ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 19 - رەتكى ءماجىلىسى اشىلدى

    «باس نىسانانى تىعىز ارقاۋ ەتىپ، قالا - قالاشىقتاندىرۋ قۇرىلىسىن جەدەل ىلگەرىلەتەيىك» دەگەن تاقىرىپ اياسىندا ۇكىمەت ءىسىن ارناۋلى كەڭەستى

    ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 19 - رەتكى ءماجىلىسى 13 - قىركۇيەك تۇستەن بۇرىن ۇرىمجىدە اشىلىپ، «باس نىسانانى تىعىز ارقاۋ ەتىپ، قالا - قالاشىقتاندىرۋ قۇرىلىسىن جەدەل ىلگەرىلەتەيىك» دەگەن تاقىرىپ اياسىندا ۇكىمەت ءىسىن ارناۋلى كەڭەستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى.

    ماجىلىستە چىن جي، سۇڭ ياجۇن، نيۋ شياۋپيڭ، راھيبە عوجا ابدۇ، زۇلپيا ابدىقادىر، جاڭ اباۋ، جاڭ شياۋفىڭ، مىڭ چيڭساي، شۇي نان، شى حاييىڭ جولداستار شينجياڭنىڭ جاڭاشا قالا - قالاشىقتاندىرۋ قۇرىلىسىن ىلگەرىلەتۋ، ءۇرىمجى قالاسىنىڭ قالا - قالاشىقتاندىرۋ قۇرىلىسىن ىلگەرىلەتۋ، شينجياڭدا ەرەكشە شاعىن قالاشىقتار قۇرۋ، وڭتۇستىك شينجياڭنىڭ ەرەكشە شاعىن قالاشىقتار جوباسىن نىعايتۋ، قاتىناس نەگىزدىك قۇرىلعىلار قۇرىلىسىن جەدەلدەتۋ، فينانستىق قولداۋدى كۇشەيتۋ، شينجياڭعا شارۋاشىلىق سالالارى بويىنشا كومەكتەسۋدى ىلگەرىلەتۋ، وڭتۇستىك شينجياڭ مەن بيڭتۋان قالالارىنىڭ كىرىكپەلى، توعىسپالى دامۋىن ىلگەرىلەتۋ، ونەركاسىپ پەن قالانى توعىستىرۋ ارقىلى كەدەيلەردى دالمە - ءدال سۇيەمەلدەۋ، ت.ب بويىنشا سوزگە شىعىپ، اۆتونوميالى رايونىمىزدىڭ قالا - قالاشىقتاندىرۋ قۇرىلىسىن ىلگەرىلەتۋ جونىندە ءار تاراپتان اقىل - كەڭەس بەردى. وسى رەتكى ماجىلىستە «ءبىر تۇتاس جوبامەن جەتەكتەپ، ءتۇزىلىس پەن مەحانيزمدى كەمەلدەندىرۋ»، «قالا - قالاشىقتار جۇيەسىن ساپالىلاندىرىپ، ونەركاسىپ پەن قالانىڭ توعىسۋىن ىلگەرىلەتۋ»، «قالا - قالاشىقتاردىڭ فۋنكتسياسىن جەتىلدىرىپ، دەڭگەيىن كوتەرۋ»، «گۋمانيتارلىق جاراسىمدىلىقتى جەبەپ، قوعام قۇرىلىسىن ىلگەرىلەتۋ» دەگەن 4 ارناۋلى تاقىرىپ بەلگىلەندى. ماجىلىسكە قاتىناسۋشىلار ارناۋلى تاقىرىپتاردى ارقاۋ ەتىپ، بەلسەنە وي قوسىپ، كەڭەس بەرىپ، قۇندى، سالماقتى ۇسىنىس - پىكىرلەردى ورتاعا سالدى.

    اۆتونوميالى رايوننىڭ ورىنباسار ءتوراعاسى جاروللا يسامدين، شينجياڭ ءوندىرىس - قۇرىلىس بيڭتۋانى پارتكومىنىڭ ورىنباسار شۋجيى، بيڭتۋاننىڭ ورىنباسار ساياسي كوميسسارى كۇڭ شيڭلۇڭ ماجىلىسكە قاتىناسىپ، سويلەنگەن سوزدەردى تىڭدادى.

    اۆتونوميالى رايوندىق ساياسي كەڭەستىڭ ورىنباسار ءتوراعاسى باي جىجيە قاتىستى كادرلار ءىسى جونىندە تۇسىنىك جاسادى، ءماجىلىستى ورىنباسار ءتوراعا ديڭ شيۋدۇڭ باسقاردى، ورىنباسار ءتوراعالار ريزۋان ابەي، لي شياڭلين، ءجۇرات يمين، ليۋ جىيۇڭ، ماعاۋ سەيىتقامزا ۇلى، ليۋ جيانشين، ۋان حايچۋان، چىڭ جىنشان، باداي، كادىرقان ميراسقان ۇلى، ابدۇليتىپ ابدىرەيىم، باس حاتشى حان جۇن ماجىلىسكە قاتىناستى.

    مەملەكەتتىك ساياسي كەڭەستىڭ شينجياڭداعى مۇشەلەرى؛ اۆتونوميالى رايوندىق ساياسي كەڭەس ورگانىنىڭ باسشىلارى، ارناۋلى كوميتەتتەردىڭ جاۋاپتىلارى؛ وبلىستىق، قالالىق ساياسي كەڭەس پارتيا باسشىلىق گرۋپپاسىنىڭ شۋجيلەرى، ءتوراعالارى، ساياسي كەڭەس ايماقتىق قىزمەت كوميتەتتەرى پارتيا باسشىلىق گرۋپپاسىنىڭ شۋجيلەرى، مەڭگەرۋشىلەرى؛ شينجياڭ ءوندىرىس - قۇرىلىس بيڭتۋانىنا قاراستى اۋدان دارەجەلى قالالاردىڭ ساياسي كەڭەستەرىنىڭ ءتوراعالارى، ت.ب ماجىلىسكە سىرتتاي قاتىناستى.

    جۇڭگوداعى ەرەكشە شاعىن قالاشىقتار تىزىمىنە ەنگەن كۇنەس اۋدانىنىڭ نارات قالاشىعى سياقتى 8 ەرەكشە شاعىن قالاشىقتاعى قاتىستى جولداستار ماجىلىسكە سىرتتاي قاتىناسۋعا ۇسىنىس ەتىلدى.

جاۋاپتى رەداكتور:سايراش تۇرارجان قىزى