ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اۆتونوميالى رايونىمىزعا 26 - توپتا تۇزەتۋگە تابىستاعان ماسەلەلەر تۇگەل ءبىر جاقتى ەتىلدى

    ءتىلشىمىزدىڭ اۆتونوميالى رايوننىڭ قورشاعان ورتانى قورعاۋدى باقىلاۋ - تەكسەرۋىنە سايكەسۋ، بايلانىس جاساۋ قىزمەتىن قامتاماسىز ەتۋ گرۋپپاسىنان ۇعىسۋىنا قاراعاندا، 13 - قىركۇيەككە دەيىن، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اۆتونوميالى رايونىمىزعا 26 - توپتا تۇزەتۋگە تابىستاعان 69 ماسەلە (بيڭتۋاندى قامتىمايدى) تۇگەل ءبىر جاقتى ەتىلىپ بولعان.

    وڭىرلەر بويىنشا العاندا، 26 - توپتا تۇزەتۋگە تابىستالىپ، ءبىر جاقتى ەتىلگەن 69 ماسەلەنىڭ ىشىندە ءۇرىمجى قالاسىندا 28 ماسەلە، سانجى حۇيزۋ اۆتونوميالى وبلىسىندا 9 ماسەلە، ىلە قازاق اۆتونوميالى وبلىسىندا 7 ماسەلە، قارامايلى قالاسىندا 6 ماسەلە، بايىنعولين موڭعۇل اۆتونوميالى وبلىسىندا 5 ماسەلە، قاشقار ايماعىندا 3 ماسەلە، التاي ايماعىندا، قۇمىل قالاسىندا، اقسۋ ايماعىندا جەكە - جەكە 2 ماسەلە، تۇرپان قالاسىندا، بۇراتالا موڭعۇل اۆتونوميالى وبلىسىندا جانە تارباعاتاي ايماعىندا جەكە - جەكە ءبىر - بىردەن ماسەلە بولعان؛ مۇنان تىس، بيڭتۋان مەن جەرگىلىكتى ورىن بىرلەسىپ ءبىر جاقتى ەتكەن ماسەلە 2 بولعان. لاستانۋ تۇرىنەن العاندا، شۋىلعا ساياتىن ماسەلە 25، اتموسفەراعا ساياتىن ماسەلە 19، قاتتى كۇيدەگى قوقسىققا ساياتىن ماسەلە 17، شاڭ - توزاڭعا ساياتىن ماسەلە 14، سۋدىڭ لاستانۋىنا ساياتىن ماسەلە 7، ىس - تۇتەككە ساياتىن ماسەلە 4، ەكولوگياعا ساياتىن ماسەلە 2 جانە باسقا تۇرگە ساياتىن ماسەلەدەن بىرەۋ بولعان.

    ۇعىسۋعا قاراعاندا، قازىرگە دەيىن، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اۆتونوميالى رايونىمىزعا تۇزەتۋگە تابىستاعان الدىڭعى 26 توپتاعى 1722 ماسەلەنىڭ 1717سى ءبىر جاقتى ەتىلگەن. مۇنىڭ ىشىندە 1549 ماسەلەنىڭ شىن ەكەندىگى، 168 ماسەلەنىڭ شىندىققا ۇيلەسپەيتىندىگى تەكسەرىپ انىقتالعان. تەكسەرۋدەن سوڭ، تۇزەتۋگە تابىستالىپ، ءبىر جاقتى ەتىلگەن ماسەلەلەر اياسىندا 1265 كاسىپورىنعا رەتتەۋ، تۇزەتۋ مىندەتتەلدى، 409 كاسىپورىنعا اكىمشىلىك جازا بەرىلدى، ايىپ سوماسى 32 ميلليون 993 مىڭ 900 يۋان بولدى، ءبىر ماسەلەگە دەلو تۇرعىزىلىپ تەكسەرىلدى، 20 ادامدى اكىمشىلىك جاقتان قاماي تۇردى، 3 ادامدى قىلمىستىق ىستەر بويىنشا قاماۋعا الدى، 141 ادامدى شاقىرىپ سويلەسىپ، 816 ادامدى جاۋاپقا تارتتى. تۇزەتۋگە تابىستالعان ماسەلەلەردىڭ ناقتى ءبىر جاقتى ەتىلۋ جاعدايى تۇگەلدەي شينجياڭ ۇيعۇر اۆتونوميالى رايوندىق حالىق ۇكىمەتىنىڭ سايتىندا(http://www.xinjiang.gov.cn) جاريالاندى.

جاۋاپتى رەداكتور:سايراش تۇرارجان قىزى