇزىمدەردى بەلگىلەپ، كادرلاردىڭ جاڭا جاعدايداعى ساياسي ارەكەتىن ارناعا ءتۇسىرىپ، ساياسي قىراعىلىقتارى مەن ساياسي سەزگىرلىگىن ارتتىرىپ، بولشەكتەۋشىلىككە قارسى تۇرۋ كۇرەسىندەگى «ەكىبەتكەيلىكتى»، «ەكىبەتكەيلەردى» تۋى ايقىن تۇردە پارىقتاپ، قاتاڭ تەكسەرىپ ءبىر جاقتى ەتتى. نەگىزگى ساتىداعى كادرلارعا ساياسي تەكسەرۋ قىزمەتىن ورىستەتىپ، مۇرات - سەنىمى كەمشىل، دىنگە كورنەۋدە سەنبەي، كومەسكىدە سەنەتىن، ءسوزى ءبىر باسقا، ارەكەتى ءبىر باسقا، كورنەۋدە ءبىر ءتۇرلى، كومەسكىدە ءبىر ءتۇرلى «ەكىبەتكەيلەردى» الاستاپ، نەگىزگى ساتىداعى پارتيالى كادرلار قوسىنىنداعى ساياسي كىرشىكسىزدىك جاعىندا ساقتالعان ماسەلەنى ءونىمدى شەشتى.

    دۇرىس باعىتتا شابىتتاندىرۋدى كۇشەيتتى. ساياسيدا تاباندى بولۋدى كادرلاردى تاڭداپ ءوسىرۋدىڭ، ىستەتۋدىڭ ماڭداي الدى تالابى ەتۋدە تاباندى بولىپ، ساياسيدا تاباندى، سەنىمى بەرىك بولۋ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋ، ۇلتتىق بولشەكتەۋشىلىككە قارسى تۇرۋ جونىندەگى ساياسي تانىمى مەن ءىس جۇزىندەگى بەينەسىن كادرلاردى تاڭداپ ءوسىرۋ، ىستەتۋ جاعىنداعى باعالاۋ، تەكسەرۋ، ىستەتۋدىڭ باستى ولشەمى ەتىپ، بولشەكتەۋشىلىككە قارسى تۇرۋ، لاڭكەستىككە قارسى تۇرۋ كۇرەسىندە باتىلدىقپەن كەۋدە كەرە العا شىققان كادرلاردى جانە «ءۇش ءتۇرلى كۇشپەن» جۇرەكتىلىكپەن كۇرەس جاساعانداردى دەرەۋ پارتياعا كىرگىزىپ، دەرەۋ ءوسىرىپ، دەرەۋ ماراپاتتادى، وسىنى جەتەكشى ەتىپ، پارتيا مۇشەلەرىن، كادرلاردى ساياسيدى دارىپتەۋگە، تارتىپكە بۇيسۇنۋعا، جالپى جاعدايمەن ساناسۋعا، ۇلەس قوسۋعا جىگەرلەندىردى. بيىل اۆتونوميالى رايوندىق پارتكوم تاڭداۋلى پارتيا مۇشەسى، ۇلتتار ىنتىماعى، العاباسارلىعىنىڭ ۇلگىسى وبۇلقاسىم ءماتتۇرسىن جولداستان ۇيرەنۋ قارارىن شىعارىپ، قالىڭ پارتيا مۇشەلەرىن، كادرلاردى باتىل ءۇن قاتىپ، ايقىن پوزيتسيا بىلدىرۋگە، ساياسي تۇرعىسىن جانە ساياسي پوزيتسياسىن انىق بىلدىرۋگە، كادرلار قوسىنىنداعى «ەكىبەتكەيلەرمەن» باتىل كۇرەس جاساۋعا، وزىندەگى بارىن پارتيا مەن وتانعا ارناۋعا، پارتيا مەن وتاننىڭ ۇمىتىنەن شىعۋعا جەتەكتەدى. باتىل ءۇن قاتىپ، ايقىن پوزيتسيا بىلدىرگەن دابىرالى قيمىلدار تيانشاننىڭ تەرىستىگى مەن تۇستىگىن جاڭعىرتىپ، ءار دارەجەلى كادرلاردى شابىتتاندىرىپ، ءار ۇلت بۇقاراسىن تاربيەلەدى.

جاۋاپتى رەداكتور:سايراش تۇرارجان قىزى